رد: ماهي الوظائف اللي تخلي الوزارة تكنسل البعثة؟؟؟؟
اقتباس:
المشاركة الأصلية كتبت بواسطة legacy205
ما في احد عنده فكرة عن الموضوع يفيدنا
هلا والله بالسمي وبخصوص انه اسمك زي اسمي او بالعكس وبحكم انه متخرجين من الجبيل الصناعيه خلني افيدك
انت مرشح من الهئية الملكيه ولا مقدم على البرنامج؟
بخصوص الوظيفه ماأعتقد انه راح تؤثر على الابتعاث وسالفة انها تتكنسل هذي في حالات معينه وبالخصوص اذا كنت موظف حكومي
بس في حالة انك تبي تتوظف ولا كنت موظف لازم قبل امر الابتعاث يكون عندك اخلاء طرف من جهة عملك واسمك مو موجود في سيستم التأمينات
ليش؟؟ لان الوزارة ماراح تعطيك امر الابتعاث الا بأخلاء الطرف ولاحظ انه امور الاستقالة من الوظيفه تقعد شهر كامل - اقل او اكثر بشوي.
فأنت لاتشغل عمرك بالوظيف لأنك لو توظفت يبي لهم اسبوع على ماتتسجل في التأمينات واوراق رايحه وجاية وفي الاخير بعد الملتقى راح تقدم استقالة يعني كل الموضوع انك راح تتوظف على شهر او شهر وزيادة وبصراحة نصيحتي لك لاتتوظف واعمل على جلب قبول لك من المعهد وياليت اكثر من معهد هذا طبعاً ( اذا انت ضامن البعثة اما اذا اوراقك مو كاملة وعلى امل انهم يقبلونك ) فهذا الشي راجع لك انت.
بس سالفة انك تتوظف شهر وبعدين تطلع تراها عوار راس اخوي.
وأن حصل وتوظفت فلابد من أخلاء الطرف من الشركة والتأمينات تفيد بأنك غير مسجل عندهم قبل صدور امر الابتعاث وغير كذا انسى يعطوك امر الابتعاث.
ادري طولت لكن حبيت اوضح لك شي ممكن يكون غايب عن ذهنك
وبالتوفيق
رد: ماهي الوظائف اللي تخلي الوزارة تكنسل البعثة؟؟؟؟
طيب وظائف بند الأجووووور ؟؟؟؟
رد: ماهي الوظائف اللي تخلي الوزارة تكنسل البعثة؟؟؟؟
معليه صحبتي العام كانت موظفه معانا وطلع لها القرار وجلست معانا لشهر 5 بالهجري وسافرت نهايته ولا اي مشكلة
رد: ماهي الوظائف اللي تخلي الوزارة تكنسل البعثة؟؟؟؟
والله اتوقع عادي انا نفس وضعك
وازيدك اني مسجل في طلب الالتحاق بالجامعة الاجنبية اني على راس العمل (قطاع خاص)
بس عادي وكل الناس مسوية كذا بس اهم شيء ما يكون حكومي
وزي ما قال الاخ الاهم انك تخلي طرفك
رد: ماهي الوظائف اللي تخلي الوزارة تكنسل البعثة؟؟؟؟
انا مثلكم كنت محتاره وسالت الوزاره من رمضان والحين انا موظفه وهذا سؤالي مع الرد ..
السلام عليكم ورحمة الله وبركاته ..تقدمت الى برنامج الابتعاث للمرحله السابعه لدراسة الماجستير والشروط مطابقه لي والحمدلله
وأريد أن أتقدم على وظيفه بقطاع خاص في شركه أو مدرسه أهليه لغرض اكتساب الخبره ويكون لي رقم في التامينات الاجتماعيه او الموارد البشريه
وهل ذلك هل يتعارض مع الابتعاث ؟؟
واذا لم يتعارض متى أستطيع تقديم استقالتي وترك الوظيفه يكون ذلك قبل اصدار قرار الابتعاث او قبل الملتقى .. بارك الله فيكم وبجهودكم ..
http://www.mohe.gov.sa///site%20images/logo.gifوكالة الوزارة لشؤون الإبتعاث( برنامج خادم الحرمين الشريفين للآبتعاث الخارجي ) العمل في القطاع الخاص لايتعارض مع ترشيحك في البرنامج ويمكن عمل اجراءات الاستقالة قبل اصدار قرار الابتعاث
عسى ربي يوفق الجمييييييييييع ..
رد: ماهي الوظائف اللي تخلي الوزارة تكنسل البعثة؟؟؟؟
اقتباس:
المشاركة الأصلية كتبت بواسطة نهايه حلم
اتكلم جد انا وربي زوجي من يكلمهم يحولونه على موظف ثاني والثاني يحوله على ثالث بالاخير صرت انا اكلم على طول يردوا ولا بعد اي سؤال حاضرين ههههههههههههههههه
الشرهة على اللي يكلمهم
رد: ماهي الوظائف اللي تخلي الوزارة تكنسل البعثة؟؟؟؟
يعني القطاع الخاص عادي ولا لا ..؟
رد: ماهي الوظائف اللي تخلي الوزارة تكنسل البعثة؟؟؟؟
انا كمان نفسي اشتغل في قطاع خاص بس المشكلة اني خايفة تتعطل اجراءات الابتعاث زي مثلا اكون في الدوام ويكون يوم الملتقى وما اقدر اجي او مقابلة شخصية للسفارة وما اكون فاضية ..
بس عموما انا اللي عرفته انه القطاع الخاص مسموح ومايكنسل البعثة