الجواز عندي احترق >> ساعدوني
السلام عليكم ورحمة الله وبركاته
اخواني اليوم قدر الله وصار حريق ببيتنا ( الحمدلله على كل حال )
غرفتي تأثرت وكان جوازي بدولابي
بعد ما جاء الدفاع المدني وطفى الحريق رحت وحصلت جوازي صاير اسود (مفحم بس مو محترق ) في اخر صفحتين حقت التأشيرات
وبقية الجواز سليم ( من اوله اللي فيه صورتي حتى الاخير ما عدا اخر صفحتين مثل ما قلت لكم )
هل يأثر هذا الشي عند السفر ؟؟
لو اعدله تتوقعون راح تتغير بيااناتي ( رقم الجواز تاريخ الاصدار والانتهاء ) ؟؟
رد: الجواز عندي احترق >> ساعدوني
اذا انت بالسعوديه لازم تراجع الجوازات وخذ الجواز معك واذا برا رح للسفاره بلغهم
رد: الجواز عندي احترق >> ساعدوني
اولآ الحمدلله على سلامتك
الجواز ما اظن يتغير فيه شي لانك بتطلع بديل عنه
مو بتجدده
رد: الجواز عندي احترق >> ساعدوني
الله يسلمكككم ما قصرتوا
جزاكم الله خير
رد: الجواز عندي احترق >> ساعدوني
راي روجا ..... الحمد لله على سلامتك .... تطمن باذن الله امرك سهل ... رح الجوازات وضح وضعك واعطهم صورة من الجواز اذا عندك...
وقلهم اذا في امكانية تكتبوا نفس تاريخ الاصدار والانتهاء ... لانه ياثر عليك في السفر وفي مستقبلك.. واذا غيروا التاريخ ،،، وان كان عندهم ورقه توضح وضعك مع ختم منهم ... عشان ترفق الورقه مع الجواز الجديد لمركز الابتعاث اذا احتاجت.. فتظمن اكثر ..
همسة ...توكل على خالقك هو بيده امر كل شي ...اذا ربي رايد لك تسافر ... حتى لو هذي المشكله وقعت في طريقك ... ربي حيسهل لك ... وان تغير تاريخ الاصدار والانتهاء !!
..واذا ربي مو رايد ... فتيقن ان هذا الخير لك ... احمد لله لعله خير ...
رد: الجواز عندي احترق >> ساعدوني
الحمدلله ع السلامه اخي
خذ ورقة من الدفاع المدني وقدمها للجوازات وخيرة لك
رد: الجواز عندي احترق >> ساعدوني
اخوي لاتشيل هم حتى لو اتغيرت يوم الملتقى بعد القبول النهائي جيبو معاك وكلمهم
ومتأكده راح يكونو اكتر من مستعدين انو يساعدوك لو اتغير الرقم ولاشي ويعدلو بياناتك :)
رد: الجواز عندي احترق >> ساعدوني
السلام عليكم ورحمة الله
اولا الف حمد لله على سلامتك ياغالي وان شاء الله اخر الأحزان , ومجأور ان شاء الله بالإبتلاء هذا
وحاب اطمنك يا غالي ان الجواز البدل الفاقد يطلع في يوم واحد انت بس حاول تاخذ تقرير من الدفاع المدني وخذ الجواز القديم وراجع الجوازات واشرح لهم حالتك
بالتوفيق
رد: الجواز عندي احترق >> ساعدوني
الحمدلله على سلامتك اخوي
الجواز اتوقع انك زي ماقالو الاخوان تروح الجوازات وهم هناك بيساعدوك اذا شرحت لهم وضعك
الله يسهل امورك ان شاء الله
رد: الجواز عندي احترق >> ساعدوني
يطلعون لك واحد وانت واقف وياخذون هذا يتلفونه .. طبعا بنفس الرقم وبنفس المده