حوار من ماستر تمريض باامريكا ياليت يتفضل

انا اقدر اجيب للك قبول ماستر تمريض غير مشروط
راسليني على الخاص

انا زيييييييييييييك اخيرا لقيييييييييييييييت ماستر تمرييييييييييييييييييييييييييييييييييييييييض

انا قلت اجيب قبول المعهد اول وبعدين يحلها حلال في الجامعة يعني حيكون قدامي سنة على بال ادور كيف قبول الجامعة

وبصراحة انا مرة كان نفسي في ولاية فلوريدا في جاينسفيل معهد اسمو ELI بس لمن راسلت الوزارة على حظي طلع مو في القائمة مني عارفة ليه ... مع انو اقرابائي مدحو فيه وتابع للجامعة حقت university of florida وفيلو كمان تخصصنا...
ودحين حايسة مني عارفة ايش اسوي .....

وفكرت اروح الي في جاكسونفيل قريبة منهم ... والمعهد الي حاطينو الوزارة .... بس لسا برضو محتارة هو كويس ولا مو كويس ولا كيف اجراءتو الله اعلم ...


فلو لقيتي معهد وجامعة كويسة قوليلي ... وخلينا نشوفك ^^

ويالاخو ديستار ... عندي سوال ايش الفرق بين المشروط وغير المشروط .... وبين الي يكون المعهد نظامهم سيميتر ولا مستويات .... وايش احسن ؟؟؟ وشكرا ...

مرحبا Heba.k
زين انك مثلي لاني اشوف قليل الا طالعين ماستر تمريض وباامريكا انا كنت حاطه في بالي كمان فلوريدا بس اللحين غيرت رايي واللحين حاطه في بالي ميشقن بس لسى مااستقريت عليها والايام تمضي وابغى اجيب قبول معهد لي ولمحرمي وللحين افكر
خلاص انت كمان اذا لقيتي خبرني بعد
بالتوفيق

انا كمان ماستر تمريض ان شاءالله طالعة امريكا
صراحة دورت على جامعات كتير اهم شي تشوفي الريكوايرمينتس حقتهم فيه بعض الجامعات تطلب خبرة عمل شي اساسي فيه بعض الجامعات تطلب معدل عالي وجي ار ايه عالي
قولولي عندكم خبرة عمل ولا زيي بس انتيرن؟
طبعا لازم تكون عندكم الرخصة..من هنا
وبعدين من هناك تاخدي رخصة الولاية اللي انتي فيها ..طبعا ماحتقدري تحددي الا لما تنقبلي في جامعة وترسي عليها..
طبعا اختيار الجامعات بيكون على حسب التخصص اللي تبغيه ..بس جامعة بيتسبيرغ مرة كويسة..وبينسلفانيا كمان من اقوى الجامعات في امريكا للتمريض..جامعة واشنطن كمان

قبول مشروط من غير رخصة تمريض امريكية ولا جي ار اي بس مشروط باللغة

هلاfofitta تمام انتي بعد ماستر تمريض اي كلامك صح انا دخلت على جامعات كل برامجهم يبغو خبرة سنتين وانا مثلك بس خلصت الانتيرن وراسالت جامعه بنسلفانيا بس قالت مانعطيك قبول مشروط بالرخصة بالنسبه جامعة
بيتسبيرغ في وين هذي وبعدين انتي جيبتي قبول لغه من اي معهد وبتروحين ولاية illinois وودك اي تخصص انا مرة محتارة

بالتوفيق ياااارب

انا حروح اول شي معهد في شيكاغو لانه ابغى جامعة ماركيت في ولاية ويكونسين مدينة ملواكي مرة قريبة من شيكاغو في المسافة ماجستير التمريض فيها تمام..
وحقدم كمان على جامعة بتسبيرغ مرة قوية university of pittsburgh
pittsburgh,pennsylvania

اصلا مافي جامعة تعطي قبول مشروط بالرخصة يعني لما دخلي الجامعة وقبل ماتبداي في ساعات التدريب في المستشفى تكوني قبلها اخدة الرخصة..بس بصراحة اللي معذبني الجي ار اي ماني عارفة متى اخده هنا ولا اخد دورة هناك في معهد كابلان احسن..اخاف الوقت ضيق..

اها تمام انا فكرت في معهدUIC وكمان الجامعه قويه وموجود كمان معهد كابلن عشان احضر لمتحان NECLEX بس للحين ماقررت ولا ادري اذا ماتكدس لان العدد محدود وحابه اقول شي عشان اطلعي الرخصة لازم تسجلي CGFNS وطالبين اشياء ترسل من الهيئة كبطاقة الهيئة واشياء ثانيه كمان من الجامعه على مااعتقد وترسل مباشرة الى هناك المفروض يعني من هنا نرسلهم قبل لا نروح امريكا
بالنسبه GRE اذا معدلك 3 من 4 يعملو ويف له

الله يوفقنا يارب

ممم ايش الاشياء اللي نرسلها من الهيئة لهناك ترى ده الموضوع مرة ماجا على بالي انا ما ابغى ارجع السعودية عشان دي الاشياء يعني ابغى اطلع وانا مخلصة من هنا..
انا اخدت بطاقة الرخصة من الهيئة ايش فيه شي تاني ؟

وبالنسبة لل جي ار اي قرات في كتير جامعات انه لو كان المعدل 3.2 ممكن يعملو ويف بس مو للكل فقط للطلبة المحليين يعني نحن الانترناشونال ماندخل ضمن الكلام هدا..للاسف اقوى الجامعات تطلب الجي ار اي..

ترى متطلبات دراستنا كتييييرة الله يعين يارب