رحت للوزاره اليوم وقدمت لهم قبول المعهد وقبلوه وقالوا خلاص رح طلع الفيزه

مساء الخير

انا رحت اليوم السبت 16/12/1432هـ الى ادارة البعثات في الرياض وقلت للاستعلامات انا مقبول في برنامج الملك للابتعاث المرحلة السابعه قالوا لي رح لقسم اسمه قسم برنامج الملك عبدالله للابتعاث في الدور الاول ورحت لهم قابلت دكتور اعطيت قبولي الاتوني حق المعهد وقلت له الدراسه تبدأ في 9/1/2012 قال دقيقه انتظر ونادى موظف وقال تأكد ان المعهد هذا معترف فيه من الملحقية وجلست انتظر حوالي نص ساعه وبعهدا ناداني الموظف وقال لي خلاص قبلنى قبولك و رح خذ موعد من السفاره الامريكيه عشان تخلص الفيزه سالته قلت طيب كيف الضمان المالي اللي بروح به للسفاره قال لي حنى ارسلنا اسمائكم يالمبتعثين لي أمريكا للسفاره الامريكيه اليوم وباقي الأسماء بنرسلها لهم بكره قلت له طيب أخوياي يبغون يجبون قبول معهد هل تعطونهم ضمان مالي رد على الموظف بأنه بكره أو بعد بكره راح ينزل في موقع وزارة التعليم العالي عنوانه اسمه ((( كيفية الحصول على القبول واستفسلراتة))) وكمل الموظف كلامه انه تدخل على هذا العنوان وتلقي ايميل راسلهم وتقول لهم انك تبغى تجيب قبول بنفسك على طول يعطونك ضمان مالي وتجيب قبول بنفسك وسمعت واحد يسأل الموظف قال له متها الملتقى قال بعد 3 اسابيع وسألت الموظف اللحين الخطوه الجايه اللي بتسونها مع المقبولين ايش هيا قال اللحين بدئنى نشتغل نجيب قبولات للمقبولين
:)
واحب الفت انتباهكم يوم رحت اليوم لقيت ناس جابوا قبولات معهد واللي خلص الفيزه يعني فيه شباب كثير شغالين مشاء الله عليهم فاللي عنده قبول معهد طوالي يودي لهم انا قبولي في معهد جامعة لوس انجلوس قلت بعقدوني لانه في كالفورنيا والله لا عقدوا ولا شي بالعكس تعامله راقي جدا موظفي برنامج الابتعاث وانا مستعد للرد على استفسارتكم لكن عن اذنكم بروح بس 3 ساعات احجز موعد للسفاره من المكاتب القريبه من هناك

ملاحظه: انا نزلت موضوع امس في ملتقى امريكا وفي ملتقى المرحلة السابعه وسأل فيه وين اروح اراجع الوزاره او ادارة البعثات لقيت واحد رد على انه لا تراجع الوزاره ولا شي وواحد قالي انه مراح يلتفتون لقبولك الا في الملتقى فاللي ابغى اقله لكم انه الله يهدي بعض الاعضاء في هالمنتدى يرد عليك من راسه هلو اني مارحت اليوم كان مامشت اوراقي لكن الحمد لله الحمد لله الحمد لله الله يسرها

ودعواتكم لي ياشباب وبعد ما ارجع لكم انشاء الله بعد 3 ساعات ابقولكم كيف اجراءات الحجز في السفارة الامريكي:o

مبررررررررررررروك ماااشاء الله

نقدر تعااون الوزاره حلوووو ماعقدووهاااا

كم اخذ منك اخوي لما وصلك الاي توني !!

موووووووووووفق والله يجزاك الجنه الي علمتنا

ما شاء الله عليك .. حسيت انّي مهمل ونايم بالعسل على قولتهم

ماشاء الله بالتوفيق لك يالغالي

مبرووووووووووووووووووك الله يوفقك ...

بس من وين جبت الضمان المالي؟؟

خبر حلووو ،، طيب لازم اطلع انا بنفسي ولا عادي اوكل احد يطلع الرياض عني؟
حاجه تانية ممكن اعرف انت المعهد اللي قدمت عليه مغلق من قبل الملحقية للتكدس ولا لا؟ وهل هو معهد جامعة UCLA ولا جامعة ثانية

ما شاء الله عليك

اجل من بكره وانا اول من يدخل الوزاره (:

حبيت اسال القبول جبته بنفسك ولا من مكتب ؟

يا شيخ روح الله يوفقك

والله ما يعجبني بالانسان الا اذا كان واثق من نفسه وواثق من قدارته....

معلومات قيمة وفيها اجوبه لعشرات التساؤلات الي مليان المنتدى منها...

الله يوفقك وين ما رحت يا اخ عبدالكريم

مشاء الله عليك وربي يوفقك ويسهل امرك بس بسالك وش تخصصك وباي دوله واي معهد قبلك