الأعضاء الإشتراك و التسجيل

الملتقيات
ADs

يالبى*قلوبكم*بس*والله*تعبانين*نفسين*انت*ويااه*هااه

يالبى*قلوبكم*بس*والله*تعبانين*نفسين*انت*ويااه*هااه


NOTICE

تنبيه: هذا الموضوع قديم. تم طرحه قبل 2251 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة عادل آل فاضل
    شلون أبدآ في أجرآئات الفيزا من ـآلحين مآني فآهم ؟؟
    يالبى قلبك اقصد تاخذ موعد قبل الزحمه وتحدده ويفظل يكون بعد الملتقيات مباشرة طبعا المتلطلبات لازم يكون معك قبول معهد وصور شخصيه وبطاقة الملتقى وتسديد رسوم السيفيس وتسديد قيمة الموعد على ماظن وجواز ....طبعا بعد الملتقى راح تقولي ماعطوني قبول لغه وجامعه ...طبعا تقدر تسوي المقابله بدون القبول بس ماراح يعطوك الفيزا الا بعد حصولك على القبول بس المهمك انك تسوي المقابله وراح يعطوك ورقه صفراء مثل ماصار معي يكتبو فيها النواقص المتطلبه عليك واول مايوصلك القبول ارسله عن طريق فيديكس عليهم وبس واستنى متى يرسلو عليك الجواز مطبوع عليه الفيزا
    7 "
  2. وبالنسبه ىللمعاهد ياشبا ب انتبهو لهذي الجزئيه لانها مررررره مهمه ابتعدو كل البعد عن المعاهد التجاريه طبعا انا حاليا بمعهد يسمى els هذا معهد تجاري بحت هدفهم الربح فقط والتدريس عندهم فاشل لابعد درجة
    7 "
  3. طبعا هالكلام راح تبدئو فيه بعد الملتقى


    إرشادات ونصائح هامه اقرأها قبل ذهابك للسفارة

    أولا : لا تتأفف وتحمل الانتظار بكل رحاااابة صدر ... لأنه مالك غير الانتظار بكل هدوء ... لذلك املأه بالاستغفار .. وليكن الله في العون .

    ثانيا : إذا جاء دورك في المقابلة ....(خلي ثقتك بالله كبيره ) بالإضافة إلى ثقتك في نفسك ...فكن واثق من نفسك ولا تتردد عند الإجابة ... ولتكن إجابتك مختصره وواضحة وواثقة ومعقولة ... وتنم عن اهتمام بالدراسة والعلم يعني لو سألوك ليش تبغى تدرس في أمريكا بالذات ؟؟؟؟( لا تقول مثلا أنا أبغى أكمل في أمريكا عشان البعثة جات منحه من الحكومة الله يعزها.... أو انه عشان قدمت و ما قبلوني في جامعات السعودية بس انقبلت في أمريكا ....أو انه عشان اخويا يدرس هناك... أو صديقي نصحني بالدراسة هناك ) ما راح تعجبهم الاجابه ....وراح يقولك ( طبعا كما سمعت ورأيت أمام عيني ) القانون الأمريكي يحتم سبب وجيه لذهابك إلى أمريكا للدراسة وسببك غير مقنع ... ويختموا على الجواز بأنك لا تستحق الفيزا .....ولا يمكن إعادة طلب الفيزا إلا بعد سنه من تاريخه .... ( والله اللي عملوله كده قطع قلبي وجلست يومين وأنا أفكر في حكايته)....

    ثالثا : إذا كنت اشتغلت قبل كده في أي مكان ....وكنت كاتب انك اشتغلت في الفورمة اللي رقمها ( 158) جيب معاك للاحتياط خطاب من صاحب العمل اللي كنت شغال فيه يمدح فيك وفي أخلاقك .....وإذا كنت متضارب مع صاحب العمل ...اكتب انك ما اشتغلت أحسن ....لأنه شفتهم يطلبوا من بعض الشباب خطابات توصيه من العمل السابق...

    رابعا : أنا سألوني ( أنتي اتخرجتي من الجامعة من سنه ....ايش عملت خلال هذه السنة ) ؟؟؟؟ ( طبعا الاجابه المنطقية ...انت مالك ومالي انت ولي أمري حتى تسألني .... بس لا تقولوا كده ...ترى امزح ... ) طبعا لازم تجاوبوا اجابه مقنعه ..... أنا عن نفسي الحمد لله شكلوا عجبته إجابتي...

