هل انت مستعد للابتعاث وتعرف نتائج الابتعاث وفرص العمل ؟؟؟ معانات متخرج مبتعث

يالغالي انت دور بنفسك بكل مكاان مو تجلس وتستنه هم يتصلوا عليك واذا انت مرره ماحصلت كمل دكتواره وش وراك ماشيلك راتب كانك موظف ..

اصحاب الواسطات هم الاشخاص اللي مامعهم مؤهلات،، او مؤهلاتهم فقط بالاسم واذا جاهم شغل طلعوا من جمبها

ياليت تراسلني عالخاص وتعطيني نسخة من السي في تبعك،، بالنسبة لي توظفت في عام 2011 في ثلاث شركات وكلها ممتازة وبدون واسطات ولابطيخ والله يخلي الشهادات والخبرات

صحيح تمر عليك شهور تجلس عاطل بس صدقني رزقك لوحده بيجيك ولاتروح تدورة عند احد بمعاريض كانك تشحذهم،، بكره لحد ماتصير شايب وهم يمنونها عليك

ارسل لي السي في تبعك عالاقل المكان اللي انا فيه وناوي اتركه عشان البعثه راح ازبط وضعك تكون مكاني،، دامك ماستر اضمن لك قريد 8 واحتمال كبير تحصل على قريد 9 واكاديمي كمان.

بدون وعود ولكن راح اسعى لك

اذا بتذاكر وبتتخرج من جامعة معترفه ومعدلك عالي

لازم راح تنقبل واترك عن هالكلام

السلام عليكم ورحمة الله وبركاته
الأخ الفاضل:.
الأرزاق بيد الله سبحانه..بمعنـى أنه ليس بمعنى أنك خريج أمريكا أو أي من دول الابتعاث ستجد الوظيفه المهيأه لك مباشره بعد التخرج...
هناك خريجين من الداخل الأوائل على المملكه وهم في طابور الانتظار:.
أسمح لي مـوضوعك يطـرح التشـاؤم بين المبتعثيـن وهـم في بداية مشـوار الأبتعاث:.
فـلا أجـد له أي فائـده..
الكـل يعلـم بأن هنـاك أنتظار وفرص..وقبل كل هـذا أرزاق..مقسمهـا البـاري سبحـانه:.
أتمنى لك خالص التوفيق ولجميـع المبتعثين والمبتعثات..
في أمان الله..