رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
اقتباس:
المشاركة الأصلية كتبت بواسطة إنسانه لااكثر
اختي اخيرا لقيت احد الاعضاء نفس تخصصي
ياريت تفيديني من تجربتك واي معهد تنصحيني فيه
هههههههههههههههه
هلا بك
ريحتيني ... وش تخصصك
بعدين انا اخوي ... مو اختي
المعاهد تكلمت عنها كثير
قوليلي وش سويتي لاني انا تاخرت بالدخول ... لظروفي الدراسيه واختباراتي
انتظر درك
عشان اشرحلك بالتفصيل ،،، اذا انتي للان ماقدمتي
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
اقتباس:
المشاركة الأصلية كتبت بواسطة ردينه
انا مقدمه على امريكا ....كلفورنيا سان ديغو ...زوجي وبنتي معاي ..سؤالي انه انا ماضفت بنتي في استمارة الابتعاث ايش اسوي الحين....وكمان كيف اخلي زوجي بسرعه يلتحق بالبعثه وينضم لها....وكمان كيف الولايه اللي اخترتها كويسه من ناحية المعاهد
الموضوع بسيط ... فيه ناس مابعد تزوجت وتبي تضيف حريمها
هههههههههههههههههه
يالغاليه راسلي الوزاره ،،، باستفسار ...
فيه ناس متوظفين عشان يخدمونكم
وعلميني وش يصير معك .. لو مانفعت الرسايل ،،، احاول اكلملك احد زملائي عندهم ... ويساعدك انشاء الله
بالنسبه للولايه مدري والله ... لاني في كندا مو امريكا
انضمام زوجك ... الحين هو مرافق وله راتب
عشان ينضم لازم يخلص اللغه ويبدا جامعه
يضمونه علطول انشاء الله
:)
Re: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
السلام عليكم و رحمة الله و بركاته
الله يكتب كل مساعداتك لنا في موازين اعمالك
ممكن تقول لي على معاهد تبع جامعة و تدريسها انجليزي اكاديمي معترف بها في لندن ؟
و اذا جبت قبول من معهد و ارسلت للسفارة قبولي من هالمعهد لاستخراج الفيزا
ثم بعد وصولي كندا قررت ادخل معهد ثاني هل تتأثر الفيزا ؟؟ يعني لازم اعطي خبر للسفارة و اغير وجهتي او حاجة زي كدا و ايش قصة مكتب الهجرة هدا ؟
الله يوفقك
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
اقتباس:
المشاركة الأصلية كتبت بواسطة رائدR
السلام عليكم ورحمة الله وبركاته .. كيف حالك اخووي .. ان شالله بخير ..
طال عمرك انا اشكرك من اعمماااااق قلبي.. على المساعده اللي تقدمها لنا .. والله يكتب فيه كل حرف لك تساعد فيه الناس خير... ياارب..
طال عمرك اتمنى انك تفيدني .. انا يالغالي تقدمت للبرنامج وماقبلني ... وحبيت اروح على حسابي.. لكندا .. للبكالوريوس .. الحمدلله لغتي تمشي حالي.. ان شالله ..
طال عمرك حبيت ابدا بالاسئلة واللي يعينك علي ^_^
س1 : اذا رحت على حسابي.. وبعدين اول مااوصل قدمت طلب التحاق بالبعثه .. كم اجلس بالغالب على حسابي..؟
س2 : انا تخصصي حاب يكون في الهندسه وبالضبط ميكانيكا .. هل اقدر انضم للبعثه بهذا التخصص ..؟ واذا مااقدر ماهو افضل تخصص يقدمه البرنامج ..وتنصحني فيه .. وكم مدة دراسته ؟
ممكن يالغالي هذا اللي عندي حاليا من الاسئلة .. اذا كان عندي اساله بوقت ثاني رح اطرحه هنا ان شالله ..
طال عمرك اذا عندك اي نصيحه لي .. بما اني جديد ومبتعث لمرحلة البكالوريوس .. اتمنى تخبرني فيها ..
ولك مني جزيل الشكر ...
تحياتي لك ..
