السلام عليكم ورحمة الله وبركاته
اخواني واخواتي <-----ماادري ليه كل مااكتب موضوع احس اني رسميه جدا
لالا جد خلونا نحكي جد ..الحين أعوذ بالله من بدينا هالتقديم واحنا في غلبه وهم وغم ,, اولها يوم نقدم,وبعدها التدقيق , والحين في القبولات والترشيح
ياناس انا اقول نهدي الوضع شووووووووووووووووي ونذكر الله وخلونا من هالتفاصيل اللي مالها داعي ومو وقتها ابدا ابدا ابدا عالأقل لين يجي موعد الملتقى.
ولازم نحط ببالنا شي مهم انه لازم نوكل أمرنا لله ونتوكل عليه في كل أمورنا وماله داعي نقلق ونشيل هم ونوسوس وووو ,,اللي يبي يجيب قبول يجيب الله يجزاه خير واللي مايبي يجيب لايجيب..
مو كل شوي طالعين لنا بموضوع وانواع التوتر انا عن نفسي والله كل ماطلع موضوع جديد عنوانه(( قبول معهد,القبولات,كيف تجيب قبول ووو)) احط يدي على قلبي وتطير عيوني,,حرام عليكم خلونا عالأقل هالفتره نستنى الملتقى ونشوف وش ربي يدبرنا خلو كل شي على الله مافي أعظم من التوكل على الله تأملوا هذي
القاعدة القرآنية: {وَمَنْ يَتَوَكَّلْ عَلَى اللَّهِ فَهُوَ حَسْبُهُ} وطبعا لاتنسون الاستخاره ..أنا خلاص قررت اني اخلي اموري مثل ماهي ومثل ماربي يسيرني فيها واللي كاتبه ربي لي يصير
والله الله بالدعااااااااااااااااااء .. والله صايره امشي وافكر وانام وافكر اكل وافكر ماصارت حاله نبي مواضيع تفيدنا مو تقلقنا أو خلونا نبدا ندرس انقلش شوي شوي يكفي توتر تكفون ((ملاحظين اني ممترضه؟))
<--تشرب مويه(( نشفتوا ريقي الله يهديكم ويصلحكم بس))
عالعموم فيه موقع روعه وراح يفيدنا ان شاءالله ,,طبعا الموقع شامل لكل شي قواعد-كلمات-مجلات-العاب-تمارين لو من اليوم بدينا كل يوم فقره
مايجي وقت سفرتنا الا احنا شاقين ورقة قبول المعهد ونبدا علطول ماستر<<<<<كنها بالغت؟
الموقع
Learn English Free Online
المهم مالكم بالطويله ((ماطولت أبد)) ارجع واقول الله ييسر امورنا ويوفقنا ويكتب لنا الخير وين ماكان
وآسفه اذا اقلقتكم وصدعت روسكم
:sweatingbullets: