استفسارات ... ضروري للمرحلة الـ 7؟

السلام عليكم و رحمة الله
أنا قدمت على المرحلة السابعة و رحت مركز التدقيق و الخ بس دحين سؤال يراودني
متى بيعلنوا الأسماء بشكل نهائي ؟
و متى تقريبا كده حنسافر ؟ << دي النقطة ضرورية
و شئ تاني ... بالنسبة لإستمار الطلب الإنجليزي اللي عبيناها ... هي حقت معهد لغة ولا حقت قبول في جامعة ؟
سمعت إنه دا بس حقت لغة و بعدين هم يرمونا هناك و نحنا ندور !!!!:(
و أوراق التوصيات و الخ ... صح نحطها في ظرف من الجامعة و كمان نحط معاها السجل الأكاديمي ؟ و إيش كمان نحط لو تعرفوا ؟
^_______________^
آخر شئ ... دحين أنا اخترت الدولة ألمانيا و كتبت ألمانيا و كله .. و دحين لما قلت للبنات قالوا ألمانيا صعبة أصعب من كده و كده و ندرس بالألماني فسؤالي
صح الكلام ؟ أنا اللي أعرفه الجامعات الأوربية بالإنجليزي عشان كده يطالبوا بشهادات توفل و من دا الكلام

و معليش ع الإطالة لكن كل مرة أراسل الوزارة يردولي رد بعيد عن سؤالي !
المهم شكرا مقدما

تسافرين ان شاء الله نهاية السنة هذي او بداية 2012 شهر 1 او 2 وعطوهم كمان شهر وتبدا تجيكم القبولات
لا البكالوريوس الطب في المانيا ممكن يكون بالالماني وممكن يكون بالانجليزي فيه جامعات كذا وكذا بس الغالب انه بالالماني
لكن حتى لو كان بالالماني مو مشكلة تكسبين لغة ثالثة
الاستمارة المفروض حقت الجامعة بس انا ماحد جاب لي قبول جامعة انا قدمت وجبت بنفسي
بعد ما تروحين هناك وتتحسن لغتك تقدمين بنفسك التقديم عندهم سهل جدا ترى
بس نصيحة مني روحو اي مكان الا امريكا الي يبون طب طبعا طب في امريكا لاحد يفكر ابدا
ادرسو في السعودية احسن لكم
انا في امريكا نظام الطب عندهم (غبي) جدا لازم تاخذ بكالوريوس اي شي علمي 4 سنين اول بعدين فيه اختبار اسمه mcat بعد البكالوريس يبي له سنة تحضير بعدين اذا تعديته وجبت قبول تدرس 4 سنين طب طبعا نسبة قبول الاجانب للطب في اغلب الجامعات الامريكية تقريبا 10% يعني لازم يكون معدلك حلوواختبار الام كات لازم تجيب فيه شي حلو عشان تدخل
الي يبي طب اذا ما ودوه اوروبا يدرس في السعودية احسن كثيير

بس ترى اظن الوزارة ما ترضى انو الواحد يدرس لغه غير الانجليزي ما اعرف مو متاكده
بس اظن قرات شي زي كده
طيب ليش ما تدوري في موقع الوزارة اقري كل شي اكيد بتلقي اجوبه لاسئلتك

اقتباس:

