تــــنــــبــــيــــه , بالنسبة للمرافقين ( الموظفين ) .
السلام عليكم ورحمة الله وبركاته ,
مبروك لكل المقبولين وحظ اوفر ان شاء الله للي ماانقبلوا ...
حبيت انبه الاخوان والاخوات المرافقين وهم الى الان موظفين في اشياء ضرورية جدا :
في بعضكم الان يجهز استقالته .. وبعضكم بيقدم على اجازة استثنائية ..... لا هذي ولا ذيك ...
ابيكم تقدموا على ( اجازة دراسية ) عشان تحسب لك سنوات الخدمة .. والوزارة بتعطيك اجازة دراسية اقصاها 6 سنوات ...
بالتوفيق ... عاد انا عندي وزارة تلعب حديد ... ماعندها الا فتل عضلات .... بالتوفيق ياجماااعة
رد: تــــنــــبــــيــــه , بالنسبة للمرافقين ( الموظفين ) .
اكيد
لاني قرأت في سياسه والاجراءات
اقصى اجازه سنتين فقط
او
سنه بدون راتب قابله للتجديد
حسب رئيس الشركه
رد: تــــنــــبــــيــــه , بالنسبة للمرافقين ( الموظفين ) .
والي علي عقد بقطاع حكومي
ومرافق
واسمه من ضمن قائمة المثبتين علي وظائف رسمية
وش. يسوي
رد: تــــنــــبــــيــــه , بالنسبة للمرافقين ( الموظفين ) .
السلام عليكم ورحمه الله وبركاته
الف مبروك للمرشحين وخيره ان شاءالله للأخرين.
معليش شباب انا مرافق معا زوجتي , شركه سابك اضنها ماعندها اجازه استثنائيه وكلام زي كذا الله يستر .... شكلها استقاله ... فا هل احد عندو اخبار حلوه ولا ايش اسوي ؟
شكرا لكم
تقبلو مروري
رد: تــــنــــبــــيــــه , بالنسبة للمرافقين ( الموظفين ) .
سوال المرافق يوقف راتبة ويظلب اجازة دراسية مافي حل غير كذا
رد: تــــنــــبــــيــــه , بالنسبة للمرافقين ( الموظفين ) .
طيب و اللي موظف على عقد ؟؟ >> ما رسموني
سؤال ثاني كيف اخذ هذي الاجازه من الدوام مباشرة ولا ااجيب ورقة من الوزارة ولا كيف الطريقة ؟؟
رد: تــــنــــبــــيــــه , بالنسبة للمرافقين ( الموظفين ) .
انا زوجي مرافق معي قطاع خاص شركه يعني نظام عقد
من الحين يقدم استقاله ولا كيف ؟؟
ولازم استقالته يقدمها في الملتقى ولا شلون ؟؟
تكفون افيدوناااا
>>الله يعين لين قدم استقالته من الحين بنصصصصفر
رد: تــــنــــبــــيــــه , بالنسبة للمرافقين ( الموظفين ) .
