IELTS - إختبار تحديد المستوى الأنجليزي

وأنا نفس السؤال .. بس في واحد الله يجزاه خير قال لي أوديها الرياض عندهم بالوزارة .. بس حبيت أتأكد إذا في إمكانية اسلمها لمكان أقرب لاني في المدينة ومشوار والله للرياض ..~

أظن ما فيه إلا بالرياض ,, انا نفس الشيء بس الفرق أني اليوم مختبر وانتظر النتيجة ,, والموظف اللي قالي اختبر قالي أجيب النتيجة للرياض عندهم بالوزارة ,, فما فيه غير تشد مشوار للرياض والله يعينك ,, او تقدر تخاطر وتنتظر الملتقى وتسلمهم النتيجة هناك

السلام عليكم
مساء الخير أخوي يعطيك العافية
عساك عالقوة ان شاء الله
وان شاء الله يقبلونك
بس اخوي لو سمحت
عندي استفسار بسيط
انا الان في المرحلة الثانوية .. ثالث
ان شاء الله راح اقدم على برنامج خادم الحرمين الشريفين (حفظة الله ورعاة وايدة ونصرة وطول الله في عمرة . ويبعد عن بلادنا كيد الشياطين)
شسمه بخصوص اختبار الآيلتس
هل شرط قبول الجامعات الأوربية أجيب في الآيلتس 5
وهل الإختبار من هنا أو لما اخلص ال18 شهر
لان تعرف اخوي ان لغتنا ضعيفه واستاذ الانجليزي من بداية الحصه لنهايتها يتكلم عربي
فشويه صعبه علينه اختبار الايلتس
وارجوا انك ترد علي والله برحم روح والديك

معليش اخوي علي انا بخش عرض وأجاوبك ,, اذا تبي نصيحتي أنا انصحك بأنك تحاول تعزز لغتك الإنجليزية من الحين ,, يعني لا تكتفي بمقرر الثانوية ,, لأنه بصراحة فاشل وما يأهلك لشيء ,, اذا عندك وقت فراغ او حاجة حاول تقرا انجليزي وتسمع انجليزية واذا تقدر سجل في أي معهد علشان تتعلم اللغة ,, بالنسبة لوقت الإختبار ,, افضل شيء انك تسويه هو انك تختبر قبل ما تقدم على البعثة بشوية ,, يعني اول ما تخلص الثانوية حاول انك تختبر ,, علشان تكون فرصك بالقبول أكثر ,, يعني انا للأسف ما اختبرت غير اليوم والنتيجة بعد اسبوعين ,, ولهذا السبب تم تغيير رغبتي الأولى ( ايرلندا ) الى بولندا ,, ( اغلب المقدمين على ايرلندا عندهم شهادات تحضيرية وآيلتس ) ,,

بالنسبة للجامعات الأوروبية اغلبها تطلب 5 في الإختبار ,, لكن مثلاً بولندا صحيح تبغى خمسة لكن مو لازم الحين ,, تقدر تختبر وانت هناك تدرس بالمعهد ,, أما زي ايرلندا صعب تطبق هالشي لأن اغلب المقدمين عليها مختبرين من الأساس والوزارة بتحطهم في ايرلندا وتوزع الباقي على دول أخرى ,, المهم أهم نصيحة لك الحين هو انك تحاول تجمع لك لغة طيبة لأنه طلعت اشاعات تقول بأنه راح تكون قوة اللغة من شروط القبول بالمرحلة الثامنة ,, اشاعة مو أكيد ,, بس انت خذ احتياطك من الحين ,,

الله كان بجانبي في هذا الخصوص ، أنا أتكلم إنجيزي من عمري سنتين ، نصيحة مني لك تبي جامعة؟ إنسى عربي ... Speak only in English ... لهذه الدرجة؟ إيوا.
أفلام بدون ترجمة يساعد الإستماع والفهم ، إقرء روايات إنجليزية مثل زي Harry Potter و A Game Of Thrones و Hamlet ، يساعدك على القراءة ، تقدر تكتب مقالات صغيرة مثلا وريها لواحد يفهم يصحح لك ، إحفظ إملاء الكلمات ، لأنها الطريقة الوحيدة.

ولو تبي تصير فلتة إدخل معهد أو جامعة وإدرس سنة تحضيرية وقدم للبعثة يوم تجي التقدم

ياسلام عليييييك .. انا نفس الشي من ايام القناة الثانية اللي بالانجليزي خخخخ .. واللحين الحمدلله له الفضل والمنه معاي ( 5.5 ) IELTS .. ومعاي ( 43 ) اختبار pearson vue مع العلم اني ابقدم بكالريوس وكان ودي اجمعها معاي ..

من ناحية استفسارك اخوي Tariku ان شاء الله اذا تم الترشيح لنا كلنا ( ياااارب ) لك كامل الحرية تعطيهم قبل الملتقى او اذا حضرت .. لان هم اشترطوا اللي معاه شهادة اختبار انجليزي الايلتس او توفل او اي دورة لغة انجليزية يكون (( معفي )) من الملتقى ويكمل اجرائاته .. واذا ودك تريح نفسك اتصل عليهم لكن خلك لحوووووح باسئلتك لاتسال وتسكر اسال لييين يرتاح بالك من هالموضوع .. والله يوفقنا جميعا ان شاء الله

والله ذكرتي بطفولتي يا رجل ، أيام سعودية الثانية وبحرين 55 (حن أهل الشرقية) ، يا لله زمان والله!

باقي الترشيح أجل؟ زين ننتظر.

بصراحة أنا مو همي أتخلص من الملتقى واحد قال لي إذا جبت IELTS تقدر تضمن الطب.

والرقم ذا ... محد يرد عليه ، أخاف طفشو مشو.

^
^

جرب الإيميل عادة يردون بعد 24 ساعة ,,

kasp@mohe.gov.sa

خخخخخخخخخخخخخ اوما بحرين 55 خخخخخخخخخخخخخ ..
بصراحه من عذرهم مايردون كم طالب مقدم ابتعاث ( بالالاف ) وهم اصلا كم موظف وتخيل انت هالالاف فيهم اللي يتكلم بادب وفيهم قليل الادب ويسب ويستهبل .. لاتلومهم ..

الله يعين بس وييسرها لنا .. الانتظار صعب والشغل بعد الترشيح اصعب بالذات امريكا وفيزتها الغريبة ...
بس نقول صبر جميل والله المستعان .. ومن ناحية اللغة ان شاء الله ابدرس لان الكتابة عندي مشكلة فيها ومثل ماقالوا الشباب الانجليزي عندنا رايح بامها كل الدرس عربي هههه..
يعني ضروري معهد لغة مهما كانت شهاداتنا لااازم معهد عشان ( نصقلها ) <<< قوية صح ؟؟ هههه..