-
تم تغيير الدوله !!
مالله كتب لنا أمريكا !!
عقب ماتعبنا واخترنا الولايه ، والجامعه والمعهد
وصارلنا حول الشهرين وحنا في بحث مستمر ،
هذا طبعا ً انا وزوجتي ؛ وهي المبتعثه الأساسيه ،
وبعد ماطلع الجد وكتبلنا تم ترشيحكم والدوله امريكا ، تقل صابتنا ( ام الركب )
وانا ارسلهم رساله قلت ابي اغير الدوله ؟؟
وهم يردون لي وقالو ( يجب حضور المحرم في مبنى وزارة التعليم ، ويكتب خطاب عن اسباب تغيير الدوله ويعرض للجنه )
وانا اقوم ابالع ؟؟؟
ويني وين الرياض انا بشمال وغير كذا ، اخاف أعني نفسي ولا أطلع بشي ؟؟
المهم ،
لي ولد اخت يدرس بجامعة الملك سعود ، عمره 17 سنه
وانا اتصل عليه فزاع ، قلت تكفى يالذيب ابيك تطلع للوزاره وحاول غديك تغيرلي الدوله
قال ابشر ، طبعا هالكلام ذا قبل امس !!
وانا ارسله رقم الطلب والمرحله ورقم بطاقة زوجتي ، بما انها هي المبتعثه ،
جاء الصبح واتصل علي قال كم رقم بطاقتك انت يالمحرم ؟
وانا اعطيه رقم بطاقتي ، وانا اساله بشر وش صار ؟؟ قال بعدين لطلعت انا عندهم هلحين
بس رقمك هذا هو الي دايم شغال : قلت له ايه قال اوكي لانهم طلبوا رقم جوال دايم شغال ويرد عليه
وهو يقفل
وقعد عشر دقايق واتصل علي قلت هاه بشر ؟:
قال عطوني ورقه وكتبت اسم المبتعث والدوله ورقم البطاقه ورقم بطاقة المرافق
والدوله الي تبي تروح لها ؟؟؟؟؟
قلت بس؟؟؟
قال اي بس
قلت والاسباب الي يقولون؟؟؟
قال ماقالي اسباب ،،
لكن قالي خلال الاسبوع ذا يتصلون عليك ويستفسرون !!!؟
هالكلام ذا قبل امس
اليوم دخلت لحالة الطلب ، ولله الحمد تم تغيير الدوله
والسلام عليكم
-
رد: تم تغيير الدوله !!
مااشاءالله تبارك الله ،، هذا من تيسيير ربي (:
موفق اخوي ..
-
رد: تم تغيير الدوله !!
ماشاء الله ..الله يوفقكم
ليه بتغير عن امريكا
-
رد: تم تغيير الدوله !!
الله يوفقكم ياااارب
لي إسبوع طالبه تغيير ولاأي رد منهم
لازم يعني أحد يروح الوزآره بالرياض :(
-
رد: تم تغيير الدوله !!
الف مبرووك ..
اخوي الله يعافيك راح لاي موظف لان انا نفس المشكله وارسلت قريب لي ورفض الموظف يقوله مافي تغيير ..
الله يفرج همك ويسر امرك ... ابي اعرف التفاصيل ولاي موظف راح ... وجزاك الله خير ..
-
رد: تم تغيير الدوله !!
حياك اخوي خليل وينك ماشوفك بالمسن
تراني ما نسيت وعدي لك بخليك العريف هههههاي
اي دولة اخوي رحت تراني زيك جات ام الركب صوب امريكا
يمكن احول ايرلندا
-
رد: تم تغيير الدوله !!
يااحظك ماشاء الله
والوزاره بس بالرياض
شكلي بلحق ارسل احد يدبر لي اموري ماابي امريكا الله يخسها
-
رد: تم تغيير الدوله !!
حلوو بس ليش ماتبغو امريكاا هههه مستغربه !
-
رد: تم تغيير الدوله !!
حياكم الله جميع والله يبارك فيكم
---
أختي الأمل و وشوشونه
اول شي نعم يجب ان واحد من رجالكم يروح للوزاره
اما بخصوص سؤالك يا اخت وشوشونه
والله توني قفلت من ولد اختي يوم شفت سؤالك
وزين حصلته صاحي
وقالي والله ماشفت اسمه لكن يقول اول مايدخل للوزاره
يروح لقسم المرحله السابعه
ويحصل بالاستقبال شاب مايتعدى عمره 21 سنه
ويقوله وراح على طول يعطيه الخطاب والله يوفقكم ،،
-------
هلا ابو داليا حيااك الله
والله مشغولين ياجدي بهالدوام وسالفة هالبعثه جننتنا
ياطويل العمر غيرت من امريكا الا ايرلندا !!
قريبين من ديرتنا ، لو نبي نروح للسعوديه خميس وجمعه رحنا
كلها ست ساعات وحنا بالسعوديه ههههههه
------
والله يا اخت مرام
الواحد لو هو عزوبي ماعنده مشكله
لكنا الي ابو عيال وزوجه يبلش
وهناك قوانينهم وانضمتهم مدرين وشلون يخوفون
خايف اسوي شي هناااك
ولا عاد اشوف اهلي هههههههه
-
رد: تم تغيير الدوله !!
ماشاء الله تبارك الله ,,, الله يسهل ع الجميييع وتتيسر امور البعثه