اريد تأجيل ابتعاثي لمدة سنه ..ارجو المساعده

طيب اخوي مبتعث 2000 متأكد من كلامك ان اخر دفعه لازم تروح قبل شهر 10 بنسبة 100% لاني بعتمد على كلامك فحاول ماتورطني
ولو ابغى اسوي اللي انت تقول عليه ايش الاجرائات؟؟؟؟؟؟؟؟؟؟؟؟؟؟
اشرح لي اكثر ايش اسوي عشان اسافر قبل شهر 10
لان تقريبا بيكون عندي سنه ولو سويت اللي انت قلت عليه واحتجت زيادة وقت بعدها اقدر امدد ولا ايش اسوي

يا أخوان ويا أخوات، اللحين فيه ناس من الدفعة السادسة وحتى الآن ماسافروا يعني اللحين صار لهم فوق سنة، لذلك أنتم تطمنوا تقدروا تأجلو إلى أول عام 2013، الله يسهل أمرنا وأمركم ..

انا من المرحله السادسه وكان اخر وقت لاصدرا امر الاركاب في شهر 10 وصالح لغايه 3 شهور يعني لك لين شهر 1 تسافر
بس المرحله السابعه يمكن يتغير الوقت لازم تتاكدون من الوزارة

اختي اللي من المرحله السادسه كيف قدرتي تأخرين بعثتك الين ذا الوقت ؟؟؟؟؟
ايش الاجرائات الي سويتيها

ياجماعه اللي ماعنده اسباب قوية يروح خلال هالفترة العمر يمشي وورانا دكتوراه لو نبي وباقي 3 مراحل

الله يوفق الجميع ويسهل امرهم

طيب اول دفعه بتروح متى ؟بأي شهر ؟ انا ودي بعد اجلها كم شهر

بصراحة أنا ماانصح اي احد يأجل البعثه
صحيح اني مرافق ومامريت في الخبصه اللي انتوا مريتوا فيها الا انه عانيت لآني مرافق لزوجتي
نجي للأسباب
طبعاً كل واحد له سبب خاص فيه سواء سبب شخصي ، عائلي ، زوجي اللي يكون السبب
1- الدراسه يبي لها وقت واذا للحين انتوا ماطلعتوا ياحبايبي والدراسه هنا بالسعوديه بدت يعني الربع اللي متخرجين معك بيخلصوا قبلك وانت باقي تفحط في دولة الابتعاث
2- بصراحه انتوا كذا تظلموا غيركم في الابتعاث ، في ناس تبي تروح ودهم اليوم قبل بكره وانا اعتبر الموضوع هذا ظلم للناس اللي تبي تروح وانتوا اخذتوا كراسيهم بغير حق وخصوصاً طلاب البكالريوس لآنهم اللي قبلوا قليلين
3- كل ماأجلت الابتعاث كل مايكثر عليك الكلام وتكون في مكان العين والحسد والقيل والقال وراح تتأثر نفسيتك وتنقلب 180 درجه وأسال اللي راح قبلك وراح متأخر سواء التأخير منه او من الوزاره او من السفاره وغيرها وغيرها.

في النهايه اللي يبي يطلع بدري مسكين مايطلع وتجيله مشاكل الدنيا ويتأخر.
واللي يبي متأخر تلاقيه اوراقه جاهزه وخالصه ويطلع اول شي.

وبالتوفيق

ياليت اللي يبون يأجلون يفيدونا وش مخططين

او اي احد عنده علم بتاريخ اخر موعد لاصدار قرار الابتعاث

عشان نرتب أمورنا من بدري

وبالتوفيق للجميع