الناس اللي ماجابو قبول معهد وموعارفين كيف يجيبو والناس اللي جابو ادخلو نساعد بعض

كيفكم
طبعا حلوة فكرة الوزارة اننا نجيب قبول بنفسنا
بس للأسف في ناس ماتعرف كيف تراسل وتجيب قبول
أوكي وفي ناس راسلت وجابت
انا أيضاً راسلت معاهد وردو عليا بالشروط بس لحد الان مارديت عليهم لأني انتظر أشوف القائمة حقت المعاهد المصرحة من قبل الملحقية يعني ماتكون متكدسة

وطبعا في معاهد سهلة بس ترسلو لهم إيميل يقومو يرسلولك الشروط والاستمارة تعبيها وترسلهم هيا
المهم ياحلوين في دا الموضوع أبغى نتشارك
كل واحد جاب قبول معهد يكتب كيف كانت الطريقة هل عن طريق إيميل يكتب إيميل المسؤول عن القبولات بالمعهد هناك و يكتب النص حق الرسالة عشان الناس اللي ماتعرف انجليزي ويكتب في ايت ولاية المعهد ويكتب في ايت مدينة وليش اختار المعهد


1-طريقة احضار القبول
عن طريق إيميل مسؤؤول القبولات بالمعهد:
او عن طريق تعبئة الاستمارة على موقع المعهد وهو:


2-نص الرسالة المرسله عن طريق الايميل:
3-ماهي شروط احضار القبول اي من ناحية مبلغ الضمان المالي ومبلغ الابلكيشن:
3-المعهد في ايت ولاية و ايت مدينة:


4-ماسبب اختيارك للمعهد:


انا راسلت معهد كابلين في سان فرانسيسكو وردو عليا بالشروط بس مارح اكتب إيميل الشخص والنص الا من أتأكد من قائمة الوزارة انو المعهد مو متكدس او مغلق او مو معترف

المهم بليز أتعاونوا عشان ربي يسهل لنا أمورنا بليز اتاكدو انو المعهد اللي راسلتوه وراح تكتبوه هنا معترف من قبل الوزارة و غير متكدس

بانتظاركم ياحلوين وجزاكم الله الف خير مقدما على التعاون و الله يسهل للكل شخص سرد تجربته هنا يارب

مرحباً عزيزتي المشكله ان الملحقيه إبدا مو متعاونه ما ادري معاي انا بس ولا مع الجميع أخذت شهر كامل اراسلها اسأل عن اعتماد معهد

معين وماردوا بالأخير خليت مكتب يجيب لي القبول كنت متحمسة أجيب بنفسي بس اتلفوا لي أعصابي من الانتظار وقلت ياللا ي مكتب

وحاليا انتظر القبول على نهابه الاسبوع الجاي ان شاء الله

المعهد تبع UCR ليه اخترته لانو عمتي بتطلع لنفس الجامعه ولازم اكون معاها وسمعت انو كويس ويارب يكون زي ما سمعت وبس

تحياتي

والله انا انصح انو نراسل مكاتب هم معاهم خبرة كيف يراسلون الوزارة اكيد رح تقبل القبول ما دامه من مكتب معتمد لديها.

اقتباس:

---

المشاركة الأصلية كتبت بواسطة saad alshelhoob

والله انا انصح انو نراسل مكاتب هم معاهم خبرة كيف يراسلون الوزارة اكيد رح تقبل القبول ما دامه من مكتب معتمد لديها.

---

والله حلو الاعتماد على النفس قبل مراسله المكاتب يعني كلنا عارفين انو المكاتب تجيب قبولات بس الوازرة ماتنصح بامكاتب التجارية
لذلك انا اقترحت الموضوع للتعاون مو لي اقتراح مراسله المعاهد كلامي واضح فوق

الله يعطيكم العافية ابغى ردود في اقرب وقت

معاهد بولندا مو موجودة شالسالفة وكيف اقدر احصل قبول في العاصمة.؟؟؟؟

ولله فكرت الموضوع جميلة جدا تغنينا على الاقل عن المكاتب ومرمطتهم وجشعهم وبالتعاون مع بعض تصبح الامور اسهل
والشباب فيهم الخير والبركة
وان شاء الله اول ما اجيب قبول راح اسدحه هنا للفائدة
ويعطيك العافية ياصحب الموضوع
لي عودة باذن لله مع القبول
يارب سهل

والله انا حااااااايسه مو عارفه شي...!!
دوبني ادري عن المووضع وما اعرف صراحه كيف اجيب قبول؟؟!!
ما اعرف الطريقه ياريت الي يعرف موضوع الطريقه الي نراسل فيها المعهد يقولنا

احد يعرف مكاتب قبول معتمده من الوزارة ...ابي اريح مخي من هالقبول

المشكلة انو الرابط مايتفتح تبع امريكا والله حالة الله يعين بس