تجمع ماستر تسويق - امريكا

الله يوفقك
وانا كمان ماستر ان شاءالله تسويق

الله يوفق الجميع والف مبروك للي انقبلو

والله يسر امورنا

انا ماستر تسويق بامريكا انشالله

الحين ودي اعرف وش الاشياء اللي نسويها

ننتظر الملتقى والضمان المالي والا ايش

وبالنسبه للولايه وش احسن ولايه للدراسه

انا بعد نفس السالفه يعني صقيقتكم

رهف برص جنبك ممكن عشان ودي اعرف معك اذا مافيه مضايقه لاني دبه

الف مبرووووك للمقبولين
وان شاء الله نتوفق جميعا
انا ايضا قبلت ولله الحمد .. ماستر - تسويق بامريكا
يا ليت لو احد يخبرنا ايش نقدر نسوي الحين
يعني ننتظر الوزارة والمحاضرات اللي بيعطونا هي او نجيب قبولات ونختار ولاية ؟!

كل التوفيق للجميع

يارب كون معي حياك يا قلبي اذا ما شالتك الارض تشيلك عيوني

اي والله نبي نعرف وش السالفه وش لنا ووش علينا

الله يسر ويسهل لنا امورنا يارب

مسآء النور والسـرور

ألف مبروك الترشيح أولاً

حححمد أنت ألحين بتغير تخصصك وجآي تجمّعنا أجل لو بتبتل وش بتسوي

تففف ماشاء الله

أتوقع كلنا ماندري وين الغنم سارحه لأنه ترى تختلف أنظمة الدراسة

مثلآ إختلاف نظام الجامعة في طريقة التدريس : بعضهم طول الوقت يكلفك ببحوث وأشياء ولاتحضر بالاسبوع الا مره مرتين وبعضهم يدرسونك وآخر ترم يكلفونك بالبحوث

وأيضاً تختلف دراسة الماجستير عن الماستر وبعض الناس يحسبونها وحده

فيه أسئله كثييرة نتسائل وشي مثل ألحين وش السالفه .. القبول هم بيجبونه لنا تلقائيا ولا لازم متابعة وغيررها

لذلك أقترح يا نطب على قسم المتبعثين المرحلة السادسه واللي قبلهم نسأل أو واحد يعرف أحد منهم يتكرم هنا ينصحنا ويجاوب

يشرفني الانضمام ماستر تسويق امريكا << احلم بأوهايو

معاااااااااااااااكم ياسفراء الوطن ان شاء الله
ماستر تسويق امريكا

بالنسبة للقبول بتجيبه لنا الوزارة عن طريق احد المكاتب ويمكن انك تجيبه انت وتعطيهم في الملتقى انا بالنسبة لي بخليها على الوزارة والله يكتب اللي فيه الخير وهم بيعطونا القبولات يا في الملتقى او بعده علطول يوجهونا على المكتب وبعد ماتاخذ القبول تتطلعلك فيزا وتاخذ قرار الابتعاث حقك وتتوكل على الله
اللي جاب قبول وكذا ممكن يلحق الدراسة في شهر يناير اما اللي لسه زي حالتي بيتظر ان شاء الين الفترة الثانية اللي في شعر ابريل بس يارب يخلصونا بسرعة عشان ما تفوتنا ونتاخر اكثر

اما الجامعة ان شاء الله ياااارب انها تكون جامعة بنسلفينيا (فلاديلفيا) يااااااارب

وانا معاكم الولايه.تكساس