استفسار :للمبتعثين طب بكالوريوس

ان شاءالله يطلع كلامك صح لكن اصحابي واحد منهم جنسيته تركي فطالبوه بالاختبار قعد فترة يدرس لغة تركية مع انه يتكلمها وعايش بينهم
والتاني مو تركي ولكن طلع يدرس تركيا وطالبوه باختبار كمان بس غير اختبار اللي جنسيته تركي يعني ابسط منه
فالمهم عندهم انه الطالب يقدر يتكلم تركي ولو شوية
الاختبار يكون في اللغة التركية.
وان شاءالله يقدروا يلغوه عننا لانه مالوا داعي نقعد فترة كمان ندرس اللغة واتوقع انهم راح يلغوه عننا.

ان شاء الله يكون فيه بديل للاختبار دا
ارسلت للملحقية كيف الدراسة رح تكون في تركيا وكذا
بسس للاسف م ردوا عليا

الله يةفق الجميع ان شاء الله

انا ماخترتها بس لمن شوفت ترتيب الجامعات في العالم شفت الجامعتين دي من تركيا
ياريت لو تسال واذا عنك معلمومه عن افضل الجامعات طب هناك اقدر مساعدتك

البرييد عندي مو راضي شكلو لازم يوصل عدد معين من المشاركات

ان شاء الله يااارب يكونو لغوه
انتي قدمتي تركيا ؟؟
الله يسههلننا يااارب ويكتب اللي فيه الخير

اهااا
انا سالتك في الرسالة انتي اختبرتي ايلتس ؟
ان شاء الله بسال عن الجامعتين دي
المشكلة اللي اعرفهه هناك جامعة اسطنبول التقنية لانها لها ترتيب عالمي متقدم ومرررررة جيدة
الان بسال عن الجامعتين دي واهم شي انهم معترف بيهم

لا ماختبرت !!!!!!!
مطلوب قبل ماانقبل هناك ولا كيف ؟ :S

كويس في الهوا سوا حتى انا ما اختبرت
بس هو لو كان في كان احسن ويقول انه في اختبار تحديد مستوى لو عديتيه ترتاحي من ناحية السنة التحضيرية
الان قاعد اتكلم مع واحد من العالم اللي هناك وليا ساعة نازل اسئلة فيه عن المدن والجامعات والحياة والمصاريف وكل شي
عندك اسئلة ؟؟؟
بعد ما اغلق من الكلام معاه بحط الملخص ان شاءالله عن المدن والدراسة والذي منه

يالله هماا الوزارة الكريمة لو يحطو روابط عدله في موقهم ومعلومات شامله مايحتاج كل المبتعثين يجلسو حايسن
انا حاليا حنتظر النتايج وفي الملتقى ان شاء الله يبدا يتوضح كل شي

يعطييك العافيييه ماقصرت
في انتظار الملخص

من جد والله حتى اغلب الروابط اللي اعطاني اياها الولد بالتركي مكتوبه وقاعد اترجم وخليها على الله
ما ادري الوزارة متى حتحس فينا وتخارجنا حتى قاعد اتكلم مع الواد وانا متردد ما ني عارف اني حطلع والا قاعد اتعب نفسي عالفاضي
ربان ييسر ان شاء الله نص ساعة وبحط التقرير الاخير
والباب مفتوح للاسئلة في اي وقت طلع سؤال لكي او لاي احد بيطلع ان شاءالله لتركيا انا في اتم الاستعداد والولد كمان الله يجزاه الخير ويوفقه وينجحه يارب

بسم الله نبدا اول تقرير عن تركيا :
التقرير طبعا ما جبته من النت ولا شي التقرير عبارة عن خلاصة تجربة لشخص درس في تركيا وعاش فيها هو من السعودية من مكة المكرمة الله يجزاه الخير ويوفقه ويتخرج ويرجع لاهله قريبا .
اولا ببدا من ناحية المدن :
ملخص المدن او بتكلم عن احسن المدن الموجوده في تركيا واللي تتواجد فيها احسن الجامعات 3 مدن
انقرة و اسطنبول وازمير
وطبعا اختار هذه الثلاث مدن لانها حلوة والجامعات اللي فيها قوية وكمان الحياة حلوة فيها .
انقرة:
العاصمة ومدينة حلوة ومتطورة ورخيصة نوعا ما
فيها احسن جامعة طب في تركيا وهي جامعة hacetepe هاجيتبي
*السكن فيها رخيص ومعقول ولهم طريقة حلوة انك تروح لاي مكتب عقار وتعطيه المواصفات ويدلك على المكان المناسب وطبعا خاصة لمن تقله انك طالب بيعرف انك منت لعاب ويساعدك ممكن تلاقي سكن 5 غرف ب 700 ليرة .
* المتعة والحياة : تعتبر اقل من المدن التانية لكن فيها كم مول وفيها منترهات وحدائق وهي مدينة تجارية نوعا ما.
*الجو:بارد جداااا في الشتاء يعني مثلا الان درجة الحرارة عندهم -1 ومعتدل في الصيف تقريبا.

