الخبر الأكيد بالنسبة للضمانـ الماليـ ... رد منـ الوزارة .!!

اذا قصدك على امريكا اغلب الجامعات يكون قبولها في اي وقت لكن ادا قصدك على متى تبدا الدراسه فيختلف في جامعات في سبتمبر وجامعات في اوجست 8 وجامعه فكتوريا ما اعرف الصراحه

أخوي فيه نوعين من الجامعات..

الجامعات القوية جداً، وهذي قبولها مرة واحدة في السنة، ينتهي القبول في ديسمبر 2011 و الدراسة تبدأ في سبتمبر 2012، أو تقدم بعد سنة من الآن في ديسمبر 2012 و تبدأ الدراسة في سبتمبر 2013 (بعد سنتين من الآن)، و أنا ما رحت أمريكا عشان أدرس في أي جامعة، إذا ما كانت الجامعة من أفضل 10 جامعات في تخصصي ما عندي إستعداد أضيع وقت فيها..

أنا لغتي و لله الحمد ممتازة (درجتي 92 في التوفل) و معظم معاهد اللغة اللي قدمت عليهم حطوني في آخر مستوى عندهم.. أعتقد شخصياً أنني أحتاج فترة 3-6 أشهر لغة لكن أني يضيع من عمري سنتين لغة (و أنا أصلاً لغتي ممتازة) حراااااام..


يعني خطتي الحالية: أمشي الحين (أكتوبر) و أبدأ التقديم خلال الشهرين هذي وأنا أدرس لغة، أكمل في اللغة حتى سبتمبر 2012 (يعني 10 شهور: مدة أكثر من الكافية)، و في سبتمبر تبدأ دراسة الماستر..
أما خطة الوزارة: أمشي بعد شهرين (في جانواري) ، و أجلس سنتين أدرس لغة (أنسى خلالها نص التخصص) و أبدأ أدرس في سبتمبر 2013 (بعد ما يكون بعض زملائي خلصوا الماستر كلها)..


عموماً أنا ماشي خلال هالشهر إن شاء الله، سواء خلصت أوراقي أو لا، و الشي هذا أنا قررته من زمان لأني شفت أن الخطة اللي تبينا الوزارة نمشي عليها فيها مضيعة وقت،و تجلس فيها خمس سنوات تدرس ماستر، أنا قررت أمشي على حسابي الحين و إذا جات الملتقيات حجزت للرياض و حضرت الملتقيات و أخذت أمر إركاب أرجع فيه لأمريكا مرة ثانية!!

كثير جامعات ما عندها وقت محدد، لكن أغلب الجامعات القوية جداً عندها تاريخ محدد جداً، و غالباً يكون سنوي،، و لو فوته ما لك أي مجال إلا تقدم على جامعات أقل تميزاً أو تنتظر سنة كاملة للسنة اللي بعدها..

الله يوفقك يا اخوي ان شاء الله وفالك النجاح يارب
بالنسبة لي

طيب الحين اذا انت البرنامج يوفر لي قبول لغة وقبول جامعه؟؟
المدة اللي حاطينها الجامعه عشان انقبل فيها بعد المعهد على اساس اني مااعرف انجلش ماتقل عن سنة ثم ادخل جامعه ؟؟
طيب انا مستواي بالانجلش متوسط موب عالي ولا منخفض يعني بالكثير 5 شهور اعتقد تكفي ,, هل لاخلصت الخمس شهور هذي أطب في الجامعه على طول ؟؟؟؟؟؟؟؟؟؟؟؟؟
من جد سؤال محيرني ؟

هذي المواضيع المفيدهـ << مـآتقصد شي أبد
اللي فهمته ان الولـآيه ماتحدد
يعني بنهاية القعدة ان شالله تنزل الاسمـآء والرمز الخاص بكل مرشح مع الدوله واخيراً التخصص
وخلـآل هالفترة إلى ـآ الملتقى ـآ عندنـآ وقت ندور للمعـآهد إذـآ ودنـآ بولـآيه معينهـ
ونعطيهم الـآسماء بيوم الملتقى ـآ وهم يشوفون الوضع إذـآ فيه تكدس المعهد مقفل وهالشغلـآت
<< احلفي

أخوي أمريكا فيها 10 آلاف جامعة، إذا ما كنت تبي تتشرط، بتلقى أكيد ألف جامعة تقبلك في أي وقت..الجامعات الأمريكية نظامين..


