السلام عليكم
اليوم رحت راجعت الوزارة بشان المعامله
رحت قسم المراجعين واستفسرت عن المعامله قال لي الموظف انها مرفوضه ب23/10/1432 هـ الموافق 21/9/2011 بنفس اليوم مع اني راجعتهم الصبح بنفس اليوم قالوا لي يبليها 3 ايام بالقليل علشان يشوفون
وسالت السكيورتي ابي اقابل الدكتور ماجد الحربي
قالي ادخل على السيب هذا واسال هناك المهم سألتهم قالوا لي الساعه 11 المقابله جت 11
قال الموظف من يبي يقابل الدكتور ماجد
قلت انا وفيه كذا واحد
قال لي وش مشكلتك قلت انه جاني رفض بسبب شرط القياس والتحصيلي 80%
قال لي اذا عندك واسطه تمشي او اطلع على حسابك
وناظر خويه وقال وش الخطاب الي جاينا قبل اسبوع
قال خويه من الملك لواحد وانرفضت <<<<<طبعا مامشت علي من ابو متعب ولا مشت تمشي غصبن عن خشومكم بس تصريفه
وقعد يتفلسف قال انا موظف هنا ولا اقدر افيد الي اعرفهم <<نصاب كبير:rifle:
اطلع على حسابك وبعدين حول هاذي اضمن طريقه وقالي وين تبي تروح قلت لامريكا او كندا
قال اذا امريكا سهل تنقبل كل شهر ولا شهرين يقبلونهم دفعه
وبعدين ماضمن لك بكرى تروح وتقول انه واحد قايل لي <<كل شوي يغير هرجه
قدر الله وما شاء فعل والحمد لله على كل حال
الزبده كل شي تمشي بالواسطه ماعندك واسطه اقعد ببيتكم:(