للي واثق من نفسه وشهاداته ومحتار ادخل .. بعد هالموضوع بترتاح

السلام عليكم ورحمة الله وبركاته

مساء / صباح الخير ..

واللي سهران معاي اقول له يسعد لي جوك يابطل/هـ ,,

انا موظف حكومي ( صيدلي ) متزوج وعندي ولد وزوجتي مقدمة على المرحلة السابعة الله يوفقها ويوفقكم اجمعين .. من 4 سنين قدمت على ابتعاث وزارة الصحة بحكم اني موظف ..
والان الحمدلله على قولتهم ( ماسك سرا :)) وانتظر دوري واعلان اسمي .. وبنفس الوقت زوجتي معها بكالريوس كيمياء ومعدلها وعمرها وسنة التخرج يؤهلها للابتعاث .. وانا مستخير الله سبحانه بكل امري
ومتحمس اكثر منها واقلب بالمنتديات عن اي معلومة تخص الابتعاث بالمراحل السابقة اي شي يدعوا للتفائل .. اي شيييييي .. يعني عندي فرصتين ان شاء الله وحده منهم بتجي او بيكون الله سبحانه وتعالى كاتب الخيرة اني اجلس واكمل داخليا ..

عموما .. من باب اللقافه العمييييقة فيني قلت افتش بالمراحل السابقة .. ولقيت اخبار حلوة واخبار تضيق الخلق ومواضيع اصحابها قلوبهم سوداء ويكذبون على الناس بالنتائج ..

بالنسبة لمبتعثين المرحلة الخامسة ... يووووووووووه جتهم مشاكل الى بكره نصيحة لاتدخلووون موضوع يخص المرحلة الخامسة لان كل مواضيعهم تفقع القلب وعاد حنا قلوبنا مااااش ... مش ولا بد

ونجي لمبتعثين المرحلة السادسة .. الصدق ان توقيت التدقيق قريب مننا وسرعة اجرائاتهم قريبة مننا بشكل كبير والعدد بعد حول الدعوة ... مواضيعهم حلووووووووة وانا توني فاااار المنتدى الخاص بالمرحلة السادسة فرررر .. وانصجكم بالصفحات من 220 ونااازل . لان ماتصدقون كيف تفائلهم بالنتايج وفرحتهم لدرجة انك ناااادرا ويكاد يكون لايوجد من لم يقبل 11000 طالب مبتعث للمرحلة السادسة وهذا من مصادري الخاصة .. والمعلن 9900 طالب يقل او يكثر ..

بالعربي كلنا مقبوليييييييييييييييييييييين ان شاء الله .. انا درست الموضوع وقريت عن المراحل السابقة موضوع موضوع .. صفحة صفحة .. زنقة زنقة <<< تحمس ابو الشباب ..
واللي بالمراحل السابقة كلهم انقبلوا وسالت عن الشباب اللي تعثر قبولهم وقالوا ( يوووووه كل واحد بديرة .. راحوواا ) ويستثناء منهم قليل جدا جدا جدا لكن هالقليل جدا جدا جدا بعضهم ( مو كلهم ) ماستوفاء الشروط .. سواءا بالعمر او المعدل او سنة التخرج .. وبعضهم ماستوفاء الشروط وهو اللحين ببلد الابتعاث يعني ابو متعب الله يحفظه ماااقصصصرررر ...
...( اتعبت الملوك من بعدك يابو متعب )..


يعني يانااااس توكلوا على الله وابداو بتحضير انفسكم لقفزة كبييييرررة بحياتكم وصفواا النية مع الله سبحانه ترا الابتعاث ماهو نهاية العالم مصير الطير لعشة ومصيرك ترجع وشهادتك بيدك .. والناس بتاخذ كم اسبوع فرحانه فيك واخرتها جالس بالبيت وماعندك الا قولة ( انا يوم كنت بالمانيا .. وانا يوم كنت بكندا .. وامريكا نظامهم غير ) وانت اصلا عاااااطل وجاي بشهادة ماتوظفك ولا تعينك مستقبلا ...

كل واحد فيكم يبدا يحضر .. فلووووووسه ... يقرا عن دولة الابتعاث اللي اختارها و عن الولاية قراءة تفصيلية وانصحكم تنزلون قوقل ايرث ممتاااز ( عز الله انه شنب ويعرف الرياجيل ) .. ونصيييحة اللي قبل لاتسافرون اذا فيه احد زعلان منك حاول تراضيه اذا فيه احد كنت تغيضه وتهزءه اما الناس تذلل له .. ترا المذله دييييين بتحصله دنيا واخره ... اذا فيه احد مدينك سدده ( الا الراجحي والله ان يبطي ) حاول قد ماتقدر تسافر وانت مصفي قلبك من الاحقاد والحسد والناس اللي كل همها تحبطك اياني واياك تجي وتقول : جبتها غصب عليكم ومن هالخرابيط .. لااااا .. انتبه ترا الدنياااا دوواااااااااره .. والتاريخ يعيد نفسه .. ماتدري وش مكتوب لك اذا سافرت ...



وبالاخير ماابي منكم الا دعوة بظهر الغيب لنا جميعااااا بالتوفيق والنجاح والعودة الى بلادنا غااانمين .. وترا كلامي عن المراحل السابقة بامكانكم التاكد منه بالمنتدى ..