---

المشاركة الأصلية كتبت بواسطة DR.7m0o0dy

تسافرين ان شاء الله نهاية السنة هذي او بداية 2012 شهر 1 او 2 وعطوهم كمان شهر وتبدا تجيكم القبولات
لا البكالوريوس الطب في المانيا ممكن يكون بالالماني وممكن يكون بالانجليزي فيه جامعات كذا وكذا بس الغالب انه بالالماني
لكن حتى لو كان بالالماني مو مشكلة تكسبين لغة ثالثة
الاستمارة المفروض حقت الجامعة بس انا ماحد جاب لي قبول جامعة انا قدمت وجبت بنفسي
بعد ما تروحين هناك وتتحسن لغتك تقدمين بنفسك التقديم عندهم سهل جدا ترى
بس نصيحة مني روحو اي مكان الا امريكا الي يبون طب طبعا طب في امريكا لاحد يفكر ابدا
ادرسو في السعودية احسن لكم
انا في امريكا نظام الطب عندهم (غبي) جدا لازم تاخذ بكالوريوس اي شي علمي 4 سنين اول بعدين فيه اختبار اسمه mcat بعد البكالوريس يبي له سنة تحضير بعدين اذا تعديته وجبت قبول تدرس 4 سنين طب طبعا نسبة قبول الاجانب للطب في اغلب الجامعات الامريكية تقريبا 10% يعني لازم يكون معدلك حلوواختبار الام كات لازم تجيب فيه شي حلو عشان تدخل
الي يبي طب اذا ما ودوه اوروبا يدرس في السعودية احسن كثيير

---

شكرا على الرد .... بس ترى مقدمة ع الماستر انا و مو طب ... تغذية
فحيكون برضو ألماني ؟؟ يالهوي و الله لو كان

طيب لما قدمت للجامعة هناك إيش سويت بالزبط .... تقدر تقولي لو سمحت بالتفصيل الممل ؟

اقتباس:

---

المشاركة الأصلية كتبت بواسطة roro93

بس ترى اظن الوزارة ما ترضى انو الواحد يدرس لغه غير الانجليزي ما اعرف مو متاكده
بس اظن قرات شي زي كده
طيب ليش ما تدوري في موقع الوزارة اقري كل شي اكيد بتلقي اجوبه لاسئلتك

---

إيوه يارب يكون إنجليزي .... و الله صعب مرة أتعلم لغة جديدة من الصفر >.<
و الوزارة و الله أراسلها و ترد صح .. لكن أنا سؤالي فين و هم جوابهم فين

^
اذا انتي ماستر تقدري تدرسي بالانجليزي بس الباكلريوس لأ
بس لازم تتعلمي الماني عشان تقدري تتكلمي مع الشعب لانو الانجلش مو منتشر عندهم مرررة

انا قرات بموقع الوزارة ان الطالب ملزم بالدراسه حسب لغة الدوله

ادخلي على رابط الجامعات الموصى بها وراح تجدين هالنقطه مع الشروط



موفقه اختي

نظام الجامعا الموصى بها - تنبيهات


شوقي نقطه 11 وتاكدي بنفسك مكن انا فهمت خطا

اقتباس:

---

المشاركة الأصلية كتبت بواسطة توليب ~

^
اذا انتي ماستر تقدري تدرسي بالانجليزي بس الباكلريوس لأ
بس لازم تتعلمي الماني عشان تقدري تتكلمي مع الشعب لانو الانجلش مو منتشر عندهم مرررة

---

توليب .. يااارب يكون كلامك صح .. وما أضطر أتعلم ألماني و الله مستصعبة الموضوع
و أتكلم مع الشعب ؟ يا شيخة الله يخلي لغة الإشارة ^^

اقتباس:

---

المشاركة الأصلية كتبت بواسطة abeer.sh

انا قرات بموقع الوزارة ان الطالب ملزم بالدراسه حسب لغة الدوله

ادخلي على رابط الجامعات الموصى بها وراح تجدين هالنقطه مع الشروط



موفقه اختي

---

عبير والله قرأت الفقرة أكتر من مرة ... بس حاسة صياغتها تلخبط
((الدراسة يجب أن تكون بلغة البلد ويستثنى من ذلك الدراسة باللغة الإنجليزية في البلدان غير الناطقة بها في حال كون الدراسة باللغة الإنجليزية.))
اللي فهمته إنو الدارسة تكون باللغة المحلية .. ماعدا في دول لغته مو إنجليزي لكن الدراسة فيها إنجليزي ... فما أدري هل ألمانيا الدراسة فيها إنجليزي ولا لأ؟!
يااارب يكون إنجليزي و الله مصيبة لو كان ألماني
شكرا يا حبوبة و بالتوفيق لك كمان