رسوم التأشيره الأمريكية .. علينا ولا عليهم ؟!
][ بسم الله الرحمن الرحيم ][
:
:
السلام عليكم ..
بس نفسي اعرف رسوم الفيزا [ 1500 تقريبا ] ندفعها احنا ولا الوزارة ؟!
يعني أنا عندي I20 و عندي الضمان المالي ووافقو على المعهد حقي .. تنصحوني أنتظر للملتقى [ الجمعة الجاي ] ولا أحجز موعد بالسفارة من الحين ؟!
لأني أخاف في اشياء لنا احنا اللي ب [ بعثة الملك ] أوراق أو أي شي للسفارة الأمريكية يعطونا اياها بالملتقى ..
سؤال أخير .. لو استخرجت الفيزا وخلصت الملتقى أقدر أسوي الاجراءات النهائية وأسافر ؟!
يعطيكم العافية ..
رد: رسوم التأشيره الأمريكية .. علينا ولا عليهم ؟!
بس نفسي اعرف رسوم الفيزا [ 1500 تقريبا ] ندفعها احنا ولا الوزارة ؟!
لا رسوم الفيزا الطلابيه 533 ريال ورسوم السيفس 200 دولار بالنسبه للــــ 200 دولار رح يعوضونك لما تروح امريكا يعني بتنزل بحسابك بدون وصل بس انت خذ الوصل أحتياط أما رسوم الفيزا الـــ 533 ريال لازم تنسخ الوصل باللابتوب حقك واذا رحت اهناك افتح ملف واطلب طلب تعويض رسوم الفيزا وارفق صوره من الوصل
يعني أنا عندي I20 و عندي الضمان المالي ووافقو على المعهد حقي .. تنصحوني أنتظر للملتقى [ الجمعة الجاي ] ولا أحجز موعد بالسفارة من الحين ؟!
لا من الظروري حضور الملتقى لانه لما تعبي نموذج الدوز 160 ونموذج فتح ملف بالسفاره الأمريكيه يطلبون منك رقم البطاقه الي هي العضوية
سؤال أخير .. لو استخرجت الفيزا وخلصت الملتقى أقدر أسوي الاجراءات النهائية وأسافر ؟!
أيه تروح للوزارة الي بالرياض حي الغدير قسم شؤون البعثات وتخلص أمورك
الامور الي لازم تخلصها
اولا نموذج اصدار قرار الابتعاث تلاقيه بموقع الوزارة اطبعه وشوف وش الاوراق الي لازم تاخذ معك لهم لاصدار قرار الابتعاث
ثانيا امر الاركاب نفس الي بالخيار الاول
ثالثا استلام التذاكر تستلم التذاكر وتروح البيت وتجهز نفسك
والله يوفقك انشالله بس لا تنسانا من دعائك