نصيحة صادقة من قلبي لكل مبتعث...

السلام عليكم ورحمة الله وبركاته

اخواني واخواتي المبتعثين من باب المحبة لكم حبيت اطرح لكم موضوع اللغة وكيف تتعامل معها.

انا كنت ادرس في كالفورنيا ( افضل ولاية في امريكا) من 8-11-2010 الى 12-3-2011 طبعا كنت على حسابي الخاص

وانظميت للبعثة تاريخ 30-11-2010 المهم بعد مانظميت قررت اكمل في كالفورنيا بس ماكان معي قبول جامعة فيها( اول غلطة )

كان معاي قبول في جامعة في مريلاند ولما قريت عن المدينة قالو خطره ( ثاني غلطة تصدق اي شي ) انتظرت يجيني قبول في

كالفورنيا وضيعت وقتي وشتت تفكيري 3 شهور بعدها عزمت على جامعتي وتوكلت على الله انا الآن في مريلاند في معهد الجامعة.

زبدة الموضوع: الا سبوع الجاي انشالله آخر اسبوع لي في اللغة بعدها اقدر اخش الجامعة ( اعترف ان لغتي شوي فيها لخبطه)

ولاكن عديت المطلوب ( مالي دخل ههههههه ) ومع ذلك ماراح اخش راح اكمل اللغة لأن باقي لي وقت في مدة اللغة وراح اخش

الجامعة شهر 1-2012 ( سبرنق ) طبعا من الاسبوع الجاي راح يخف الضغط علي خلااااص القبول النهائي بيكون معي والبداية

بعد 5 شهور وراح اتعلم اللغة بدون ضغط وهم ( القبول وضمناه والفضل لله ).

احبائي النصيحة هي شوف لك جامعة فيها معهد تخلص منه وتخش الجامعة لا يهمك لا ولاية ولا توسوس في شبح التوفل

وطريقته وكيف وماكيف وصدقوني اذا درستو في معاهد غير معاهد جامعاتكم راح تنجبرون على اشياء انتم من البداية

في غنى عنها مالكم ومااااال هم التوفل اللي جاب لطلاب ( الصمرقع ) الواحد بدل مايتعلم اللغة صار يتعلم التوفل.

سلااااااااااااااااام.

( للمعلومية الموضوع كتب في شهر 7 )

المصدر: http://www.mbt3th.us/vb/forum8/threa...#ixzz1dVRs2rPC
حفاظاً على حقوق الكاتب نرجو عدم حذف المصدر مبتعث

هذي مشكلة أكثر الطلاب من معهد الي معهد وتنتهي فترة اللغة وهو يبحث عن معهد جامعة

جزاك الله خير على النصيحة وجعلها الله في ميزان حسناتك

اتمنى التوفيق للجميع

جزاك الله خير

الله يعينا والله يوفقك في دراسة الجامعه امين

يعطيك العاااااافيه ع النصيحه
جزاك الله الف خير

يعني اللحين ما اروح الا معهد جامعة فقط ؟؟؟؟؟؟؟

بالله كيف نسوي .
إذا جابوا لنا قبول في معهد ابو كلب :( وش نسوي افيدينا مالعمل . جزاك الله الجنه .

يعطيييك العافيه ..

اخووووواني واخووووواتي الواحد يحاول يجيب له قبول لغة في نفس الجامعة اللي انقبل فيها واذا حاااط في باله جامعة معينه ولا فيها معهد يحاول يجيب له قبول في جامعة ثانية معهدها ممتاز

واذا الله وفقه وجاب التوفل يروح للجامعة اللي في باله واذا ماقدر يجيب التوفل يكون قبوله الاول موجود في نفس معهد جامعته ( احس كلامي ملخبط بس معليش )

سلاااااااااااااام.

معآك حق
آلله يجزآك آلف خيييييييير يآرررب