الأعضاء الإشتراك و التسجيل

الملتقيات
ADs

خواطر على الطاير للطفشانين بس !!!

خواطر على الطاير للطفشانين بس !!!


NOTICE

تنبيه: هذا الموضوع قديم. تم طرحه قبل 4534 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية haidar 209
    haidar 209

    مبتعث جديد New Member

    haidar 209 الولايات المتحدة الأمريكية

    haidar 209 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى accounting , بجامعة No yet
    • No yet
    • accounting
    • ذكر
    • jeddah, No yet
    • السعودية
    • Sep 2011
    المزيدl

    October 29th, 2011, 04:12 PM

    السلام عليكم ورحمة الله وبركاته

    زملاي زملاي اعضاء المنتدى الموقر بعد التاخر في النتائج حسيت بطفش يتغلغل في اعماقي من كثر التفكير فحبيت انق لكم تجربتي اللعينة والشيقة في نفس الوقت ~كيف تجي هذي

    المهم بعد ماخلصت الثانوية اقترح اخوي الكبير على اهلي انهم يرسلوني ادرس انجليزي وقرروا على ماليزيا وبعد انتهاء الاجراءات وقرب موعد السفر حصلت مشكلة في جوازي وتعقدت المسالة وقرر الوالد الغاء السفرة وانا فرحت لاني كنت خايف لاني رايح لحالي وماادري انهم يخططوا على حاجة اكبر وبعدما قعدت فترة خمسة اشهر انسان عاطل فاضي جأت الطامة اخوية مكلم ولد عمي اللي في امريكا وجابلي قبول معهد وربي ماصدقت جاتني فرحة عميقة ورحت اخلص الاجراءات وبعدما استلمت الفيزة جاني زي الكهربا في جسمي حسيت انة الموضوع جد وبديت افكر ادق ريوس حاولت حاولت ولاكن ما حولك احد وحان موعد السفر وبداو العايلة يهتمون فيني ويخدموني لاني مسافر وقبل لا اروح المطار جاتني الطامة الثانية اخوية يقولي انتا في ولاية غير اللي فيها ولد عمك بعد ما سمعت الكلام هذا قعدت مكاني وقلت وربي مااتحرك ولو على نقالة وربي حسيت اهلي وحوش وبعد ساعتين من المفاوضات وجا ابوية وعمي يراضوني ويفتحوا فية انتا كبير وماشاء الله لك شنب وطويل ماشاء الله ان شاء الله تجي بعد سنة واشتريلك سيارة ونزوجك وانا ذاك الوقت اقول في نفسي يلعن ام الكذب بس يالله بالقوة سحبوني على المطار وبعد وداع موثر ركبت الطائرة واتجهت على امريكا ولاية تينيسي وبدء الجزء الاحر من قصتي

    انا لغتي الانجليزية ضعيفة مررررة بس اللي فادني اني رسام بارع كنت اشارك في معارض في مدينة جدة ~ قولوا ماشاء الله
    المهم ركبت الطائرة وقعدت في الكرسي وفجاة تجي وحدة متينة مررة تقعد جمبي هيةوبنتها وانطلقت الطائرة في رحلة طويلة مملة ظهري تصلب من القعدة وخلال الرحلة كان يجيني نعاس واجي بنام وفجاة اصحى على صوت الحرمة تشخر وربي كانها وايت شفط ~ وانتوا بكرامة



