الأعضاء الإشتراك و التسجيل

الملتقيات
ADs

هذا حالكم يامبتعثات (الا من رحم ربي)

هذا حالكم يامبتعثات (الا من رحم ربي)


NOTICE

تنبيه: هذا الموضوع قديم. تم طرحه قبل 2286 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Lecturer
    في البدايه شكلك ماقريتي الموضوع كله اخذتي كلمتين وهاجمتي الموضوع كان لفئه قليله نسال الله السلامه
    ومادام الموضوع مو عاجبك كثير عجبهم منتي مجبره تردين لعل وعسى غيرك يكون الموضوع محط اهتمامه ويمكن سبب يراجع فيه اغلاطه
    الموضوع هدفه اسمى من اللي تفكرون فيه ...اللي واثقه من نفسها ما يشملها الموضوع !!!!
    ومااعتقد جبت شي من عندي ؟؟؟؟
    اقولها صدقا :رب كلمة أو قصة أو حكمة قد تكون نقطة تحول في حياة أحدهم فلا تحرم نفسك الأجر في نشر ما ينتفع به
    انا قريت كلامك وكلام الناس اللي قعدوا يهاجمون اللي عجبهم كلامك هاجموا ايضا وحطوا مواقع وزادت الفتنه
    وانا عارفه نفسي بس مااجي اخرب على ناس غيري او تخرب علي واجي احد ايدي على خدي

    اللي قلتهم اعرفهم واعرف من اللي تقصده واغلبهم بالاسامي
    بس قلتلك ماراح اتكلم لان ترد عليهم بنفس الوقت فقط

    مجبورة ارد عليك لاني لمن سمعت واحد قال المحترمة غصب تخرب ليش باي حق
    انت سببت كل هالكلام بموضوعك فلاتحرم نفسك من اجره وشكرا
    7 "
  2. المشاركة الأصلية كتبت بواسطة صمتي
    احسب عندك سالفه خطيرره ...

    طلعت بس ودك تكثر صفحات موضوعك ,,,,,
    بداية الف شكر...
    ومن جد والله الموضوع جدا مهم وعدد الصفحات مو مهم مقارنة باهمية الموضوع...ماادري ليه اذا قلنا الحقيقة تهاجمون؟؟؟؟
    7 "
  3. الموضوع ببساطة أن اللي كتبوا هالكلام اللي تقوله أغلبهم كانو معصبين حبتين

    والبنت لما تعصب تتكلم كثير و تجيب طاري هذا و طاري هذا و قصة قبل سنتين و موقف أول أمس ونظره الأسبوع الماضي...... وهكذا


    أخوي الأنثى عندها قدرة عجيبة على ربط الأشياء ببعض حتى و إن كانت مالها علاقة.... الله سبحانه أعطاها هالقدرة بسسب أهمية موقعها في كل بيت في كل الحضارات.



    يعني و أنا أخوك طريقة التفكير تختلف أحنا إذا عصبنا تكافخنا و مشينا 200 على الخط الدايري بعدين نسينا الموضوع.... أما الأنثى لا تلقاها تحلل و تحلل و تحلل ..... (هاذي حقيقة علمية مو خطرفة).




    الزبدة لا تآخذ كل كلمة على محمل الجد ترى في أعضاء إناث في هالمنتدى لهم أراء متناقضة من موضوع لآخر في نفس القضية مثلاً (المحرم)...



    الفرق .... هنا كانت معصبة ....... وهنا كانت مروقة




    ببساطة و أنا أخوك



    شكراً
    7 "
  4. يعني مثلا لو بفتح موضوع وعنوانه

    هذا حالكم يالمبتعثين الا من رحم ربي
    ماادري من وين ابدا ...واش اقول ؟؟؟
    الصراحة الراس شاب من اللي قاعده اقراه...وش اللي صاير فيكم ياشباب ....انتم سعودييين والا انا غلطانه ....اقرى المدن القاها من مدن دول الابتعاث اشوف الجنسية القاها سعوديه اطالع ردودكم الصراحه احس انكم من بلد ثاني مااعرفة ... << اظاهر يهود

    وش صار لكم ....بعثة تخليكم تبيعون امهاتكم واخواتكم وزوجاتكم واولادكم ....انتم رجال المستقبل...يابنات والله انكم تحزنون ....
    هذي الاشكال اللي بيتزوجونكم ....هذي الاشكال اللي بتربي اولادكم وتفتح بيوت ...هذي الاشكال بتدرس في الجامعات والكليات وبتعتلي اعلى المناصب ...

    لا والله رحنا وطي ...ويتكلم بعد بكل عين قويه كنه من حقوقه ويشوف الباقين متخلفين ....الله يعوض عليكم وعلى اهاليكم .

