تجمع طلاب فرنسا , نقاشات - استفسارات - همسات

السلام عليكم

ألف مبروك للمقبولين وتستاهلون كل خير :)

هنا تجمع فقط لطلاب فرنسا ..

عرفنا بنفسك عشان تعم الفائدة

اي مدينة أخترت ؟
وش قسمك ؟
ليه اخترت فرنسا ؟
وش اسم المعهد ؟


و أي نقاشات او اسئلة او مداخلات حياكم الله
نجاوب على بعضنا

تحياتي للجميع

بجاوب اول واحد عشان نكون فالصورة ^^

اي مدينة اخترت ؟

آنسي ..

وش قسمك ؟

انشالله بكمل اللغة .. وبعدها ادرس ماسستر قانون مدني

ليه اخترت فرنسا ؟

لأنها افضل دولة بالقانون عالميا :) وفيها اقدم جامعة بالعالم .. غير اللغة الفرنسية اللي زادت اهميتها هالايام

وش اسم المعهد ؟

iFALPES

يقولون فيه سعوديين وعرب كثير لاكن سألت المعهد وقالو فيه واحد سعودي وثنتين سعوديات وعرب ..


بالتوفيق

هذا رابط بأهم جامعات فرنسا
جامعات فرنسا - جامعات فرنسية - france colleges - france universities - mba

الاخ راكان انت متاكد انك ترشحت على فرنسا (ولا بواسطة)؟
لاني نفس تخصصك واخترت فرنسا لكن حطو لي امريكا وانا ما اخترتها اصلا
وواحد في المنتدى (بن عدنان) مثلنا اختار فرنسا لكن حطولو الرغبة الثانية

لا بدون واسطة .. وما اتوقع فيه واسطة بهالاشياء .. لأن فعلا الكمبيوتر يختار .
غريب أمرك ! انت ماستر ولا بكلوريوس؟
والله غريب امركم .. كلموهم واستفسرو منهم
الدنيا لعبة !!

اخ راكان الف الف مبروك الترشيح لك ولنا جميعا
انا نفس الاخ اللي قال انهم غيروله امريكا بدل فرنسا بس يبغالي انشالله اطلب تغيير بلد الابتعاث لفرنسا بالملتقى
لأنه لغتي الانجليزية جداً ضعيفه والفرنسية افضل منها بكثير وأخاف لو رحت امريكا أواجه صعوبات
انت حصلت على قبول من المعهد؟

بيانفينيو اختي فيروز
الله يعينكم .. اختي انتي ماستر او بكلوريوس ؟؟
لانهم بعض الاخوة يقولون احنا طلبنا قانون ماستر .. وشروط ماجستير القانون انه البكلوريوس يكون دين او قانون فقط .. لهذا السبب بعض الاخوة تغيرت بلدانهم وتخصصاتهم ااجباريا ً
كويس جدا ماشالله ان لك معرفة بالفرنسية .. مع ان الانجليزي اسهل بكثير من الفرنسي .

انا حصلت على القبول من المعهد الحمد لله ..


بالتوفيق انشالله اختي
وحياكم الله جميعا

:)
انا زمالة طبيه تخصصي طب اسنان وما طلبت شي بعيد عن مجالي
صدقت اللغة الانجليزية سهلة على حد قول عدد كبير من العرب
بس سبحان الله انا اختلف :)
الفرنسية لغتي الام بعد العربي طبعا :(
وانشاءالله يوافقو على طلب التغيير
اشكرك

اها .. زيين .
بس ترا فعلا الانجليزي اسهل بكثيير لاكن الفرنسي افضل بالتعبير وافصح ..يكفي سالفة المؤنث والمذكر اللي بالفرنسي .. ولا الافعال الشاذه اللي مادري كم عددها اللي لازم تنحفظ ياكثرها كثراه *_*
الله يسهل بس بجد الفرنسي لغة كلاسيك وحلوة تستاهل التعلم والتعب فعلا ..

انشالله يوافقون على طلبك .. واكيد انشالله ليش لا ..

بالتوفيق والعفو اختي

حياك

اخ راكان انا ماستر وخوينا الي بالمنتدى ايضا ماستر
اما تخصصي في البكالوريوس فهو (شريعة جامعة الامام)
لكني مستغرب ليش ما حطونا بفرنسا خصوصا ان الطلاب السعوديين فيها مرررة قليل والقانون فيها قوي
وللمعلومية تراني ما اخترت امريكا اصلا ورفضت غير الدول الي انا اخترتها لكن شكلهم يصرفونا