    واخيرا وصلت المطار بعد عناء وربي كاني قاعد في فلم وجاتني دوخة واحس اني في حلم وقعدنا ساعتين عشان الاجراءات وبعدها خرجت من المطار واشوف الناس اشكال والوان الشقر والصفر والحمر وكان معاية المصري حقت المعهد ووصلني عند العايلة اللي بسكن عندهم وصلت عند البيت حقتهم والقاهم مرتصين عند الباب زي الحمام على جدار وربي كنت زي البغل ولاحرف انجليزي ويجيك الاحراجات اسلم عليهم
    كانت العايلة مكونة من الام والاب وبنت عمرها 15 وولد عمرة 9 بس البنت شفتها وربي كأن عمرها 25 ووروني غرفتي وادوني مواعيد الاكل ومتى يقفلوا باب البيت وكان تواصلي معاهم عن طريق الرسم اي شي ابغاة ارسم لهم وكانت امهم تسميني ماي سن وبديت اداوم في المعهد ولقيت في المعهد كثير من السعوديين وبي فرحت واتعرفت عليهم بس كنت صغير عمري 18 وهمة كبار 25 26 27 ورجعت البيت فرحان لقيت سعوديين !! وبنتهم كانت اسمها كريستي كانت توصلني البقالات والاسواق وعرفتني على الطرق واقترحت علي اني اقضي وقت فراغي في اعمال خيرية زي قالت اتفق مع ابوية انك تغسل سيارتة كل يوم خميس خلاص انتا واحد مننا او روح اشتغل في السوبر ماركت القريبة مننا وعجبتني فكرتها ورحت عند صاحب السوبر وهية معاية ودخلت السوبر وكان الشايب صاحب السوبر يعرفها ويعرف اهلها وقعدوا يتكلموا ساعة وبعدها قالي كوم وذ مي ودخلت جوة عندة وفهمني كيف ارص البضاعة واداني مسدس التسعيرة الصق السعر على البضاعة وكان متخوف مني اول الايام وبعد شهر بدا يرتاح لي مايتغدى الا لما اجي وكان كل شهر يديني بطايق شحن الاسكايب بي عشان اكلم اهلي كنت افطر عند العيلة واروح المعهد واجي الساعة 2 الظهر والجو بررررد وارجع البيت اغير ملابسي واطلع عند عمي جيمس هههههه
    كنت متعلق فية مرررة وكنت اكلم اهلي من عندة اجيب اللاب تووب واكلم اهلي منة والله اتقنت اللله الفصحى والعامية احسن من المعهد السوبر ماركت شي عجيب واتعرفت على اهل المنطقة هذيك كلهم من السوبر ماركت وكانت تجيني دعوات كثيرررة اعياد ميلاد وحفلات تنكرية من اهل الحي واروح انا وكريستي وفي الحفلة التنكرية لبست ثوب وشماغ جبتة معي هههههههه وربي تجننوا وقعدوا يصوروني الصور عندي مليان وكانوا اهلي لما يدقوا علية مااحب ارد لاني خشيت في عالم ثاني وخلال هذي السنة جاتني دعوة من صاحب السوبر ماركت عمنا جيمس يقولي ادففع 800 دولار واخليك تجي معاية انا وعايلتي نروح رحلة طويلة الاسكا ونمر على شلالات نياجرا قريب كندا لانها بعيدة مرررة من ولايتنا وكان هذاك الوقت عطلة شهر اهلي قالوا بنرسلك فلوس تجي نشوفك قلت لالالا ذحين معاية لغة خايف اجي واضيعها
    وبدت رحلتنا ورحت اتسوق مع كريستي اخذت اكوات وقفازات وطربوش صووف وقالتلي لازم ادوات تزلج وربي كانت غالية ارخص شي اللي مهي اصلية ب400 دولار وانجبرت دفع وحان وقت السفر حاولت مع كريستي تجي معانا واهلها كانوا رافضين قالولي اذا رجعت وباقي من عطلتك بنخليك تروح معاها هية واخوها نيويورك عند عمتهم يومين وترجعوا قلت حلوووووو وبوسوني مع شوية احرررااج ورحت مع جيمس وعايلتة كانوا كبار عيالة 25 والبنت 28 مع صديقها وزوجتة المقربعة فينيسيا 65 ورحنا ووصلنا الاسكا وربي بررررد مووووت مررررة وتزلجنا وربي جبت العيد كل مرررة اتزحلق على واحد
    ورجعت من الرحلة قبل اسبوع من نهاية العطلة ورحت نيويورك وربي امل ايام حياتي !!!! اعتذر على سوء السرد لضعف الخبرة وارجو المعذرة الاطالة وتهمني ارائكم ولاكن لاتخرج عن الاحترام
  2. المشاركة الأصلية كتبت بواسطة rawaa felemban
    تحسها قصة من فيلم هيهي
    بالذات لمن رفضت تروح عشانك في ولاية تانية

    سؤال تقني

    انت مو طالع دراسة .. ما شاء الله كيف خلوك تشتغل.. ولا عشانهم يعرفو الراجل حق السوبر ماركت قال يسكت من تحت لتحت
    \

    لالا رايح ادرس بس العايلة قالتلي حاول تندمج في محيطك اطلع مع الناس اللي نقولك عليهم ومن ضمنهم صاحب السوبر بس اشتغلت معه تطوعا بدون اجر والله المفروض انا ادية فلوس لانة فادني مرررة خلاني بلبل في الانجليزي بس بالعامية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.