لاحد يقدم استقاله الا بعد طلوع قرار الابتعاث انتبهو من هالشي طيب استقلت انت ماتدري متي بتسافر لكن طلع قرار الابتعاث وقبل الرحله بكم يوم اطلب استقاله مين بيصرف عليكم
قريت لوحده زي كذا استقالت هي وزوجها واخر شي ماطلعو لهم قرار الابتعاث طلع وحده من الشروط مو متوافقه معاها فتخيلي الوضع
وبخصوص الاجازه الدراسيه زوجي اخذ اجازه دراسيه الحمدلله وهي احسن من الاجازه الاستثنائيه لانهم يحسبون سنوات خدمتك وباخليه يكتب موضوع قريب جدا كيف اخذ الاجازه الدراسيه هالكلام بالنسبه للموظفين الحكوميين زي المدرس
وبالنسبه اللي باقي على عقد والله مادري بس استنى احسن حتي تتثبت واطلب بعدين اجازه دراسيه بس انتبه تستقيل لانه اخر شي يمديك تسافر بالصيف اتوقع
واللي يفكر بالاستقاله يفكر مزبوط ويضبط امووره من بدري لانه صعبه الاستقاله والله الا اذا كان واثق معاي كم شخص بالمعهد حالتهم صعبه وخلاص قربو يخلصون اللغه وماجابو قبولات والدوله بترجعهم اذا ماجاب قبول بعد انتهاء فترة اللغه سنه وسته شهور واحسن شي للي بيستقيلون وبرضه المبتعثين انكم تجيبون قبول مشرووووط قبل تجون هنا وتدرسون بمعهد تابع للجامعه بحيث تخلصون المعهد وتدخلو الجامعه بدون توفل او معاهد اي ال اس بس يسبونها واللي بيستقيلون حاولو تاخذون اجازه بدون مرتب لاسمح الله ماحبيتو المنطقه مامشيتو ترجعون في وظايفكم
وبالتوفيق للجميع
رد: تــــنــــبــــيــــه , بالنسبة للمرافقين ( الموظفين ) .
اقتباس:
المشاركة الأصلية كتبت بواسطة صيدلي ماله دواء
السلام عليكم ورحمة الله وبركاته ,
مبروك لكل المقبولين وحظ اوفر ان شاء الله للي ماانقبلوا ...
حبيت انبه الاخوان والاخوات المرافقين وهم الى الان موظفين في اشياء ضرورية جدا :
في بعضكم الان يجهز استقالته .. وبعضكم بيقدم على اجازة استثنائية ..... لا هذي ولا ذيك ...
ابيكم تقدموا على ( اجازة دراسية ) عشان تحسب لك سنوات الخدمة .. والوزارة بتعطيك اجازة دراسية اقصاها 6 سنوات ...
بالتوفيق ... عاد انا عندي وزارة تلعب حديد ... ماعندها الا فتل عضلات .... بالتوفيق ياجماااعة
اخوي صيدلي انا مثلك صيدلي و حكومي وم رافق لزوجتي و ياليت تفيدنا بخصوص الأجازه الدراسيه لأن الي اعرف انك ما تقدر تأخذ الا إجازة أستثنائيه ؟!؟!
رد: تــــنــــبــــيــــه , بالنسبة للمرافقين ( الموظفين ) .
اقتباس:
المشاركة الأصلية كتبت بواسطة sinch
اخوي صيدلي انا مثلك صيدلي و حكومي وم رافق لزوجتي و ياليت تفيدنا بخصوص الأجازه الدراسيه لأن الي اعرف انك ما تقدر تأخذ الا إجازة أستثنائيه ؟!؟!
هلا بك اخوي بالنسبة للاجازة الدراسية .. انت مرافق لزوجتك يعطونك ورقة من التعليم العالي تاخذها لدوامك وترفقها مع معروض تكتب فيه انك تتقدم بطلب اجازة (( دراسية )) حيث اني مرافق لزوجتي المبتعثة ببرنامج خادم الحرمين الشريفين للابتعا الخارجي للدولة الفلانية .. وتعطيه مديرك المباشر وتاخذها ( بيدك ) وتروح على القطاع الصحي اذا كنت موظف بمركز صحي واذا كنت بمستشفى تروح على طول للشئون الصحية ادارة الرعاية الصيدلية وبعدها لادارة المستشفيات وبعدها لادارة التخطيط والتطوير ...
انتبه ترا كل الدعوه انهم يوافقون ويوقعون ومالهم اي شي بالموضوع ولايقدرون يرفضونه باذن الله .. واذا عندك واسطة افضل ... المسالة بتاخذ شهر ونص تقل او تكثر الى شهرين ان شاء الله ..
هذا على النظام القديم مدري اذا تغير شي ومااظن تغير شي ان شاء الله .. طبعا انا سالت بالمديرية وغير المديرية وقالوا لي نفس الكلام اعلاه... بالتوفيق يابعدي