    والله عناوينكم تموووت من الضحك ومن القهر في نفس الوقت...( طبعا عارف واحد يبجي يقول وانت وش حارق رزك....ارد عليه ماادري بس رزي انحرق)


    واحد ناوي يروح عشان يفل امها ويشوف الاشكال التعبانه (( ما شاف خشته))

    والثاني قاعد بالكلاس ويخمخم بذا الاسيويات ويتلزق فيهم << هذا باعتراف مبتعثات ومبتعثين ما يدري ان همها بطنها

    وواحد يدور الفله كل مقطع باليوتيوب يرقص ويتنفز ويهز << هو رايح يدرس ولا تبع فرقه فلكور شعبي

    وواحد بس فيذا البارات وبيده كاسة ..... عصير

    وواحد يدور اي متجنسه عشان ياخذ الجنسيه << ما يدري انها بعيدة المنال
    وواحد كل ما شاف سعوديه قام يخز فيها واذا شاف بنات متحجبات متجمعات قال مكتب خدم واذا متنقبه قال هذي وش جايبها هنا
    وغيرهاااااااااااااا كثير ماسكين العود ( مجازا يعني ...)

    طبعا بتجي ناس بتقول المستقبل ومامستقبل؟؟
    ارد عليه واقول : المستقبل مو متعلق بانه يدخل مبتعث ويهين او يهزئ في بنات ديرته ... ((ترى انت اللي محتاجهم محد محتاجك ؟؟))
    اذا مااحترم نفسه وهو هنا بيحترم نفسه وهو هناك .....
    اذا ماعرف يحل مشاكله وهو بالسعودية وبين اهله بيحلها وهو لحاله برى ....

    طبعا الكلام هذا مايعم لكن يخص فئه لاتصلح ان يطلق عليها رجل/ ذكر
    تحياتي للمحترمين فقط


    وش ردك فعلكم !!؟ شرايكم بالاسلوب !!؟
    صح مبين اني انصح وانهى عن منكر !!؟
    7 "
  5. المشاركة الأصلية كتبت بواسطة Lecturer
    ماشاء الله فاهمه بالعربي طيب اكتبي لغه عربيه فصحى...
    كل واحد يكتب بكيفه واللي يريحه ...وانما الاعمال بالنيات ...
    حقيقه فيه ناس ماينعطون وجه ...وعينات باقي ماعرفناها ...
    بعدين اللي متربيه محد راح يشك فيها ..والحال زاد سوء... واللي على راسه بطحى يحسس عليها...
    بديت بقذف الاتهامات وهذا شانك اول شي
    لو تعرف كلامي وقريت ردودي السابقه بتعرفني
    انا مش عاجبتني البعثة بكبرها على شان كلامك وكلام غيرك وهذا اللي محبطني بالموضوع ومخليني مابغى اسافر لان مش على المراه الموضوع وتنفي دور الرجل
    اللي حط لها العصير وش ذنبها هو اذا هو خرنق يعني
    بتقعنعني وقلتلك من قبل المذاهب تختلف بس هذي عنصريتك اللي واضحه من العنوان هي السبب وثاني رد لي يوضح كلامي وانتهينا
    7 "
  6. الأخ الفاضل:.
    السـلام عليكـم ورحمـة الله وبركاتـه::
    أقـدر لك حرصـك وخـوفك علـى أخـواتك المبتعثـات...وهـذا وأن دل يـدل علـى أنك أنسـان صاحـب مبـدأ وفيـك من الخيـر الكثيـر:.
    لكـن يأخي الفـاضـل رفقـاً بالقـوارير...أسـلوبك كـان فيـه نـوع من القسـوه والغلظـه..وكأن الكثيـر من المبتعثـات ينتهجـن هـذه الطرق التـي أشـرت اليهـا في مـوضوعـك..
    أضـافه الـى العنـوان المستفـز!
    وأنا علـى ثقـه في الكثيـر من أخـواتنـا ممـن هـنّ صاحبـات مبـادئ وقيـم يعتـزنّ بهـا وتكـون مصـدر فخـر لهـنّ..ويكـن كـل واحـد منـا لهـنّ فائـق التقـدير والأحتـرام..
    وهـذا وإن دل فيـدل علـى الثقـه بأنفسهـنّ وتطبيـق مايملـي عليهـنّ دينهـنّ..

    أعتـذر منك يآفاضل علـى أغـلاق المـوضوع للأسبـاب التاليـه:
    عنـوان المـوضوع كان بالأمكـان وضع أفضـل منـه مع مايتـوافق مع المضمـون..كان فيه نوع من التعميـم وتم الأستثناء بـ الا...و(إلا) هنـا ترمـز للقليـل..
    مضمـون المـوضوع كـان فيـه نوع من القسـوه في الـرد..
    ضـرب أمثـله قـد لا تكـون مـوجوده في الـواقع وأتمنـى ذلك..

    في أمان الله..

    7 "
6 من 6 صفحة 6 من 6 ... 56
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.