مساعدة اضطريت اغير الوثيقة....شلون اخبر الوزارة بالموضوع؟؟؟

السلام عليكم..

انا بصراحه عندي مشكلة ... يمكن تكووووون كبيره

وتعبت وانا افكر وش اسوي فيها

طبعا انا قبل التدقيق جهزت اوراقي...

وترجمت الوثيقة والسجل....

لكن الاخ اللي ترجم وقع لي توقيعات تحت اسم العميد والدكاتره اللي مكتوبه اسمائهم بالوثيقة والسجل..

وما قدرت ارجع اعدلها لاني سافرت ..

وتم تدقيق الاوراق وكل شي مشى بسهوله

لكن قبل اسبوعين تقريبا من الآن.... اكتشفت ان السجل فيه خطأ..

مع اني راجعته قبل التدقيق لكن ما شفته سبحان الله...

الخطأ كان ان في وحده من السنوات موجود درجة ماده من المواد محل خانة التقدير والتقدير محل خانة الدرجة.. يعني عكسها والباقي تمام

المهم رحت يوم الثلاثاء اللي هو قبل امس..وخليته يعدلها ويطبعها من جديد.. بدون توقيعاته

ورجعت الجامعه ختمت الاوراق ووقعتها

وبقي علي الوثيقة...

رحت لادارة الجامعة وراح لهم ابوي عشان العميد اللي كان موقع لي في العربي يوقعها..

قالوا له هذا مستقيل من سنتين يعني بعد ماتخرجت ع طول

بس قالوا بنعمل وثيقة جديده ..

وعمل وثيقة جديدة بالانجلش طبعا.. وحط اسم العميد الجديد ووقع عليها وختمها وكل شي


فالحين صارت الوثيقة اللي عندي باسم واللي عند الوزارة باسم..

والسجل برضه متغير عن اللي عندهم

يعني مشكله

انا مدري اخلي كل شي لين يوم الملتقى (اذا ترشحت طبعا) واسألهم وش اسوي..

ولا اراسل الوزارة (لأني اخاف يقولوا مارح نقبلك )

ولا اروح لهم بالرياض...يعني مشواااااااااااااااااااااااااااااار


ولا شو اعمل

ادري ان الغلط غلطي...لأني ماجهزت اوراقي من بدري كان تفاديت كل هذا...

بس شي وصار وابي احد يساعدني

وخبروني وش افضل حل اسويه..




مشكوووووووووووووووووورين مقدما.....