فزعتكم تكفون

بستخير ليوم الملتقى بإذن الله

جد يعني الدراسة باللغتين
معليش بأزعجك وياي اخوي
كيف اعرف الجامعة اللي تدرس انقليش مع اليابانية



و مشكور
والله يوفقنا اجمعين

عليكم السلام ...
بالنسبه للدراسه باليابان حلوة لكن فيها عيوب وبصراحه ما افضل الواحد يروح هناك ... ما أبي أحطمك لكن صراحه راح تعانين بالأكل لأنهم ياكلون أي شي حتى لحم القطاوه والكلاب أكرمكم الله وغير كذا طريقه ذبحهم و و والخ ولاتنسين انهم مو من أهل الكتاب ... هذا أولا ..
ثانيا ع كثر ما سمعت أن الشعب الياباني ذكي لكن الى الان ما قابلت ولا واحد فيهم ذكي ههههه مو مصدق انهم اللي قرينا وسمعنا عنهم ...
ثالثا فيه جامعات تدرس باللغه الانجليزيه وايضا بعض التخصصات يعني الأفضل لك اسألي قبل ما تطلعين قرار الابتعاث من شان يمكن تقدرين تغيرين لو غيرتي رأيكـ ...
رابعا اذا الدراسه باللغه اليابانيه هي حلوه تاخذين لغه مختلفه لكن ما راح تستفيدين منها كثر الانقلش بالاضافه انك راح تتعذبين مع كثره حروفهم وخصوصا ان عندهم اكثر من 50 حرف
شي آخر نص الاحرف العربيه مو عندهم يعني مثلا ماعندهم حرف ث ولا ذ كل كلامهم اللي اسمعه ما القط منه الا ر- ت - ز - ا - س - ش احس انها اكثر استخدام بس ع ايش 50 حرف مو قادر افهم ..!!
أخيرا أنا أشوف إنك تحولين لكندا أو أمريكا وانا انصح بأمريكا لان الدراسه فيها سهله بالنسبه للماستر وفيها اقوى الجامعات بالعالم وجدا جدا ممتازه بالتخصصات الطبيه وعلوم الاحياء ... بالاضافه الى لا توجد مدينه كبيره الا وفيها مسجد وبقالات عربيه وطبعا هذي في اغلب الولايات ...

بالتوفيق أختي ...

صباح الخير،كيف الحال؟
شوفي حبيبتي زي منتي شايفه بالبروفايل تبعي دولة الأبتعاث بإذن الله اليابان،أنا راح أقولك قصتي مع الدول وأنتي احكمي انا قبل التسجيل بثلاث أشهر كنت أبحث عن كل دولة بالتفصيل الممل تخيلي عندي دفتر فيه كل المعلومات اللازمه عن كل دولة صراحه انا كنت مستبعده دولة اليابان لكن كل مابحثت عنها كل ماأعجبت فيها اكثر لما جاء التسجيل اخترت امريكا الرغبة الاولى لكن بعد كذا تحسفت يوم جاء موعد تدقيقي الحمد لله قدرت أغير وصارت اليابان الرغبة الأولى والحين بس أبي القبول النهائي وعلى طول لليابان،راح أقولك عن بعض المميزات وأنتي احكمي:-
- تقدرين تدرسين بااحد اللغتين اليابانية والإنجليزية وفيه جامعات كثيرة باليابان تدرس الماستر بالإنجلش.
- معهد اللغة زي ماسألت لو مثلا اخترتي لغة يابانية تاخذي في الأسبوع كلاسات لفة انجليزية والعكس صحيح.
- تخيلي فيه جامعات نسائية فقط في اليابان يعني راح تدرسين فيها بكل اريحيه.
- نظام تعليمي رائع يخليك مثل ماقلت سابقا تتخرجين وانتي عالمة.
- فيزا ولا أسهل ماتاخذ منك ولا أسبوع.
- شعب ولاأروع محترم وخلوق.
- الملحقية وتعاملها مع الطلاب كاأنهم أسرة واحدة.
- غير انك راح تحسين بالتميز فاإنتي تخرجتي من دولة تكنولوجيا دولة علم حديث.
-......واو كثر ماأعدد لك ماراح أقدر اوفي لكن في الأخير يرجع لرغبتك الشخصية.

وأي سؤال أنا حاضرة.

