والله اتمنى تلقي اجابة شافيه ..
شكراً لمروركم ..
عرض للطباعة
والله يا أختي لو تروحي تعملين فينا خير ،، وعندي سؤال أتمنى إنش تسأليهم وياه إذا ماعندش أي ماانع ،،
أنا ناوي أغير جوازي لأن باقي عليه بس سنة تقريبا ،، ويش الإجراءات إلي أتبعها في حال تغيير الجواز ،، مع العلم إن رقم الجواز الجديد ،، يكون رقمه مختلف عن رقم الجواز السابق ،،
أتمنى منش إختي الكريمة تسأليهم هالسؤال ،، وأكون شاكر لك :)
اتحدى احد جايب قبول بنفسه من المبتعثين على برنامج خادم الحرمين ،انت يمكن تتكلمي على المبتعثين على حسابهم الخاص .
لأن من متطلبات قبول المعهد ضمان مالي و الوزارة ماتعطي الضمان الا بعد التأشيرة و التأشيرة ماتخذيها الا بعد انى تقدمي للسفارة ال آي توني اللي في المعهد المقدم لك من الوزارة عن طريق المكتب
انا جايبة قبولي بنفسي
وحابة اسأل
اللي رايح عالوزارة السبت .. يقدر يسأل إذا رسلو أسماءنا للسفارة الامريكية ؟؟
التجمع لطلبة المرحلة السابعة بعد شهر لا اكمال التعليم احضار القبولات وتسليمها في يوم الملتقى
والله يوفقكم
طيب مكتب تجسير ضروري نتواصل معاه
ولا نستنى هوا يرد مننا ويخبرنا في أي معهد حطونا؟؟؟؟؟؟؟؟؟;)
اللي فهمته من كلامكم أن الوزارة هي المسؤولة عن تحديد واختيار المعاهد لنا واختيار المعاهد والولايات يكون في يوم الملتقى عن طريق الوزارة
ولا تقلقوا الوزارة ما راح تجيب لنا إلا معاهد متميزة لأنها دافعة ملاااييييييين
بالتوفيق للجميع
انا مرره تفكيري اتشوش قبل فتره قالوا الوزراه تقبل القبولات حقت المعاهد اللي نحنا بنقسنا ح نجيبها بس اهم شي يكون المعهد مو مكدس او موقوف ومعترف فيه من قبل الوزاره
وهيا عى طول تعتمده
طيب دحين ايش اللي اتغير ليش ماتقبل ولا هذا الكلام من اجتهاداتكم الخاصه انها ماتقبلها ولازم مكتب تجسير يجيب القبول لنا
شوشرتونا اللي عندو كلام اكيد يقول ويريحنا ماابغاء افتاءات بلا طعمه ومن رؤسكم بليز
عشان الواحد فينا يعرف اللي لو واللي عليه
وبالتوفيق جميعاآ ..
السلام عليكم
المشكلة ان ما احد يضمن ان الي صار في المرحلة السادسة ما يتكرر
العام الماضي تجسير وفر قبولات ما تناسب الطالب السعودي اولا ( وحدة من قريباتي بنت مبتعثة بكلريوس جاب لها من لاس فيغس !!! ) فاضطر ابوها ان يطلع لها قبول بضمان مالي من عنده و عن طريق مكتب ثاني
لان للاسف تجسير تاخد مبالغ من الوزراة و لكن تجيب قبولات في ارخص المعاهد و اسوائها بغض النظر عن اي شي ثاني
فالموضوع يرجع للشخص نفسه : هل عنده استعداد ان يقبل بقبول تجسير و يروح مكان ما يروح ( سوى كان يناسبه او لا فبعض الولايات غالية و بعضها لا )
او الخيار الثاني : الشخص يسعى في الحصول على قبول في ولاية تكون مناسبة له من حيث الجو و الامان و الاسعار و البيئة و في نفس الوقت معهد جامعة و مش معهد تجاري
صحيح الشخص ممكن الحين يقول اخسر مبلغ بسيط عشان قبول و انا ممكن تجسير يعطيني قبول بدون ما ادفع و بعدين انا اغير
لكن لو فكر فيها على المدى البعيد : من الافضل يروح المكان المريح من البداية و يستقر و يوفر على نفسه تكاليف الانتقال و الزحمة
راي شخصي و من واقع تجربة
و ان شاء الله ان احنا المبتعثين القدئما نقدر نساعد المبتعثين الجدد
الي عنده اي استفسار لا يتردد يرسله لي
تحياتي