كل الطرق تؤدي على جدار (( البعثة اتعبتني وهذا قصتي )) .. !!

October 12th, 2011, 11:44 PM

السلام عليكم ورحمة الله وبركاته

اتمنى قراءة موضوعي بنظرة الاسفتادة لا من نظرة تعقب الاخطاء واسطيادها

فـ موضوعي (( حزن وشكوى )) وعلامة استفهام ؟

وانا على يقين بأن ما ستجده في الموضوع واقع مرير حاصل في مجتمعنا

قبل فتره قدر الله وحصلت لي حادثة حريق في البيت انتهت بتلف الجواز

الحمدلله على كل حال ولعله خير وانشالله دفعة بلا

ما تضايقت ولا حزنت فاللي حصل اكبر بكثير من تلف الجواز ( والسلامة ) اهم من البعثة بـ1000 مره

بعد كم يوم تحركت بسرعة لاستخراج بدل تالف للجواز وكنت اقول في نفسي (( بسيطة جداً )) والامور عوافي

رحت للجوازت وقلت لهم السالفة كلـها

قالوا الحمدلله على السلامة والامور بسيطة بس جيب لنا تقرير من الدفاع المدني

قلت لهم حاظر وعلى امركم

كنت اقول في نفسي الشغلة سهله وبروح وبكمل الاجرائات وبالاخير انشالله الجواز معي لا محالة (( >> ... هذا كان تفكيري ))

لكن مع موظفي دوائرنا الحكومية (( تبطي عظم ..... !! ))

رحت للدفاع المدني وطلبت تقرير فكان ردهم بكل بساطة (( الضابط اللي باشر موقع الحادث ما كتب تقرير .......... ؟؟ ))

كيف !! طيب ليه ؟؟

قال ماندري والله عنه وبعد للاسف الضابط عندهـ اجازة ومقفل جواله ...

والحل ياخوي انا عندي بعثة ومطلوب مني وقعدت اشرح له و و و ....

قال لي والله فاهمك والله ييعينك بصراحه الضابط مقصر المفروض يكتب تقرير

بالاخير مالك حل الين يرجع ثم يكتبه لك

انسد الطريق قدامي ورجعت للجوازات وقلت لهم السالفة على امل القى حلول بديلة

لكن ردهم كان من احد الضباط بالجوازات (( اخوي انا مشغول النظام واضح جيب تقرير ولا بتعامل معاملة مهمل الجواز ))

غرامة 500 + شهر حتى يطلع + توقيع تعهد في حال ضياع او تلف الجواز مره اخرى حرمان من استلام الجواز والسفر لمدة سنتين

هذا رده ناهيك عن اسلوب التكبر في الحديث والله يسامحه ويهديه على كل حال

رجعت مره ثانيه للدفاع المدني وقلت لهم الموضوع جداً ضروري شوفوا لي حل اكتبوا لي اي تقرير الجوازات طالبينه شرط ولا راح يعتبرون حالتي اهمال للجواز وانا عندي دراسة بالخارج والجواز لازم يطلع بسرعه

قالي بالحرف الواحد (( لا ماعليك خل الجوازات يطقون راسهم بالجدار ... هم بس يبون يعقدونها ))

ضحكت وقتها وانا مالي نفس اضحك

وكلت امري لله ان كان في البعثة خير ييسرها الله (( مثل ما استخرت من قبل )) وان كان منها شر يغنيني الله عنها

رجعت لمشكلتي الثانيه اللي هي خطأ بأسم الشهادة

رحت لوزارة التعليم العالي وطلبت اقابل الدكتور ماجد الحربي وفعلاً قابته وقلت له ان عندي خطأ بالاسم وراح اخذ الشهادة اعدلها وارجعها لكم

قالي ابشر واخذت خطآب منهم قالي هذا يسرع الاجرائات لك بدونه تأخذ وقت اطول

الله يجزاهـ خير اهم شي عندي الوقت ما يصير معاي مثل اللي حصل بالجواز

والله يا اخوان ماجد الحربي انسان قمة في التواضع والاحترام والله قمة في الاداب والحوار والابتسامة اللي دوم على ملامحة

الله يوفقه ويكتب له الاجر والسعادة دنيا واخره

اكمل لكم اللي حصل

رحت لقسم الاختبارات والقبول بوزارة التربية والتعليم

وسلمت له الخطاب وقالي الموظف

وشو هذا الخطاب ؟؟ انا ما ابيه خله معك !! ؟؟

سلامات ليه اخليه معي ... ! هذا خطاب معتمد من وزارة التعليم العالي وضروري اعدل شهادتي بأسرع وقت لان عندي اجرائات بعثة لازم انتهي منها بسرعة ؟؟

قالي معليش هذا الخطاب اول مره يجينا

؟؟؟

والله ياخوان ما اكذب عليكم

يعني اذا اول مره اجيكم ما تقبلونه ؟؟ !!

قالي انا اعتذر لك ابد ما نقبله والشهادة تتعدل خلال 10 ايام والخطاب خله معك

قلت ياخوي هذا خطاب لكم ومطلوب منكم فيه تخلصون لي الاجرائات باسرع وقت

قالي رح للمدير وفعلاً رحت له وكنت بروح له من البداية بس مثل ما قلت لكم (( كنت اقول في نفسيه بسييييطة )) بس بعد اللي حصل بديت اتوقع الاسوء

رحت للمدير ويارب يفهم وضعي ويعدل لي هالخطأ البسيط في الشهادة

المهم قابلته وقلت له الموضوع وبأن هذا خطاب يوضح طلب وزارة التعليم العالي لتعديل الاسم

قالي لا لا ياخوي حنا ما نقبل خطابات

انت سلم شهادتك وبنعدلها لك خلال 10 ايام !!

قلت له يا استاذي انا عندي بعثة ( ومذكور هالكلام بالخطاب ) قالي انا مقدر ظروفك بس حنا ما نقبل خطابات اجرائاتنا واضحة ورسمية ثم عصب وصار يقول حنا ما يؤمر علينا

(( اللي كتب هالخطاب خله يأمر على اللي عنده مو علينا .. !! )) >> والله يا اخون هذا كلامهم

والله يا اخواني في امور كثيره تمنيت اذكرها لكن تجاهلتها تحت مسمى (( وما خفي اعظم ... !! ))


الموضوع طولت فيه واتمنى عدم حذفه

أقل شي المبتعثين ياخذون بالهم وينتبهون على اوراقهم

ترا لا ضاع شيء او حصلت لك مشكلة صدقوني ما بتلقى اللي يساعدك غير حرف الواو


وهذا اللي انا سويته

الحمدلله دبرت واسطه وفي خلال 10 دقايق طلعت جواز جديد >> الحمدلله يارب

بس ما زلت انتظر ( و ) في وزارة التعليم العالي ولا راح ابقى على طريقين

يا اما (( خل يصك راسه بالجدار )) او (( خل يأمر على اللي عنده مو علينا ))

• نشر عبر تويتر
• نشر عبر فيسبوك
• نشر عبر جوجل