رد: شكلكم كلكم جبتوا قبول معاهد الا انا << المرحله السابعه
قلتلك هوا في طريقتين .. تقدر تجيب قبول لنفسك .. او تنتظر لين بعد الملتقى وتروح لتجسير وتقلهم فين تبغى
يقولو الملتقى في محرم .. يعني يمديك تجيب قبول لنفسك .. ويوصل ان شاء الله بعد اسبوعين ممكن تلاتة اذا طولت (بس لازم تكمل اجراءاتك للمعهد وتعطيهم كل اوراقك)
ودا لازم صور من اخر شهاداتك وصورة جواز سفرك وشهادة بنكية (المبلغ هما يقولولك عليه)
او تدوّر على معهد وتقرى عن الولاية .. وتنتظر بعد الملتقى وتروح لتجسير .. بس الله اعلم قدي ايش ياخدو
الحاجات الكويسة في انك تجيب قبول لنفسك : اسرع ..
الحاجات المو كويسة: انا مني شايفة انو في شي مو كويس .. لكن ناس تقول ممكن ما يقبلوه .. لكن انا اقول انو لو تشوف نعهد معتمد من البداية وتريح بالك
الحاجات الكويسة في انو الوزارة اللي تجيب قبول: تضمن ,, وطوالي يكون ضمان الوزارة
الحاجات المو كويسة : ممكن تطول الهرجة
والله اعلم
رد: شكلكم كلكم جبتوا قبول معاهد الا انا << المرحله السابعه
مرررره شوكرن
بس اخر سؤال فالعالم
1- كيف اجيب قبول من معهد ؟
2- كيف اعرف انه معتمد ؟
3- هل اذا جبت قبول انا ادفع المبلغ للمعهد والا الوزاة تتكفل ؟
4- ووش موضوع الضمان البنكي ذا مره ماني فاهمة ؟
>> ماصار سوال هههههههـ بس اعذروني مررره حايس ومره متلخبط ومره كل حاجه مو كويسه
اكرر اسفي اذا ثقلت ع احد
رد: شكلكم كلكم جبتوا قبول معاهد الا انا << المرحله السابعه
اقتباس:
المشاركة الأصلية كتبت بواسطة المهندس 123
مرررره شوكرن
بس اخر سؤال فالعالم
1- كيف اجيب قبول من معهد ؟
2- كيف اعرف انه معتمد ؟
3- هل اذا جبت قبول انا ادفع المبلغ للمعهد والا الوزاة تتكفل ؟
4- ووش موضوع الضمان البنكي ذا مره ماني فاهمة ؟
>> ماصار سوال هههههههـ بس اعذروني مررره حايس ومره متلخبط ومره كل حاجه مو كويسه
اكرر اسفي اذا ثقلت ع احد
اوك .. بسم الله
اول شي .. انصحك بمعهد تابع لجامعة .. مو معهد تجاري
اول شي شووف فين الجامعة اللي تبغاها .. واذا معترفة او لا من نظام الجامعا الموصى بها - تنبيهات
وكمانا .. ارسل للملحقية في امريكا .. واسألهم عن المعهد والجامعة .. يأكدولك ويطمن قلبك
للأسف مبلغ القبول للمعهد دا انتا تدفعو .. احيانا من 100 غلى 200 دولار او اكتر شوية .. دا مع مبلغ البريد اللي يرسلو منو الاي تونتي
الشهادة البنكية هيا اللي تبين للمعهد انو عندك مبلغ وقدره
لمن نراسل المعهد عادة يقولولك يبو المبلغ اللي هوا .. وانت احسن لو حطيت فوق المبلغ دا كم الف عشان بس يعرفو انو يمديك تدفع الفلوس
طبعا لا تشيل هم .. لمن تقدر ضمان الوزارة ما راح يسحبو منك شي ان شاء الله
رد: شكلكم كلكم جبتوا قبول معاهد الا انا << المرحله السابعه
الف شكر اختي والله يطمن بالك زي ماطمنتي بالي
والله يكتب التوفيق للجميع
رد: شكلكم كلكم جبتوا قبول معاهد الا انا << المرحله السابعه
عندي سؤال بسيط انا بسدد رسوم المعهد بالفيزا كارد فمتى اسدد بعد ما ارسلهم اوراقي والا كيف؟
وهم كيف بيعرفهم انه هذا انا؟
رد: شكلكم كلكم جبتوا قبول معاهد الا انا << المرحله السابعه
لمن تسدد بالفيزا هما يسألوك عن الرقم اللي عالبطاقة وباسم مين
Re: شكلكم كلكم جبتوا قبول معاهد الا انا << المرحله السابعه
السلام عليكم أنا ابغى أجيب قبول من معهد لغة هل كل الرسوم التسجيل علي فعلا و الا الملحقية حتعوضني بعدين؟
حاجة تانية كم تأخذ تأشيرة بريطانيا مؤؤخرا ؟
رد: شكلكم كلكم جبتوا قبول معاهد الا انا << المرحله السابعه
الملحقية تعوض السيفس والفلوس الفيزا .. بس المعهد لا
رد: شكلكم كلكم جبتوا قبول معاهد الا انا << المرحله السابعه
عالبركه بس ممكن أعرف كيف جبتي قبول المعهد أنا من طلاب المرحله السابعه وحابه أجيب قبول معهد أنا حابه أروح أورلاندا أو سياتل ممكن ترديلي
رد: شكلكم كلكم جبتوا قبول معاهد الا انا << المرحله السابعه
حبيبتي لو تبي اورلاندو في معهد CMMS تابع لجامعة UCF