وعليكم السلام ... ياحبيبي
اسال وخذ راحتك
طيب السوال الاول
صعب اي شخص يجاوبك عليه لانه توفيق من رب العالمين
والله اعرف ناس انضموا خلال اسبوع
وفيه ناس ومن ضمنهم نسيبي ... انا ناصحه يجي هنا ومسجله في معهد رخيص ومعترف فيه ... ومسكنه في هوم ستي .. عشان اللغه
وله الحين شهر واسبوع تقريبا ... وانشاء الله قريب ينضم
ادعله وانا اخوك
واذا بتجي وعزمت عالجيه .... راسلني عالخاص ،،،وانشاء الله بساعدك باللي ربي يقدرني عليه
اذا بتجي علي حسابك تقدر تاخذ التخصص اللي تبي في جامعه معترف فيها .. بس يكون تخصص ضمن التخصصات المرغوبه
واتوقع تخصصك ماشاء الله كويس ... وانشاء الله بتلاقي قبول وتلاقي مجال للانضمام
نصيحتي لك .... لاتتردد ،،، توكل على الله ...
وصدقني ،،، اذا بتجي بالوقت اللي اكون فيه هنا .. قبل ارجع اجازه للديره ... يكون معك في كل خطوه الين ربي يكتبلك الانضمام
والله يوفقك
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
لو طلع اسمي في الضمان يختلف عن الجواز ايش المشكله وكيف اقدر احلها
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
طيب ابسالكم انا اسمي بالجواز زايد يعني خماسي اسمي واسم ابويه وجدي وجد ابويه وعيلتي حشى صك مو اسم خخخخ
بس بالعربي اما بالانقليزي رباعي واسم جدي كمان مختصر مو محمد ام بس
تتوقعون عااادي يقبلون ؟؟؟
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
لو سمحت يااخي اسم انك تبغا تساعدني الله يكون بعونك هههههههههههههه
انا بس ابغاك توضح لي الخطوات :
انا راسلت الوزاره بالنسبه للمعهد تورنتو ووافقوا عليه وارسلوا لي الضمان المالي وانا ارسلت للمعهد الضمان وعبيت الابليكيشن وانتظر ردهم
واذا جا الرد بطلع الفيزا>>>>>>>حلو
من اي مكتب اطلع الفيزا
وزوجي المرافق مادري اش اسوي له من اجراءات ؟؟؟؟؟؟
اذا ماقدمت له ع معهد اش راح تكون فيزته يعني لازم يدرس ولا لا ????????
طب هو معاه شهاده اول ثانوي فاذا يبغى يكمل دراسته بالمدارس السعوديه هناك من الحين ولا اذا وصلنا
وبس ياااخوي جاوبني جزاك الله الف خيييير
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
استفسار مشكورا هو
ما هو القبول الذي يتوجب على المبتعث لمرحلة الدكتوراه ان يوفره؟ حاصل على ماجستير من امريكا
هل هو قبول معهد لغه او قبول من قبل معهد الجيمات
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
السلام عليكم ورحمة الله
....الله يجزاك الجنه اخوي على موضوعك المفييييد
انا مقدمه على فانكوفر ..وبسالك عن هذه المعاهد (pli-كانيديان كولج-وقلوبال فالج) اي واحد هو الافضل؟؟؟ لاني محتاره حيره مايعلمها الا الله
واي جامعه ترشح لي تكون قويه في تخصص الاحيـــاء؟؟؟
وبالنسبه للمرافق راح يكون والدي >>> اذا جاني الضمان المالي بيكون شامل للمرافق ولابس لي انا ؟؟؟ ويصير اقدم لمرافقي في نفس المعهد اللي بدرس فيه ولا لا؟؟؟
رد: مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian her
مشكور على الموضوع سعه صدرك على لاجابات
انا عندي سؤال/متى راح يكون اقصى حد نسافر فيه بمعنى اني بما اني مرتبطه بمحرم ومحرمي لديه دراسه وماتنهي الا بشهر سبعه كيف الوضع يكون هل اقدر اجل لحد شهر سبعه واذا بطلب تاجيل كيف ومين اللي اتوجه له بالعذر؟