الأعضاء الإشتراك و التسجيل

الملتقيات
ADs

انتهينا قبل لانقول ابتدينا >> قررت الغي البعثه والاسباب جوا >> واسوووني

انتهينا قبل لانقول ابتدينا >> قررت الغي البعثه والاسباب جوا >> واسوووني


NOTICE

تنبيه: هذا الموضوع قديم. تم طرحه قبل 2291 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Rorreta
    .



    حاسّة فيك
    أخوي كان مرره متحمس يجي معاي لدرجة إنه يقول يا ويلك تاخذين أحد ثاني مرافق
    بس نبهه زميله في العمل على إن راتبه بينقطع لين يرجع، وتراجع بسبب إيجار الشقة وأقساط السيارة


    هي خطوة كبيــرة لزوجك ويمكن أحد نبهه لأشياء غافل عنها
    بس مجرد إن بيتكم "ملك" ، بحد ذاته شي إيجابي جداً وبيكون في صالحك في المناقشة معه

    إذا زوجك من النوع الي يقتنع بناء على أسباب عقلانية، اقعدي معاه واسردي له كل إيجابيات البعثة لك وله
    - إمكانية إنه يتعلم لغة
    - سياحة
    - له مكافأة
    - له تأمين طبي
    وقولي له إن هدفك اللغة حالياً وإذا ما ارتحنا هناك خلاص نرجع وما نكمل ماستر

    وقولي له يستخير ويفكر ثانية وثالثة لين يقتنع ويرتاح بالقرار، وحطي عنده خبر إنكم تقدرون تأخرون موعد بدء الدراسة سنة، وما تطلعون إلا السنة الجاية
    يعني كمـّلوا الإجراءات لين آخرها، إحتياطاً، يمكن فجأة يوافق
    لأن الي يسحب على البعثة خلاص ما يقدر يقدم ثانية!


    الأسلوب العقلاني مع الرجال مره ينفع ويغير مخهم 180 درجة هههه
    لأنك لو بكيتي وخليتي عواطفتك تتكلم، بيتعاطف معاك يوم يومين وبعدين يتراجع، هذي خطوة كبيرة ويبغالها إقتناع كامل


    ربي يكتب لك الي فيه الخير
    أحسنتي يَ قمر
    أوفقك الرأي
    7 "
  2. السلام عليكم

    ما ادري وين وصلتوا بالموضوع لاني ما قريت الردود

    ولكن من وجهة نظري لو يقوم بتأجير منزله وهذا راح يعطيه مبلغ حلو .. وبالبعثه راح يحصل على مكافأة مرافق مثلك كمبتعثه بالاخير الحسبه تكون ( آجار المنزل + مكافأة الزوج + مكافأة الزوجة) وكل شيء راح يكون متوفر لكم من سكن وتأمين وووو إلخ ، بالإضافة إلى (السفر لبلد خارجي+ التعرف على ثقافة جديدة + امكانية اكمال تخصصه أو على الاقل حصول زوجك على لغة ممتازة) ....

    بالمقابل لو نقارنها بجلستكم بالسعودية .. (راتب الزوج) وأيضا ستفقدون اللغة حيث لن تتمكنوا من الحصول على لغة إنجليزية ممتازة بالاضافة إلى فقدانكم للقب (دارسين برا) !!

    أعتقد أنه يتوجب على زوجك مراجعة أحواله من جديد والتدقيق بالامور الاخرى الغير مادية !!

    وشكرا لك
    7 "
  3. لاتخلي الظروف توقف طموحك في الدراسة
    فيه امكاينة انك تكملي ماستر ودكتوراة هنا بالسعودية وفي وسط بيتك بدون ماتخسري علاقتك مع زوجك او تندمي على الزواج !
    ومافي عذر انه الانسان يوقف دراسته وتعليمه ..

    تقبلي كلامي بالمنطق ،،

    تمنياتي لكِ بالتوفيق
    7 "
  4. المشاركة الأصلية كتبت بواسطة لمار11
    الله يهديك وش اللي اناني ومدري وشو

    بتنكبين البنت انتي وتخلينها تروح له تقول انت اناني ويطلقها وتجلس بدون بعثة وبدون زوج

    انا نصيحتي لها اشوى من نصيحتك ههههههه

    ماعليك منها لاتسمعين كلامها زوجك ان وافق بالتي هي احسن ولا خليتس مع رجلتس وريحي عمرتس
    يابنت الحلال ترا السالفه ميب سالفت ردي احسن من ردك كلنا داخلين نواسي البنت
    وناخذ بخاطرها مونطلع بنقاش جانبي بيني وبينك ....
    ودامها انسانه وصلت لمرحلت الماجستير وفاتحه بيت ودرسة وهي فاتحه بيت
    هي انسانه عاقله وحكيمه وردودها تثبت كلامي وقد المسؤوليه ...
    والاكيد انها مابتنط لزوجها وتقوله انت اناني ...
    وترا الطلاق وانا اختك شي كبير .... مو على كلمه ولا اثنين تطلقو الازواج
    والشخص الي بوسط المشكله مايشوفها زي الشخص الي برا المشكله
    انا اعطيتها الصوره بنظره مجرده من دون عاطفه ...
    وهي المفروض توزن الامور في بالها وتشوف وش الطريقه الي تستخدمها
    وش الانسب لها ....

    وتذكري انا وانتي هنا عشان نفيدها بس ونوسيها .... كلمنا امكن ماتاخذ منه شي
    بس كلمة مواساه ممكن ترفع من نفسيتها ...
    7 "
  5. الله يختار لنا ولكم الخيرة المباركة

    لكن لو حسبت من حيث الراتب فانا اتوقع ان المكافئة راح تكون في محل الراتب والتكلفة (تكاليف المعيشة وغيرها )اللي يدفع فيها راح تكون نفسها بعد حسابات حسبتها عن كم اصرف وكم باقي لي وكم وكم ......

    اما عن السكن فهو راح يكون مرتاح من حيث لو جاء من الابتعاث

    برضو تجربة الغربة تعتبر من دروس الحياة بعد ما نفكر بالدراسة




    الله يوفق الجميع

    ملاحظة :عليك ان تعلمين أن رضا ربك في رضا زوجك عنك،
    7 "
  6. لكل الي ردو


    اولا حابه اشكركم جميعا من اعمااااااااااااااااااق قلبي
    والله اني قريت الردود واحد واحد وماتتخيلون وش كثر استفدت وقدرت اقنع زوجي نروح بس سنه وحده وبعدها قلت القرار بيدك

    لوتبغا نرجع اقصد لو ما ارتاح خاصه وانه لاعب بنادي كبير ومتعود عالتمارين اليوميه والمباريات بين فترات ومرتبط مع النادي >> عشان كذا قلت انا ماراح اضغط عليك سنه وحده بتمر بسررعه

    ولو ما ارتحت بأرجع ونكون اخذنا لغه وبأكمل ماستر هنا

    ولو ارتحت راح اكمل السنتين وارجع بشهاده اقدر اتوظف فيها واساعدك بالامور الماديه >> والحمدلله حسيت انو بدأ يقتنع مو وافق بس هز راسه ههههههههه اعتقد يعني افكر

    وورربي اني لما كتبت الموضوع كنت لاغيه فكره الابتعاث من راسي

    بس بردودكم الي تفتح النفس اعطيتوني دفعه معنويه كبييييييييييره

    وفتحتوني على امور ماكنت ببالي

    الله يوفقكم وييسرلكم ويسهل اموركم ويسعدكم دنيا واخره

    دعواتي لكم
    7 "
11 من 12 صفحة 11 من 12 ... 6101112
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.