اسئله اتمنى القى لها جواب واكون شاكره ومقدره :)

السلام عليكم ورحمة الله وبركاته ,,

اولا اعذروني على الاطاله مسبقا ولكن باحاول الاختصار قدر الامكان ..
اولا : رغبتي الاولى كانت ايرلندا وتم ترشيحي ل / امريكا .!
1/ هل يحق لي تغيير دولة الابتعاث ؟ كيف ؟ متى ؟
ثانيا : كان المرافق اخوي ولكن بعد مشاورات بيطلع معي ابوي .!
2/ هل يحق لي تغيير المرافق , كيف ؟ ومتى ؟
ثالثا : بالنسبة لاختيار المعاهد ؟
انا ماعندي خلفيه بهالمواضيع "
ولا اعرف من فين ابدا ؟
على اي اساس اختار معاهد وانا جاهلتها كله ؟
ولا ادري هل استمر في امريكا ؟
والا اغير لايرلندا ؟
هل هو الزامي اختيار معهد من الان ؟
وماهي الطريقه الصحيحه لذالك ,؟

واخيرا :
امتداد تخصصي وهو الدراسات الاسلاميه هو التسويق .!
بالرغم من اني مااشوف اي رابط بينهم "
وفي راسي مليون سؤال ؟
هل هو مناسب لسوق العمل ؟.
هل يخدمني هالقسم ؟
هل هو امتداد للقسم من حيث مطابقة الشهادات بعد التخرج باذن الله والعوده ؟


شاكره ومقدره لك شخص وقف عند موضوعي واعاني على اسئلتي واجابني ولو بالقليل ..
اتمنى التوفيق للجميع "

بأساعدك باللي أعرفه /

ج 1 : يحق لك بس لازم محرمك يراجع الوزارة بالرياض قبل الملتقى ويشرح أسباب التغيير وإحتمال كبير إذا كانت مُقنعة إنهم يوافقون على التحويل ..
ج2 : إي طبعا يحقلك تغيير المحرم بس مو متأكد متى ووين ، بس أتوقع بالملتقى .. وإذا محرمك راح للوزارة قبل الملتقى خلّيه يحاول فيهم !

بالنسبة للمعاهد فـ لا تشيلين همها ، إنتي بالبداية أكّدي لنا وين بتدرسين وأحنا راح نساعدك ونعطيك المعاهد القويّة بأمريكا ،
وإيرلندا لها قسم خاص والاخوان فيه ما راح يقصرون معاك ^^
وما هو إلزامي تختارين المعهد ، وأصلا الوزارة متكفلة إنها تجيب لك قبول ولكنها أعطتك فرصة إن إذا فـ بالك معهد معين تقدرين تراسلينه

بالتوفيق

مشكووور اخوي "
الله يكثر من امثالك ماقصرت "

بالنسبة لدراسة التسويق في امريكا ؟
وش تنصحني فيه ؟
اخليها على ربي واجلس بامريكا ؟
او اغير الدوله ؟

ودي اعرف وجهة نظرك ؟
وش الافضل لي اني اختار المعهد او اترك للبرنامج يختار لي المعهد ؟
وايش افضل معهد من المعاهد المطروحه من قبل البرنامج ؟

اعذرني ثقلت عليك بس ماعندي خلفيه ..

العفوو ..

شوفي أنا مابي أتفلسف لأني خبرتي بسيطة جداً بهالمجال ، لكن وبصراحة أمريكا تتكلّم عن نفسها
هي الأفضل بكل شي إلا مجال واحد تتفوّق فيه إيرلندا واللي هو الطب (هذا الكلام اللي أقراه بالمنتديات)
وأمريكا تعتبر قارّة يعني ، شي مو سهل .. فـ المفروض تصلين ركعتين لأنها جت منهم .. ^^
فوجهة نظري إن الأفضل تكملين بأمريكا ولا تنسين الإستخارة

وبالنسبة للمعاهد فالأفضل إنك تختارينه بنفسك ، لأن الوزارة يمكن تقطك بـ معهد تجاري وما يفيدك أبداً !
فالأفضل إنك تبحثين وتختارين المعهد ..
واخوانك وخواتك ما راح يقصرون معاك بالمعاهد ، بس بالبداية إختاري الولاية اللي عينك عليها ونشوف المعاهد القويّة فيها ..

اقتباس:

---

المشاركة الأصلية كتبت بواسطة i7amed

..

---

مشكووور اخوي ساعدتني كثييير
بالنسبة لي "
اعتبرني صفحه بيضاء ماعندي اي فكره عن امريكا ؟
يعني ماعندي فكره عن افضل ولايه ؟
او افضل معهد فيها ؟
انت وش تنصحني فيه ؟
اي ولايه واي معهد ؟

ماراح انسى وقفتك معي , لاني منجد كنت محتاجه اسمع راي شخص واعي و مطلع على الابتعاث وعايشه "
الله يشرح صدرك ويحقق لك مرادك "

ماقصرت "

بالبداية عشان الصورة تكون واضحة قدامك إني لسه ما عشت الإبتعاث ^^ !
والمعلومات اللي أقولها لك من خلال قرائتي عنها خلال الـ 5 شهور اللي فاتت ..

المهم ، الولاية اللي تبينها تكون باردة ولا حارة ؟
والأسعار كيف تبينها ؟ غالية أو متوسطة ؟
تهمّك الأماكن السياحيّة بالولاية ولا لا ؟

اقتباس:

---

المشاركة الأصلية كتبت بواسطة i7amed

؟

---

الله يوفقك ويتمم عليك يارب "
وتسلم ع المعلومات لانها افادتني ,,
بالنسبة لي مو مهم الاماكن السياحيه "
ولا الجوء مهم بالنسبه لي "
لاني مو عارفه الوضع يعني انت تتوقع الحراره او البروده عندهم مثلنا او اقل او اكثر بدرجات
بس افضل البارده ؟
:)

الاهم << ان التكاليف تكون متوسطه
والمعهد يكون معترف فيه وحلو عاد انت عارف معنى حلو :)
يعني ولايه تكون مناسبه لي << كمنقبه ..

:)
حسيت اني اكلم مصباح علاء الدين ..

تحملني ..

اتمنى القى اجابه :(