    خامسا : لازم يكون سبب اختيارك للجامعة والولاية وجيه جدا ( يعني لا تقول مثلا ما جاني قبول غير من هذي الجامعة ...أو أنا ما أبغى هذي الجامعة بس هيه اللي جاني منها قبول ولمن أروح أمريكا راح أغيرها ....أو أنا صديقي ساعدني في القبول عشان كده راح ادخل هذي الجامعة ) لا تنسو يا أخوان وأخوات لازم تكون إجاباتكم مقنعه ...يعني مثلا تقولوا ( أنا اخترت هذي الجامعة بالذات لأنها قويه في مجال تخصصي ... أو لأنه بها تخصصات في مجالي ما لقيتها في جامعه ثانيه ...ولازم طبعا تكون عندك فكره واضحة عن الجامعة اللي انت مقدم فيها ...يعني مثلا ( لازم تعرف الجامعة في أي ولايه ...وفي أي مدينه في هذه الولاية ... وايش التخصصات اللي تعطيها هذه الجامعة في مجال دراستك أو في المجال اللي ناوي تكمل الدراسة فيه ..

    [b][font=Times New Roman]سادسا : لا تكذب او تغير في الحقائق في أي معلومات عنك ...لان الكذب حبله قصير ... وإذا عرفوا انك تكذب ما راح يصدرولك فيزا .... ويروح تعبك بلاش..

    سابعا :كل شخص يجب أن يذهب للسفارة أو القنصلية التابعة لمنطقته .... ولا احد يترك القنصلية التابعة لمنطقته ويروح قنصليه ثانيه لأني شفتهم يسألو واحد انت ليش ما رحت للسفارة في الرياض اقربلك من جده ...ليش جيت قنصلية جده بالذات ... لازم تتبع الانظمه وتروح اقرب قنصليه أو سفارة امريكيه لمنطقتك..

    ثامنا: ( هذه النقطة للأخوااااات فقط )
    يا أخوات إذا جاكم خطاب الوزارة الموجه للسفارة ...روحوا السفارة أو القنصلية حسب منطقتكم ... وطلعوا في البداية الفيزا لكم انتو بس ولا تقولولهم أنا لازم يطلع معايا محرم ..لأنهم لايهتمو بهذا الأمر ... بل على العكس راح يعقدلكم الأمور ....وبعدين اتصلوا بالوزارة وشوفوا وضع المحرم ... كيف ممكن يتحصل على فيزا... لأنه أنا صارت ليه مشكله في هذا الموضوع ....وخلو فيزتي في الانتظار إلى أن احصل على I-20 لزوجي وأولادي.


    ملحوظة :لا يلزم ذهاب الأطفال اللذين تقل أعمارهم عن 12 سنه للسفارة لإجراء مقابله شخصيه ..


    . . . . . . . . . . . . . . . . . . . . . . . . . . . . . . . . . . . . . . . . .



    الجزء الثالث : ويختص بما بعد الحصول على التأشيرة ( الفيزا ) .

    بعد حصولكم على الفيزا بإذن الله العلي القدير ... عليكم بأخذ صور من الأوراق التالية والذهاب للوزاره لإكمال إجراءات البعثة والحصول على قرار الابتعاث وأوامر الإركاب ..

    الأوراق المطلوبة للحصول على قرار الابتعاث وأوامر الإركاب ...

    1- صورتين من الفيزا
    2- صورتين من جواز السفر .
    3- صورتين من بطاقة الأحوال أو بطاقة العائلة .
    4- صورتين من بطاقة المرافق في حالة وجود المرافق .
    5- صورتين من جواز سفر المرافق في حالة وجود المرافق.
    6- في حاله أن يكون الزوجة والأبناء أو الزوج والأبناء هم المرافقين تقدم صوره من جواز سفر كل طفل بالإضافة إلى صوره من جواز سفر الزوجة أو الزوج .
    7- صوره من كشف الدرجات .
    8- صوره من شهادة الثانوية أو وثيقة التخرج للجامعيين.
    9- صوره من الآي تونتي المشروح عليها بأنها معتمده من قبل الوزارة .
    10- صوره من الخطاب الموجه للسفارة ( ماني متأكدة بس خذوه للاحتياط )
    11- ورقه موضح بها أسماء كل المرافقين بالكامل وصلة القرابة ... وخاصة بالنسبة للأخوات المبتعثات حتى لا يتم نسيان احد أو إصدار خطاب المرافقين الموجه للسفارة دون ذكر احد المرافقين لها .( وهذه الورقة ليست ضرورية .. ولكن أنا أرسلتها عند إرسال أوراقي للوزارة حتى لا يتم نسيان أي من أسماء المرافقين )

    وقد علمت أن قرار الابتعاث يأخذ في المتوسط من 10 أيام إلى أسبوعين ليتم صدوره للمبتعث .


    . . . . . . . . . . . . . . . . . . . . . . . . . . . . . . . . . . . . . . . . .


    الجزء الرابع : ويختص بما بعد الحصول على قرار الابتعاث وأوامر الإركاب .

