انتهينا قبل لانقول ابتدينا >> قررت الغي البعثه والاسباب جوا >> واسوووني

اسأل الله ان يقدر لك كل خير وان يلهمك الصبر ويثبت خُطاك

الله يوفقك ويسعدك دنيا وآخره

نصيحتي لك خلي زوجك يصلي ويتستخير ولايأخذ بمشورة الاصحاب

اسأل الله العظيم رب العرش العظيم أن يريك الحق حقاً ويرزقك اتباعه ويريك الباطل باطلاً ويرزقك اجتنابه

دعواتي لك بالتوفيق
والله ييسر لنا ولك جميع أمور حياتنا

الخيره فيما اختاره الله .. والله يعوضك يارب

ضروري تروحين تعتذرين عن البعثه .. عشان يمكن مستقبلا تتحسن ظروفك وتقدرين تقدمين من جديد
اذا ما اعتذرتي عنها ماراح تقدرين تقدمين مرا ثانيه

الكل هنا مقدر وضعك بس برضه لاتستعجلين في الغاء البعثة وممكن انتي بطريقتك تقنعي زوجك

ومين قال انه تربية بدنية مايكملو دراستهم بالعكس زملائي كملو ماجستير ودكتوراه في التربية البدنية

انتي حاولي معاه واقنعيه باسلوبك وبالعكس اموره بتكون تمام منها يكمل دراسته

بجد البعثه طمووح كل طالب وطالبه ومن وجهة نظري حاربي عشانها للاخير وان شاءالله امورك تتيسر

^
^

نفس كلام اخوي scon

لأن هو بعد بيستفيد ان كان لغة او دراسة

ويمكن باذن الله تتحسن اوضاعكم بعدين

واساسا مارح يخسر شي دامه بياخذ اجازة... يعني لما يرجع بيلاقي شغله مثل ماهو اذا ما صار احسن

فحاولي تقنعيه..وانكم اثنينكم مستفيدين باذن الله

وصلوا استخاره مره ثانية...وفكروا وخططوا

بس اهم شي يرضى..عاد لو مارضي الله يعينك... بس لا تستسلمي بسرعه

دعواتي لكم

ربي يوفقكم لما فيه الخير

)

( زوجك فيه تاثيرات خارجية دخلت عليه ) حاولي تقضين اغلب وقتك معاه واذا كان مدرس يقدر يكمل .. والايجارات ماهي هم مثل ماقال والمكافاة تكفي وزيادة وابو متعب ماقصر بكل شي ..
وبالعكس المعيشة خارج البلد للدراسة حلووووة ورااايقة وغصب على اللي مقصر بدينه يتمسك بدينه واللي يكره اهله يشتاق لهم واللي مايذاكر راح يذاكر غصب عنه..
انا اشاركك نفس الشعور وحاس باللي تحسينه .. انا موظف وكنت اقدم على الابتعاث ( وزارة الصحة ) من سنوات قبل الزواج .. وماقدرت بسبب بطء المعاملات بوزارة الصحة ولخبطتها والمفاضلة وخرابيط ثانية ..
واول سنة زواج سالت زوجتي عن معدلها وقالت ( 83 % ) وعمرها صغير .. وقلت لها وش رايك بالبعثة .. طبعا رفضت الموضوع جملتا وتفصيلا .. والسبب ماودها تبعد عن الناس وتبي الجمعة وعاجبتها جلسة البنات وحش ونميمة وغيبة بخلق الله وانا كان ودي اقدم لها بالمرحلة السادسة .. وتجاهلت تماما ان حلمي اكمل دراستي من اول يوم لي بالوظيفة .. راحت سنة وبدات سنة 1432 هـ وجاني ايميل من وزارة الصحة باني ترشحت للابتعاث الخارجي وماادري كيف اوصف لك فرحتي.. واللحين صارت هي امام الامر الواقع انا احترمت رايها وماغصبتها على شي قبل سنة.. واول مابدا التسجيل بالمرحلة السابعة جتني وقالت ابيك تسجلني ؟؟؟ .. مارفضت وشجعتها ..
بس كنت اتسائل لو مارشحتني وزارة الصحة هل كانت بتغير رايها ؟؟ .. مدري !! .. لكن حاليا انا قدامي فرصتين .. وانصحك لاتفرطين وحاولي بزوجك وخليه يترك عنه عناد الجاهلية .. وقولي له انه يقدر يكمل دراسة .. هذي فرصة لاااتعوووض .. اذا انتي متخرجة قبل سنة او سنتين .. انا الموضوع اخذ من عمري 6 سنوات وانا اللحين قاعد اعض عليه باسناني ومستحيل افرط فيه .. بس بالاخير انا مستحيل افرط بزوجتي وبتروح معاي سواءا خطفتها او غصبتها بتروح ان شاء الله يعني بتروح .. نصيحة ترا بتندميييييين حاولي بزوجك ورغبييييه بالدراسة .. والله يوفقك وعساه يوافق