اسطنبول:
بصراحة انا اعتبرها العاصمة ماشاءالله جنة الله على ارضه
قرات مقوله قبل ان ازور اسطنبول لافلاطون اعتقد يقول ( لو كان العالم كله دولة واحدة لكانت اسطنبول العاصمة) كنت مكذب المقولة الى ان دخلت اسطنبول ولفيتها ايقنت انه كلامه 100% صحيح والله جنة ماشاءالله تبارك الله ^_^
فاللي يبى يستمتع وهو يدرس يعني كل يوم بيروح مكان ويشوف اماكن حلوة يقدر يتمشى في الاجازات فيها فماله الا اسطنبول عاصمة الجمال الطبيعي.
الجامعات فيها جامعات كتيرة من اهمها جامعة اسطنبول وجامعة جارح باشا وكم جامعه كدا .بس العيب انه بعض الجامعات بتدرس بالتركي اما انقرة فالاغلب يدرس بالانجليزي.
*السكن: يعتبر غالي مقارنة بانقرة لكن مقدور عليه احد الاصدقاء يسكن في 3 غرف وحمام ومطبخ صغير ب 700 ليرة شهريا .
*المتعه والحياة: والله لو بس فيها بحر مرمرة والبسفور كل يوم تروح له ما راح تطفش منه هي مدينة المتعه والمدينة الجاذبة للسياح يعني اغلب السياح تلقاهم في اسطنبول .
*الجو: الصيف حررررررررر والشتاء برد جوهم حلو نوعا ما.
اسطنبول مدينة حلوة صحيح الحياة اغلى من انقرة لكن اعتبرها ضريبة المتعه .
3-ازمير :
لم يذكر لي الكتير عنها لكن اللي اعرفه عنها انها مدينة حلوة وفيها بحر وجوها مثل جو اسطنبول والحياة فيها حلوة نوعا ما
ولكنها كمان ليست رخصيه ولا غالية يعني
واغلب الطلاب الاجانب والمبتعثين يفكروا في انقرة واسطنبول فقط .
=====
معلومات عامة عن الدراسة والحياة:
*الدراسة حلوة وممتعه فيها.
* من مساعدات الجامعات هناك انه قبل الاختبارات بسبوع يعملوا حفلات وطلعات عشان يفكروا الضيق االلي عند الطلاب .
*الاحتكاك مع الطلاب الاتراك طبعا هما ما راح يحتكوا معاك لانك اجنبي ولكنهم طيبين اذا احتكيت معاهم يتقبلوك بصدر رحب.
*خبر سيئ للبنات الدولة علمانية فعند الجامعات قد يطلب منكم نزع الطرح او الحجاب اذا كنتي محجبة وبعض الاحيان عادي .
*الشعب التركي يتقبل الاجانب ويتعامل معاهم بطريقة حلوة لكن اذا عملت مشكلة معاهم ما راح ياذوك فقط يتصلوا عالشرطة تجي توريك شغلك ههههههه.
*الاكل التركي الله يعينكم عليه فقط المشاوي هي اللي حلوة والله يخلي ماكدونالدز .
*التنقل داخل تركيا بالباص ممتع جدااا يعني ما تحس انك مسافر .
*بالنسبة للتكاليف اللي قد تصرفها مثلا في اغلى مدينة وهي اسطنبول قد تصرف شهريا 2000 ليرة اكل وشرب وسكن ومتعه اذا كنت ماشي تمام وانقرة ارخص وارخص.
* في الاول والاخير احنا مسلمين ورسل عندنا مهمة نعملها فياريت ننتبه لتصرفاتنا يعني الاشياء البطالة نبعد عنها.
* في تركيا يطبق المثل عقلك في راسك تعرف خلاصك يعني الخراب موجود قدامك وانت مسلم ودينك معاك ماحد حيقولك وقف لكن انت عاقل واتذكر دائما انه ربنا شايفك وانك ما اترسلت للشي ده فاجعل دائما مخافة الله في عقلك وفي كل حياتك واي شي تعمله.
اتمنى اكون افدت ولو بشي بسيط واي اسئلة في اي وقت واي زمان انا مستعد للاجابة عنها فقط اكتبها او ارسلها وان شاء الله اسال لك عنها وارد لك
اسف عالاطاله