    - ملاحظات هامة -


    1- يجب أن لا يكون تاريخ حجزكم (يعني اليوم اللي راح تسافروا فيه ) قبل موعد دراستكم بأكثر من شهر
    يعني يا إخواني وأخواتي لالالالالا تذهبوا إلى أمريكا قبل 30 يوم من تاريخ بدأ الدراسة ... لان هذا من الأنظمة الأمريكية بالنسبة للطلاب...
    والملحقيه سوف تبدأ الصرف عليكم من وقت دخولكم إلى أمريكا على أن لا يتعدى 30 يوم قبل موعد بدأ الدراسة ( يعني لا يبدأ الصرف عليكم غير إذا كان باقي على موعد دراستكم شهر أو اقل منشهر )... وهذا الكلام أكيد 100%
    كما يجب عليكم عند ذهابكم إلى مقر دراستكم أن تكلموا الملحقيه بسرعة حتى تعرفوا ما الواجب عليكم فعله لاستلام مخصصاتكم ... وفتح حساب خاص بالبنك
    (حتى تستلموا عليه مخصصاتكم الشهرية سريعا ( ... وفهمت إن الموضوع ما يأخذ إلا أسبوع أو عشر أيام تقريبا وتصلك مخصصاتك ( والله واعلم )

    2- يعتبر قرار الابتعاث لاغيا إذا لم يلتحق المبتعث بالبعثة خلال ثلاثة أشهر من تاريخ صدور القرار.

    3- على المبتعث الالتزام بمدة الدراسة الواردة بالقرار .

    4- يبدأ الصرف على المبتعث من تاريخ وصوله إلى مقر دراسته على ألا يسبق الموعد المحدد لبدء الدراسة بأكثر من شهر.

    5- أوامر الإركاب تشمل السفر من أي مدينه في المملكة بها مطار دولي إلى الولايات المتحدة الأمريكية ثم بعد ذلك تشمل التذكرة من مطار نيويورك أو واشنطن إلى مقر دراستك في أمريكا .

    6- ( للطلاب والطالبات اللي عندهم مرافقين ) الخطاب الموجه للسفارة بعد إصدار القرار يكون به أسماء المرافقين الرسميين للطالب أو ا لطالبه سواء كان الزوج/ الزوجة والأبناء أو الأخ أو الابن لذلك يجب تحديد أسماء المرافقين في حاله الزوجة/الزوج والأبناء وتحديد اسم المرافق في حالة الأخ أو الابن .


    . . . . . . . . . . . . . . . . . . . . . . . . . . . . . . . . . . . . . . . . .


    الجزء الخامس : ويختص بالمتزوجين و بالأخوات المبتعثات والمحارم (الزوج/الأخ)

    1- عند وجود آي تونتي تضم العائلة يجب أخذها إلى السفارة للحصول على فيزا للمرافق ويكون نوعها (F-2 )
    2- عند عدم وجود أي تونتي للمرافقين سواء الأخ أو الزوج/الزوجة والأبناء ..يقوم الطالب بمراسلة المعهد أو الجامعة وطلب آي تونتي أخرى منهم وتكون للمرافقين أو يكون موضح بها أنها تشمل المرافقين ... وسوف يقوم المعهد أو الجامعة بطلب خطاب الوزارة النهائي الصادر بعد صدور قرار الابتعاث ... ويكون موضح في هذا الخطاب أسماء كل المرافقين للطالب وصلة القرابة ... وان الوزارة سوف تتكفل بالمرافقين جميعهم ...وبالإضافة لهذا الخطاب يطلب المعهد إرسال صور من جوازات سفر المرافقين .... ( هذا ما حدث معي وليس بالضرورة كل المعاهد تطلب أو تعمل نفس الشئ)


    صوره من النموذج الواجب تعبئته في الطائره


    طبعا هالكلام كله بدري عليه ولا وصلتو له لسى بس حاب افيدكم

    اتمنى منكم الدعاء لي بالتوفيق واي سؤال انا حاضر
    7 "
  4. المشاركة الأصلية كتبت بواسطة ولايف هوى
    انا قريت من قبل بالمنتدى ان المقابله فقط لمبتعثي امريكا صح ولا معلومتي غلط؟؟
    انا ماحب افتي بشي ماعرفه لكن اكيد لمبتعثي امريكا لازم مقابله شخصيه في السفاره لكن طلاب مبتعثي دول ثانيه غير امريكا مادري عنهم صراحه
    7 "
  5. المشاركة الأصلية كتبت بواسطة MeLoO
    ياليت الناس تفهم بس !!

    يعطيك العافية اخوي والله يوفق وينور طريقك

    بس سؤال في اي دولة بتعث واذا امريكا في اي ولاية واي مدينة

    يعني اعطينا شوية تفاصيل
    وياك ياالغالي


    انا حاليا بامريكا للاسف في جنوب امريكا بالتحديد بولاية اركنساس >>>>>الله يبعدك عنها قل امـــين
    7 "
2 من 5 صفحة 2 من 5 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.