(( يارب اني كتبت الموضوع ابتغاء وجهك الكريم فوفقني انا ومن معي لطلب العلم .. اللهم واكتب الشفاء لوالدي يارحمن يارحيم ))

الله يوفقك ويريح قلبك ويرضا عنك ويشفي والدك

أناااااااا سهرانه معاك خخخخخ.:eek:..الله يجزاك خير ويريح بالك وانا كمان فرفرت المنتدى فرفرة وتعبت..على قولتك أخبار تضيق الخلق وأخبار تفرح..
الله يكتب الخير للجميع..عوافي عليك.....ملاحظه(أحولت عيوني من اللون الفسفوري ماشفت لون أفتح شوي<<<<صابها عمى ألوان);)خخخخخخخخخخ

وعليكم السسلام مساءء النورالله يطمنك ويوفقك ويسسهل طريقك ..

اقتباس:

---

المشاركة الأصلية كتبت بواسطة دودي 2010

الله يوفقك ويريح قلبك ويرضا عنك ويشفي والدك

---

امين . الله يسمع منك .. ويوفقنا جميعا ..

ياحبي للتفاؤل...الله يكتب الي فيه الخير ,,ويوفقك انت وزوجتك الف شكر

اقتباس:

---

المشاركة الأصلية كتبت بواسطة وسام الأمل

أناااااااا سهرانه معاك خخخخخ.:eek:..الله يجزاك خير ويريح بالك وانا كمان فرفرت المنتدى فرفرة وتعبت..على قولتك أخبار تضيق الخلق وأخبار تفرح..
الله يكتب الخير للجميع..عوافي عليك.....ملاحظه(أحولت عيوني من اللون الفسفوري ماشفت لون أفتح شوي<<<<صابها عمى ألوان);)خخخخخخخخخخ

---

تفرفرين بالمنتدى ؟؟؟ .. معاك محرم والا لا ؟؟؟ خخخخخخخخخخخخخخخخخخخخ امزح معاك .. الله يعينكم على المحرم اللي قلب عالمكم قلللب ..
الالوان سالفتها تطول ابختصرها .. كان عندنا دكتور .. وكان يعترض على الكتابة بلون واحد .. يقول ان الكتابة بكم لون تريح النفس وتخلي القارئ يتنفس بعمق طبعا هالدكتور مااخذ فترة ونقل من عندنا
على مااظن مستشفى الامل .. بس ماشاء الله عليه دكتور تشخيصي 100% خاصة بالامور النفسية..

<< عاد اخوكم قام يقلده ..

يااارب وفقني على قد نيتي

ياحلو كلااامك وياحلو طريقة سردك حتى الوانك ياحلوها

يالله من زمااااااااااان عن التفاؤل والكلام الحلو

ربي يسعدك ياخوي تستاهل كل خير

اما بالنسبه لراجحي وبنك الزواااج وربي انه يبطي من جد ههههههههههههههههههههههههههههه

صدق دكتورك يوووم دخلت وشفت الموضوع طويل ما تعاجزت اقراه مثل كل مره
قبل اذا دخلت وشفت الموضوع كله بالاسود وطوويل اطنش واطلع
لكن انت كتوور وربي

يالتوفيق لك وربي يشفي كل غالي ع قلبك

والله حنا لا شغل مشغله سهراانين طووول الليل

والBB موقفييينه يعني ما ورااااانا الا المنتدى والفرفرة فييييه :D

الله يجزاك كل خيير ونولك اللي في بالك وبالنا يا كريم :)

اقتباس:

---

المشاركة الأصلية كتبت بواسطة سلطه

واللي زعلان عليك وحاولت فيه كذا مررررره و مارضي شو تعمل ????

---

شوفي اختي الناس اللي تزعل منك وعلى حسب تصنيفي .. ينقسمون لقسمين .. ناس تزعل لسبب : مثل كلامك عنهم .. او اي شي ثاني سواءا قديم او جديد صغير او كبير شي شافوه منك وازعجهم شي اخذتيه منهم حاجات عادية مقدور عليها .. اللي مثل هذووول تقدرين تراضينهم بانك تتنازلين عن حقك لهم اهم شي تطلعين بنتيجة اللي هي انهم رضوا ... القسم الثاني .. ناس تزعل منك بدون سبب : للاسف الشديد انهم الاغلبية بمجتمعنا وقريبين مننا ومن لحمنا ودمنا ومستحييييييييييييل وعاااشر طعش المستحيلات انهم يرضون منك لان انتي كللللك مزعلتهم مانتي عاجبتهم يبون يشوفونك ضعيفة ماتسوين شي .. اهم شي بيومهم يتتبعون اخطاءك وزلاتك .. يدورون عليك الخطا بشمممعة .. اللي مثل هذوووووول .. اهربي منهم هروبك من الاسد ... وياااكثرهم والله يهديهم ... وغالبا تلقينهم من العائلة بالدرجة الاولى ... ( اعداء نجاح ) .. المميز دائما محارب لايهمونك مادام الله معانا .. حسبي الله ونعم الوكيل << محاكيك ماسلم منهم ..