الأعضاء الإشتراك و التسجيل

الملتقيات
ADs

تقرير معلومات تهمك ... اذا بتعيش في كندا .... من مبتعث سابق

تقرير معلومات تهمك ... اذا بتعيش في كندا .... من مبتعث سابق


NOTICE

تنبيه: هذا الموضوع قديم. تم طرحه قبل 2220 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة ماليش غيرك
    قل خيراً او أصمت
    سبحان الله حتى كلمة الشكر ماتعرف تطلع منكم

    اذا مو عاجبك موضوعه محد ضربك على يدك وقالك رد عليه

    اسهل شي صاير هو الدخول بالنيه لاحول ولا قوة الا بالله
    يابعدنا عن أخلاق الاسلام واخلاق الرسول صلى الله عليم وسلم
    الله المستعان بس

    الف شكر لك اختي

    والله لو كنت شايف ردك ماكان تعبت نفسي ورديت عليه

    بس والله جته دعوه من قلب

    وانتي جتك دعوه .. بان ربي يوفقك ،،، على حسن ظنك ...

    والله يقدرني اخدم كل من يجي لهالبلد ...

    اخوك عبدالرحمن
    7 "
  2. ربي يبارك بجهودك ويوفقك
    أخوي لوسمحت بما إنك مبتعث ومجرب بستفسر منك عن شغلات تلخبطت وماصرت فاهمتها:
    1/ أخوي هو مرآفقي ويبي لغه فقط يعني مايبي يكمل دراسته بعد كذآ
    سؤالي:
    وش تكون فيزته؟
    وإذآ مثلاً بعد شهر تغير المحرم وصار أخوي الثاني ويبي يكمل وش الوضع؟
    2/
    إذآ جبت قبول للمرآفق ورحنا عشان نطلع الفيزآ يطلبون ضمان مالي أوشهاده بنكيه.؟
    أو قبول المعهد يكفي عشان نطلعها؟ علماً إن المعهد ماطلب شهاده بنكيه ولاضمان
    3/ لو أبي منك تساعدني وتجيب قبول معهد لغه لأخوي بتورنتو تقدر؟
    شكراً وعذراً وبإنتظآر ردك
    7 "
  3. المشاركة الأصلية كتبت بواسطة صيدلي ماله دواء
    منكم ؟؟؟؟ ... ليش حنا عيال البطة السوداء يعني ؟؟؟

    الله يصلحتس بس ... ليش ماارد وليش اسكت انا موضوع كندا يهمني لان احتمال اروح لها فحبيت انبه الاخ ..

    الصمت انهزام وانا ودي انفع اخواني اللي يتسائلون ..
    المقصود من كلامي ان مافيه اي فايدة من المواضيع الاعلانية هذي ....

    وبما انك ماشاء الله عليك سكتيني روحي وادخلي منتدى ايرلندا وادخلي منتدى كندا وادخلي منتدى الدول الاوروبية عموما كلها اعلانات سفر وسياحة مافيه اي فائدة تذكر الا ماندر من اخوان اجتهدوا بمواضيعهم ..

    وسالفة الاخلاق الاسلامية هي المسار اللي انا اتبعه ولا احد يعلمني فيها سواءا انتي ولا غيرك ...

    ردي للفائدة عشان اخواننا المبتعثين يساعدوننا بمعلومات فقط .. القبول ومالقبول اذا ماجاء من الدولة تجيبه الفلوس ...

    ياليت انتي تحترمي رأيي والمقصود من كلامي قبل تهاجمين اخلاقي ... عموما مسامحك رغم انك طلعتيني عن الملة ...


    شكرا اخوي على الموضوع وماقصرت لكن الحرص واجب لان امور السياحة ماتهم اذا كان التخصص المطلوب غير موجود او الجامعة متكدسة او الدراسة بالمعهد مش كويسة ... هذا المهم ..

    ادري كلامي قاسي شوي.. تحملني وانا اخوك انا مااتقصدت شخصك لانك على عيني وراسي انا اواجهك بطرحك فقط ..



    هههههههههههههههههههههه


    للاسف مضطر ارد عليك مره ثانيه


    الصمت انهزام .... ياحبنيلك بس

    اللي يبي الفايده بيلقاها ... واللي يدخل يدور الزله بيلقاها ...