جزاك الله الف خير
لا لا تحطيم ولا يحزنون اللي مكتوب ع الجبين لازم تشوفه العين و بالعكس استفدت وعرفت اشياء ماعرفتهاا من قبل هههه
وانا كل يوم ادعي ربي ورح ادعيلكم الحين تراني صايمة
ان اللي فيه خير ربي يقدمه لنا واللي فيه شر ربي يصرفه عنا سواء في امور دنيانا او ديننا



بأرجع استخير وادعي ربي
لعل ربي يرشدني للطريق الصحيح
ومن اليوم ليوم الملتقى فرج


واذا جاء ذاك اليوم وانا لسى مترددة بأغير والله المعين

جزاك الله خير و اسأل الله التوفيق لنا اجمعين

وآلله مآعندي خلفية بآلتحديد لكن قبل شوي دخلت أدور في بعض ـآلجآمعآت ـآليآبآنية
طلع لي في خآنة ـآلمعلومآت عن ـآلجآمعة










بس عشآن أنآ مآعندي خبرة مآقدر أفيدك أكثر ولو مثلآ رحتي أي مكتب للقبولآت وكذآ ممكن يفيدونك بآلجآمعآت وإيش ميزآتهآ وإذآ فيه ـآللغة ـآلإنجليزية أو لآ عمومآ ـآلله يكتب لك ـآلي فيه ـآلخير

هذآ ـآلرآبط رآح يفيدك أبحثي على آلجآمعآت بأسم تخصصك وـآلمدينة ـآلي تبينهآ نظام الجامعا الموصى بها - تنبيهات

وآسف ع ـآلإطآلة ..

صباحكـ ياسمين
طيبة طاب حالك

واو يعني احتمال ماندرس بجامعة مختلطة
و الدراسة بالإنقليش
اذا كذا ولا اروووع


رح احتاج لك كثير اكيد و ان شاء الله ارسى ع قرار اخير
امريكا حلوة و مثل ماقال رسام القلوب الدراسة سهلة وكمان الأكل و المساجد ووو غيره
بس ههه امي خايفة منها عشان كذا استبعدتها


الله يعطيك العافية يارب
و مشكووورة

ولو العفو منك انا اللي ازعجتك
عسى ربي يكتب لنا الخير ووياك اجمعين
ان شاء الله رح ابحث فيه واشوف
و مثل ماقلت الله يكتب لنا الخير
جزاك الله الجنة يارب

شوفي حبيبتي بالنسبة لسهولة الدراسة من صعوبتها هذا شي يرجع لك شخصياً أنا اخترت اليابان لأنها متقدمة جداً في علم الرياضيات وخصوصاً الرياضيات الحديثة وانا اذا بغيت أسافر وأتغرب وأتعب وأبتعد أبي أدرس صح وأشرب التخصص عالمضبوط،كندا حلوه لأنها أيضاً جامعتها قوية ولكنها قليلة وبكذا تخافين من مسألة القبول ،امريكا أكثر شي خلاني أشيلها من مخي أن فيها جامعات قوية وجامعات خايسة يعني أنا مثلا دخلت جامعة قوية وتعبت وتخرجت يمكن يجي واحد دخل جامعه مش ولابد ويكون مساوي لي لأنه بس كلنا تخرجنا من أمريكا وبكذا ماراح أحس بالتميز.

الأكل مشكله عامه في كل دول العالم لأن تقريبا كل الأكل الخارجي تستخدم فيه الزيوت الخنزيرية والخمور لإضافة النكهة وأمك الله يخليها لك ترا نفس الوضع عندي بس أمي خايفه من اليابان تقول لو جاك تسونامي هناك وش راح تسوين؟؟
االمشكلة أني ماأعرف أسبح هههههههههههه،الله يوفقك يارب واستخيري والله يسهل أمرك.

هههه عاد وقتها الله يرحمنا
لالا ان شاء الله مايصير لنا الا كل خير
انا قلت كذا انا ابغى اتخصص ع المضبوط
بس كل خوفي من مسألة اللغة
والأخوان هنا ماقصرو حاولو يسعدوني
وانا كمان مزعجة بقوة هههه
و أهلي ناس مؤيدين لليابان و ناس كندا هههه



انا مقتنعة باليابان بس مثل ماقلت لو اتأكد من اللغة اكون مرتاحة
ع العموم جزاك الله خير
والله يوفقنا لما يحبه و يرضاه

لااااا تشيلين هم تقدرين تغيرين الدوله بس تاخذ وقت شوي
لان كنت بغير من كندا لليابان . بس امي اصرت على كندا وانا ماابي لا كندا ولا اليابان ابي امريكا
و سألت بالوزارة قالوا تعالي غيري الدوله بعد القبول النهائي
بس الحين قررت كندا ويمكن بعد مااخذ اللغة احول لامريكا

و الله يوفقك ان شاءالله سواء باليابان او كندا