المشاركة الأصلية كتبت بواسطة ام لمار ولتين
مشكور على النصيحه وكلامك عين العقل
عاد اتصدقون انا ماجنني غير أمي وأبوي الله يهديهم
يبون يدفنوني بالحياه مايحبون الدراسه ولايشجعونها أبداً
من يوم كنت عندهم وانا أدرس بالحسره بس ماشاءالله علي شاطره والحمدلله وماكان أي شي يأثر فيني من ناحية التعلم والعلم
وكان طموحي مره واسع كنت اتمنى اخذ دورات وأتعلم لغات واتعلم حاسب لاكن لاحياة لمن تنادي ماأحد معطيني وجه
كانوا يقولون لي البنت شهادتها تعلقها بالمطبخ (آآآآآه بس على التفكير)
واللحين يدرون اني انقبلت فالبعثه ومن وراي يحاولون يقنعون زوجي اني ماأسافر وزوجي قال لي كيف تسافرين ترى امك وابوك مو راضين والله بغيت انجن قلت حرام ليش يحاولون يحبطوني
قلت لزوجي تكفى تراك انت أملي الوحيد بعد الله اني احقق طموحي لاتكسرني لا تحبطني ياما كنت احلم واحلم لاكن مافيه احد معطيني وجه وكنت اتمنى اتزوج شخص يقدر حلمي ويساعدني
والله انا ماأطلب شي مستحيل كل اللي أبيه اني اتعلم اني أرتقي وأطور من نفسي عشان اربي اولادي أحسن تربيه وأعلمهم أحسن تعليم أبي اكبر وأكون عجوز وأنا دكتوره وأكون عزوه وفخر لأولادي وأحفادي أبي أكون عايله مثقفه واعيه لأني من جد ملييييييييييييييييييت من المجتمع اللي أنا عايشه فيه لا من أهلي ولا من أهل زوجي أقسم بالله بنجن من تفكيرهم جداً بدائي وقدييييييييييييييييييييييم وانا ابي أغير كل هذا بالنسبه لمملكتي وعائلتي الصغيره اللي بإذن الله راح تكون كبيره وناضجه وواعيه وأذكياء ومفكرين ومبدعين ياسلااااااااااااااااااااااااااااااااااااااام
الله لايحرمني من تحقيق هالحلم بإذن الله
لاكن بحول الله وقوته راح اتكتم على موضوع البعثه وأحذر زوجي انه مايحكي لأحد ونسكت لحد مايجي موعد السفر
يارب يسر لي ولاتعسر ويسر لكل المبتعثين وسهل أمورهم وحقق لهم مرادهم ومرادي يارب العالمين