الخيرة فيما أختاره الله...

أنا أوافق كلام حالمة.. أحد لعب براسه..
حاولي تاني..يمكن يتغير رأيه..

ولو لا قدر الله وما نفع.. أحمدي ربك على كل حال..أترشحتي للإبتعاث..فرحنا سوا بالترشيح المبدئي..أحترنا في الأوراق والتدقيق..
ساعدنا بعض كثير.. كسبنا أخوان وأخوات..

الله يوفقك مكان ما درستي ومكان ما كنتي..

حسيت إنو كلامي مررة محبط وغير مقنع ف عدلت المشاركة..

تقبلي مروري..

ومعليش .. بس اضافة لكلامي ترا مايحتاج ياخذ اجازة استثنائية خليه ياخذ اجازة دراسية لان سنوات الخدمة راح تحسب له اذا رجعتم ان شاء الله بيكون راتبه دبل الدبل ومترقي على المرتبة الفلانية .. وغير كذا بيكون معاه شهادة قوية ( هذا اذا رضى يكمل ) + اذا كان عليكم قرض وخل نفرض سنوات الدراسة من 3 الى 4 سنوات معناها البنك بيعطيه فوق ال 100 الف ريال قرض جديد ويطق السيارة اللي ماجت على باله ..

يعني بتكون النتيجة :

وظيفة حلوة لزوجك وافضل من 1234 ارفعوا ايديكم ( طابور الصباح ) + زوجتي موظفة ووظيفتها احسن مني + بيت ملك + سيارة ملعونة والدين + ماراح اشيا هم فستان زواج لزوجتي وافتك من ربطة الزواجات بالعطلة الصيفية ..

خليه يفكر بالموضوع .. لان هو الرابح الاكبر بالموضوع من البداية للنهاية ..

ياليت اسمع منك اخبار تفرح لازم لازم لازم ..

قولي :(اللهم اجرني في مصيبتي واخلفني خير منها )
شي حلو منك انك شاركتينا تجربتك ،الله يوفقك لكل خير يارب ،دعواتي الخالصه لك

الله يعيينك ياختي

وربي قهر لمن تكوني متحمسسسسه يجي اح يقولك لا .. زوجك دا انا كرهتو << ومين قالك حبيه خخخ

شوفي ليل ونهار وصباح وكل وقت زنييي على راسو كتر الدق يفك اللحام ..

انا ابويا زي كدا في البدايه كان رافض الفكره ومع الزن وسيل الدموع اقتنع
كمان لو في احد انو زوجك يسمعلو كلميه يقنعو .. ان شاءالله يارب يقتنع وتسافرو..
وكمان يستخيير وان شاءالله ربنا يسهل طريقك ..

الله يوفقك ويسر لك أمركـ والواحد ما يدري وين الخيره فيه,,,

بالرغم إني مش مع زوجك لكن يمكن عنده ظروفه الي ما تسمح له,,,
إذا فيه أمل وإن شاء الله فيه أمل حاولي ولا تيأسي حاولي تقنعيه كلميه بالعقل وبالمنطق والعاطفة وإن شاء الله يتعاطف معاك
لكن اختاري الوقت المناسب وصدقيني لما يشوف فيك اهتمامك بالعثة والدراسة إن شاء الله تتغير وجهة نظره
ثلاث سنوات يقول ما راح يسوي فيها شي يتعلم لغة,, ويعتبرها ثلاث سنوات سياحة وش يبي أحلى من كذا لا دوام ولا شي يسافر ويتمشى,,,
وما شاء الله عندكم بيت وحبكت يعني على السيارة,, يحاول زوجك يتنازل ولو شوي...