1-نظام ال Semester: زي نظام السعودية (تيرمين+صيفي).
الفصل الأول (الخريف): يبدأ في بداية سبتمبر إلى و ينتهي بإجازة الكريسمس (نهاية ديسمبر)
الفصل الثاني (الشتاء): يبدأ بعد الكريسمس (بداية جانواري) وينتهي في نهاية أبريل.
الفصل الثالث (الصيفي): يبدأ من بداية ماي و حتى وسط أوغست..

مثال:جامعة University of Michigan

1-نظام ال Quarter: (ثلاث أترام+صيفي).
الربع الأول (الخريف): يبدأ في نهاية سبتمبر إلى و ينتهي قبل إجازة الكريسمس (وسط ديسمبر)
الربع الثاني (الشتاء): يبدأ بعد الكريسمس (منتصف جانواري) وينتهي في السبرنغ بريك (نهاية مارش).
الربع الثالث (الربيع): يبدأ بعد السبرنغ بريك (بداية أبريل) و ينتهي في منصف جون..
الربع الرابع (الصيفي): يبدأ من نهاية جون و حتى وسط أوغست..

مثال:جامعة Stanford University

كثير جامعات تقبلك في أي وقت و على أي فصل، لكن فيه كثير جامعات أيضاً ما تقبلك إلا على فصل الخريف،،
و فيه جامعات تقبل على فصل الخريف لو جيت قبل الدراسة بشهر، ولكن الجامعات القوية ينتهي قبولها قبل الفصل ب 9 أشهر (في نهاية السنة اللي قبلها)، السبب في هذا أن النظام عند الأمريكان أنهم يقدمون على الماستر و هم طلاب في البكالريوس أو موظفين، نفس الكلام لطلاب الثانوي يقدم الطالب قبل لا يتخرج (و يطلبون منه النتائج الفصلية أول بأول)..

ما شاء اللهـ عليكـ أخـ " iAlromaih " ^_^

تفاعلكـ كبير جدا ما شاء اللهـ عليكـ ،،

جزاكـ اللهـ ألفـ خير إنـ شاء اللهـ

الله يجزاك خير أخوي جوابك جدا مفيد
لكن هل في حالة دراسة الطب ( نظام سنوي زي السعودية ) مو أترام ؟

أخوي أكذب عليك لو قلت لك أعرف!!

لكن إذا بتدرس طب مشكلتك أكبر في القبول، لأن معظم الجامعات الأمريكية و الكندية ما تقبل طلاب الثانوي للطب، فغالباً الطلاب في أمريكا -حسب معلوماتي البسيطة- يدرسون بكالريوس قبل دخول الطب (غالبا Pre-Med)، و لكن حسب ما سمعت أن معظم الجامعات ما تقبل طلاب أجانب في ال Pre-Med!!!!

لازم تتأكد من دراسة الطب في أمريكا، و خصوصاً من ناحية القبول..

أما كنداً، فحسب كلام أخوي (يدرس زمالة هناك)، النظام الكندي ما يسمح لخريجي الثانوي بدراسة الطب، ما عدا مقاطعة Québec هي الوحيدة اللي ممكن تقبلك جامعاتها..طبعا البكالريوس ما يلزم يكون له علاقة بالطب، يعني ممكن شخص تخصصه رياضيات أو هندسة أو قانون و يدرس طب،،

جامعتي McGill و Montréal هي أفضل جامعتين في Québec لكن الأولى إنجليزية و الثانية فرنسية..

أنصحك شخصياً تتأكد و تستفسر عن النقطة قد ما تقدر قبل لا تمشي، أحسن لك من إذا جيت بعد سنة قالوا لك ما فيه طب، إما تحول لتخصص ثاني أو تحول لدولة ثانية، و تدخل في حوسة و تعقيدات ما لها داعي..

هذي قائمة بأقوى 100 جامعة في التخصصات الطبية، ممكن تدخلها و تدخل مواقع الجامعات وتشوف متطلباتهم..

ARWU in Clinical Medicine and Pharmacy - 2011


تمنياتي لك بالتوفيق و نشوفك دكتور آد الدني..

معلومة رائعة ، يعطيك العافية حبيبي