    لو تدور الفايده ادخل وناقش في المواضيع اللي فيها فايده

    انا كل يوم ادخل ،،، بالقليل ٥ رسايل استفسار وارد عليها

    وبعضهم من كندا يطلبون مساعده في سكن وفي هوم ستي

    والواحد ماوده يقول شي

    لاكن والله احيانا اضطر اطلع وامشي في البرد ... عشان احاول اجيب قبول لطلاب توهم حتى ماجاهم ضمان

    وجاي تتفلسفلي علي تستفيد ،،، والفلوس تجيب كل شي


    هههههههههههههههههه

    ياخي شر البليه مايضحك .... نبي نشوف الفلوس وش بتسويلك ...

    تبي الجد عاد ... نصيحتي اذا هذا مبدئك وتفكيرك ... لاتطلع بعثه ...

    اقعد في بيتكم واشتر الشهاده ...


    واذا تبي تطلع .... اول شي تسويه


    صف النيه
    7 "
  4. المشاركة الأصلية كتبت بواسطة الأمـــل
    ربي يبارك بجهودك ويوفقك
    أخوي لوسمحت بما إنك مبتعث ومجرب بستفسر منك عن شغلات تلخبطت وماصرت فاهمتها:
    1/ أخوي هو مرآفقي ويبي لغه فقط يعني مايبي يكمل دراسته بعد كذآ
    سؤالي:
    وش تكون فيزته؟
    وإذآ مثلاً بعد شهر تغير المحرم وصار أخوي الثاني ويبي يكمل وش الوضع؟
    2/
    إذآ جبت قبول للمرآفق ورحنا عشان نطلع الفيزآ يطلبون ضمان مالي أوشهاده بنكيه.؟
    أو قبول المعهد يكفي عشان نطلعها؟ علماً إن المعهد ماطلب شهاده بنكيه ولاضمان
    3/ لو أبي منك تساعدني وتجيب قبول معهد لغه لأخوي بتورنتو تقدر؟
    شكراً وعذراً وبإنتظآر ردك

    الموضوع اسهل بكثير مما تتخيلين

    اولا ...

    انصح اي شخص بيجي هن لايجي بفيزه سائح .. بل يجي بفيزه طالب

    ارخص ،،، وافضل

    ثانيا ... تغيير المرافق موضوع سهل

    ولاكن اخوك الثاني لازم يجي علي حسابه يعني مايطلعون تذكره الا لمرافق واحد فقط

    واطفال اذا معك ... بس

    وخليه يجي بعد بفيزه طالب ... ويقدر يكمل فيها ...

    نعم لازم الضمان .. اهم من القبول ...

    من شروط الفيزا الاساسيه

    ووزارتنا الله يهديهم مدري وش فيهم هالسنه عالمرافقين .... السنه اللي راحت الضمان فيه اسم المبتعثه ومرافقها

    هالسنه لازم المرافق يجيب ضمان لنفسه


    وانشاء الله موضوعه سهل ... يعني ٥٠ الف تكون في حسابه لمده يوم .. بس يطلع الضمان ... ويقدر يطلع الفلوس من الحساب

    ولله يكتبلكم اللي فيه الخير


    انا والله ياختي ... ماني مكتب ولا اجيب قبولات

    بس بما اني وعدت كثير من الشباب بالمساعده بالقبولات

    خلي اخوك يراسلني ... وانا بجيبله قبول في المعهد اللي يبي

    ولا ابي منك الا تدعين لي ولوالديني ولكل المبتعثين
    7 "
  5. المشاركة الأصلية كتبت بواسطة الأمـــل
    ربي يجزآك الجنه
    لكن :
    مايقدر يطلع فيزآ إلا إذآ جاب شهاده بنكيه؟
    طيب لو مثلاً كان مرآفق وفيزآ سائح بس لاقبول ولاغيره
    لازم بعد شهاده بنكيه؟
    وشكراً

    فيزا الطالب لازم ضمان بنكي ... بنفس حساب الشخص
    او حساب ولي امره ...

    ويكتب خطاب ولي الامر بانه يتكفل بمصاريف الشخص اثناء دراسته


    اتوقع السائح يطلبون منه ... كشف حساب .. ولازم يكون فيه مبلغ ... يعني نفس الفكره

    او يكون موظف

    اذا انتي في الرياض ... بوصيك على مكتب عندهم كل معلومات الفيزا ... وتعاملهم كويس
    7 "
  6. المشاركة الأصلية كتبت بواسطة الأمـــل
    وش اسم المكتب لاهنت؟
    والف شكر على طرحك أستفدت كثير ربي يوفقك

    مكتب فيفا ...

    على خريص بين التخصصي وتركي الاول

    بعد بنده عاليمين


    انا ماعرف مكاتب ولا جربت غير هذا

    بس بحكم تجربتي .. المكتب مره كويس واسعاره رخيصه


    والله يكون في عونك ... ويسهل عليك
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.