طلاب ((أمريكا وكندا وإيرلندا))....لابد من توفير قبول المعهد..!!!!!

متردده بين هالدول مرشحه لايرلندآ ومتردده أغير او لا

طبعا لان هذي الدول لغتهم الام اللغه الانجليزية اما الباقي فاغلب الشي يكون مواقع المعاهد بلغة البلد بمعنى

في كوريا الجنوبية اللغة للموقع المعهد بالكوري وفي ايطاليا بالايطالي وفي فرنسا بالفرنسي وهكذاا

المهم انشاءالله بتتيسر

مالت عليهم

ياريتهم يردون نعرف متكدس ولا لا

الايميل يتخلل عندهم بالايام والايام والواحد يخاف المعهد يروح عليه
انا صلي كم راسله لهم استفسر اخاف انهم يطيرو بالعجه ويطلعون ضمان لي

مدري ايش الواحد يسوي بس نتفائل خير ان شاء الله " كل تآخيره فيها خيره "

بس المفروض انهم مقدرين ان في ناس عمرهم ماراحو لهل الدول بالتالي تدوير ولايه تناسب شي صعب جدا جدا جداً

والله انا حااااااااااااايسه مثلكم

من جد الوضع وشلون كيذااا ,, انا ارسسلت لهم اسم المعهد وباقي ماردوا علي , وانا اخترته ع النيه ,, وحايسسه حوسسس موب عارفه وش بيكون وضع المعهد ,, المفروض هم اللي يختااارون لنا ,,

ياجماعة صلو على النبي..
انا اقلكم خطوات تسووها عشان تحتارو المعهد المناسب ولا تفكر في كلام الناس لانه اغلب المعاهد تدرس لغة وكويسة بس المشكلة في الطلاب اللي يبغو الملعومة تجي لحدهم ومايبغو يتعبو نفسهم..لازم تذاكر وتمارس عشان تتعلم من جد..
واهم شي حطو في بالكم جامعة معينة تطمحو انكم تدرسو فيها..وبعدين اختارو المعهد حقها وشوفو اذا معتمد ولا لا من الوزارة ..هدا الحلو في انك تختار قبول بنفسك عشان لا تضطر تغير ولايات كتير وتتعب..ومنها كمان فيه بعض الجامعات لو درت بمعاهدها تسهلك القبول بالجامعة..
-شي تاني اللي مو عارف كيف يجيب قبول من بعد كل الاسئلة والمواضيع اللي انحطت هنا في المنتدى ..يوم الملتقى ان شاء الله رح يشرحولكم بالتفصيييل كيف تجيب قبول بنفسك..يعني اللي مو عارف يستنى شوية ويسمع الطريقة يوم الملتقى..
ترى مااافي اسهل من جلب قبول من معهد بس تدخل على موقع المعهد وتشوف ايش كاتبين لانه من معهد لمعهد اختلافات بسيطة : ايش هيا الاختلافات المتوقعة:
- رسوم التسجيل تختلف من معهد لمعهد وتتراوح بين 80 دولار الى 400 دولار
-طريقة الارسال تختلف برضو فيه معاهد ماترضى الا ترسلها اوراقك بريد والضمان المالي اصل بالبريد..وبعض المعاهد عادي ترسلهم سكان الاوراق عن طريق الايميل..عاد كل شي مكتوب بالموقع حق المعهد
-طريقة دفع الرسوم اللي ذكرتها برضه تختلف من معهد لمعهد فيه معاهد تقبل بطاقات ائتمانية او شيك او حوالة وفيه بعضها ماتقبل الا شيكات وترسلها عن طريق البريد مع اوراقك وبعضها ماتقبل الا حوالة ..يعني زي كدة

تحتاجو فقط واحد يكون عنده شوية لغة مو معقول ماعندكم ولا واحد في العيلة ماعنده لغة ..واذا مالقيتو عادي هنا نحن نساعد بعض اذا مانتو قادرين تترجمو قولونا نحن ترجملكم وانتو باقي الخطوات..الامور سهالة باذن الله
واللي برضو مو عارف يجيب قبول لنفسه ترى نحن لو رحنا هناك ورانا اشياء اصعب من كدة وورانا قبول جامعات ايش حتسوو وقتها؟
انا اعتبرها خطوة مرة ممتازة من الوزارة عشان نعتمد على نفسنا ..
بالتوفيق للجميع يارب

حبيت اكتبلكم بعض المصطلحات اللي ممكن تكون مكتوبة في المعهد وعلى ايش تدل:
application = فورمة التسجيل
apply online = سجل عن طريق الانترنت
intensive english program = برنامج اللغة الانجليزية مكثف وطبعا هدا اللي كلنا حنسجل فيه
program calender = التقويم حق المعهد يعني الاترام حقتهم متى تبدأ وانت طبعا اختار الترم اللي يريحك
application fee = رسوم التسجيل اللي انت لازم تدفعا عشان ينظرو لطلبك مع الابلكيشن حقك وبياناتك
payment method =طريقة الدفع
credit cards =بطاقات ائتمانية
check =شيك
transfer wire =حوالة بنكية

وسلامتكم