تــــنــــبــــيــــه , بالنسبة للمرافقين ( الموظفين ) .

ياجماعه اذا كان المرافق يشتغل بقطاع عسكري ايش يصير لان العسكريه تعقد بموضوع السفر

ابداااا .. افضل شي العسكرية لانهم بيعطونه قد سنوات الدراسة بالضبط ان شاء الله.. يعني مثلا بتدرسين 3 سنوات بيعطونه ثلاث سنوات .. لكن لاااابد من توفر اثبات على ان زوجته مبتعثة وانه مسجل كمرافق وكل هالاشياء ان شاء الله تحصلونها باللملتقى ... بالتوفيق

طيب تصير اجازه براتب والا بدون راتب لانه عليه دين يعني ينفع يسافر عادي

وانا اخوتس .. كللللنننننااااا علينا ديوووون وقروووض والوف مؤلفة وسالب بيوم 24 وقر جيييب ... لكن اللي نبيه ونتطلع له اكبر من الديون واكبر من غيرها ... عموما فيه طريقة يمكن تساعدنا حنا اصحاب القروووض البنكية ويمكن تفيدنا لكن ادعوا ان الله سبحانه بواسع قدرته يكون خبر تاجيل الاقساط البنكية صحيح ... ياااارب ياكريم

يسلموووو بجداخوي صيدلي وياجعل ربي يسر امورك ويحقق لك كل الي تبيه

ياشباب فين ردودكم ع سالفتي ..........اي احد يعرف يجاوبني بليز..............

up up up up up up up up up

هلا بك اختي واسف على التاخير .. وبالنسبة لموضوعك انا قرات مواضيع كثير بالمراحل اللي قبلنا مثل المرحلة السادسة والخامسة نفس حالتك وكانوا ينصحونهم مايبلغون الوزارة او الملحقية بالموضوع ... يعني خلي الموضوع سكيتي وصلى الله وبارك .. الوالد الله يطول بعمره ويحفظه لك خليه يجلس كذا شهر وبعدها يزرق للسعودية سكاتي بدون مااحد يدري ( الوزارة والملحقية ) لانه شي طبيعي واكيد بيرفضون انه يرجع وبعد مايرجع بفترة خلي احد اخوانك او اي شخص محرم لك يجي مكانه ... انا اببحث بالموضوع وابلغك ايش الردود الرسمية بهالخصوص .. بس اصبري علي شويات وان شاء الله ارد لك ... بالتوفيق

هذاااااااااااا اللي انا ادور عليه افهم من كلامك اخووي ان زوجي ما يقدر يكمل دراسته هناااك لانه عسكري ويبي ياخذ فيزا F1 ويكمل بكالريوس يعني خمس سنوات وانا ماستر 3 سنوات وش يسوي بالسنتين الباقيه دام اجازته تنتهي بنهاية بعثتي

تكفى قولي وش الحل ؟؟؟؟؟؟؟ يعني يطلع فيزا دراسه اف ون ولا يطلع اف تو سياحه

لا لا لا وانا اخوك المسالة على حسب الطلب المقدم .. يعني زوجك يبي 3 سنوات لان زوجته بتدرس ثلاث سنوات فطوالي يرصعونه بثلاث سنوات اجازة استثنائية ( مدلعين العسكر ) ..
لكن اذا قدم طلب 4 سنوات اجازة استثنائية بيعطونه 4 سنوات ويحبون خشمه بعد ومعاها بيض الله وجهك ... حسب القرار رقم 45 ..

القرار رقم (45) وتاريخ 3/ 8/ 1432هـ القاضي بجواز منح العسكري الذي يرغب في مرافقة زوجته المبتعثة للدراسة في الخارج، أو أحد ممن يعولهم شرعاً، إجازة استثنائية بحد أقصى أربع سنوات.

طبعا فيه ناس تلعبها صح .. نصيحة خلي رجالك يجيب قبول لنفسه بالتخصص اللي ( قبول مشروط باللغة ) ويقدمه مع الاجازة الاستثنائية يعني مثلا خل نقول صيغة الطلب بشكل هذا :

((ارفع لكم طلب اجازة استثنائية لمدة 6 سنوات وذلك لاكمال دراستي بالتخصص الفلاني ومرافقة زوجتي المبتعثة ببرنامج خادم الحرمين الشريفين ومرفق لكم صورة من قبول الجامعة وصورة اثبات ان زوجتي مبتعثة من وزارة التعليم العالي ...))

اقل شي بيعطونه 5 سنوات هذا المطلوب ان شاء الله .. النظام موجود وانا اخوك ويمشي على الكل لكن فيه ثغرات وان شاء الله يتساهلون معاه..
وحب يدك وجه وقفى ... وتوكلوا على الله بداية ثم نيتكم الصادقة ... وبالتوفيق