أحسنوا الاختيار ,, تحسن المعيشة ( تجربتي مع الولايات )

الله يجزاك خير ويكثر من امثالك ماقصرتي كفيتي ووفيتي "
والله يرحم والديك ..
بالنسبه لي كانت رغبتي ايرلندا وطلعت البعثه في امريكا "
اللهم لك الحمد على كل حال رضيت فيها لعلها خير ,,
حبيت اسالك عن الافضل "
انا سالت كالعاده بالنت وعن طريق ناس مبتعثين اعرفهم من العايله يعني
"
ورشحولي اوهايو وتكساس
؟
والحين انتي اضفتي اوريغون وبورتلاند ..

وراح تكون خياراتي من ضمن هالاربعه باذن الله ..
بس حبيت اسالك عن امكانية اختياري للولايه ؟
يعني بحكم اني راح اكتفي بقبول المعهد لي ماراح اجيب قبول لنفسي يعني ؟
فيه امكانيه ؟
ومتى اقدر اختار الولايه ؟


شاكره ومقدره اجابتك مقدما
ومتابعه دائمه من اليوم ..

معليش برد عنك اوكاسيا .. وانتظر ردك بعد

المهم اختي بالنسبة لتحديد الولاية راح تحدديها عن طريق تحديدك للمعهد اللي حتدرسي فيه ان شاء الله .. وطبعا خلال هذي الفترة تختاري الولاية والمدينة وتختاري معهد كويس وترسلي ايميل للوزارة عن امكانية القبول في هذا المعهد ولا لا .. اذا كان اوكي تاخذي اسم المعهد وتقدمي فيه اما عن طريقك انتي وعن طريق موقع المعهد اذا كنتي شاطرة في الانجليش .. او تروحي مكتب تجسير او غيره من المكاتب المعتمدة وتعطيهم اسم المعهد وبيجيكي القبول في اسبوعين ان شاء الله وبعدها تبدأي في اجرائات الفيزا

بالنسبة للولايات طبعا بورتلاند مدينة في ولاية اوريقون .. ميزة اوريقون طبيعة خيالية .. جو ممطر اغلب السنة .. وناسهم طيبيييييييييين .. وهيا الولاية الوحيدة اللي مافيها ضرائب .. وللأمانة كنت ناوي عليها بس تخصصي مو موجود في الولاية بكبرها .. وفيها سعوديين كثييييييييييييييير .. طبعا احيانا تكون ميزة واحيانا يكون عيب .. على حسب الشخص

بالنسبة لاوهايو .. من افضل ولايات امريكا للدراسة على الاطلاق .. عيبها الثلوج من نووفمبر الى مارس تقريبا ثلوج .. ولاية رخيصة + طبيعة + اقل مكان في امريكا ممكن تواجهي فيه عنصرية + في جامعات قوية .. قلتلك عيبها الوحيد الثلوج وانا ان شاء الله اذا ربي سهلها بطلع على اوهايو

تكساس ما عندي خبرة كبيرة عنها .. بس ولاية جوها صحراوي تقريبا .. فيها مدن كبيرة مثل هيوستن ودالاس .. الجامعات ممتازة .. طبعا قلنا جوها صحراوي يعني مناسب لنا .. يعني الحرارة في الصيف توصل 35 والشتاء توصل تحت الصفر .. ومدينة دالاس فيها جامعة ممتازة وحاطها احتياط لمدينة كليفلاند بأوهايو لو لا سمح الله تعقدت الامور

هذا رابط لتصنيف الجامعات .. فادني كثير

Best College | Search | US News

اكتبي اسم الجامعة وبيطلعلك ترتيبها على امريكا وكم شغلة ثانية

ادري طولت واتمنى اكون افدتك

وبرضو انتظري رد اوكاسيا لانها عايشت الوضع وبيكون ردها افضل

^^^^^^^^

كلام سليم 100%
وان كنت شخصيا ما احبذ انك تروحي على تكساس ,, وكفاية مشكلة السعودي اللي فيها
اللي دبروا له مصيبة قد راسه وحتى المحاكمة حاول انه ياخذها بـ غير ولاية عشان فيها نسبة عنصرية
لا بأس بها ومع كذا رفضوا يعني من الاخر الرجال اكلها بالطول والعرض
جامعاتها قوية ,, بس برضوه فيه ولايات ثانية جامعاتها اقوى وكـ مدن تكون اسهل واضمن لـ المعيشة

بـ النسبة لي اي شخص يختار اوهايو محظوظ ,,
يرحم والديكم ما طقيتوا من الحر والصحاري ؟!
حلو ان الواحد يعيش تجربة تقلب حياته قلب ,, دولة غير ,, لغة غير ,, جو غير ,, عادات غير ,, جدة غير >>>> اشهد اني بديت اخثرق

اذا ما عشتوا هـ التجربة على الاخر اصرف لكم اجلسوا في السعودية ,,
اتعس شيء في الحياة
مبتعث يدرس ويدرس ويدرس واذا سألته عن ابسط عادات البلد يقول لك ( هااااااااااااه ,, ما ادري )
ادرس بعقل واتمشى وانبسط بعقل
مو تيتي تيتي مثل ما رحتي جيتي


وعلى فكرة
خيرة لك انك طلعتي امريكا مو ايرلندا
ايرلندا بلد 99% من الشعب سكران ومسطل ومشاكل اهليه وتعصب لـ ابعد حد
اصلا الكاثوليك فيها ما يطيقون البروتستانت تبغينهم يتحملونك انتي يا مسلمة




توكلي على الله ,, وربي يكتب لك كل خير



ولو يا اخوي الموضوع موضوعكم ولـ افادة الجميع
انا وانت والثاني والثالث نتساعد باللي نقدر عليه عشان ربي يساعدنا
ما تدري يمكن ما نتوفق في حياتنا الا بدعوة طيبة لنا في ظهر الغيب

كل الشكر لك عزيزي على اثرائك لـ الموضوع وعقبال ما تبلط معانا بـ امريكا وتكره الساعة اللي بتدخل فيها الجامعة ^_^

من اجمل المواضيع وننتظر المزيد .. والله يرحم والدك

الله يعطيك الف عافيه
ويغفر لوالدك ويرحمه يآرب
الله يسعدك ويوفقك لكل خير
ويعطيك اللي تتمنيه
قولي آمين

طيب مدينة يوجن في نفس ولايتك ايش رايك فيها
و الجامعة هل هي قوية بتخصصات البزنس؟
شكراً

الله يسعدك ..
شاكره ومقدره ردك ..
الله يكثر من امثالك ويوفقك بحياتك ويحقق لك امالك وطموحاتك ,,

ماقصرت ,,

الله يسعد روحك افدتيني كثييير ..
والحمد لله على كل حال "


اقنعتيني بحذف تكساس من قائمتي => القائمة السوداء
خخخخخخخ
يعني خياري الاول راح يكون اوهايو باذن الله "
والثانيه اوريقون .. والله الله بالاستقبال الزين لو جيت عندك


ماقصرتي يالغلا ..
هذي المواضيع اللي الواحد يستفيد منها "
الله يكتبها في ميزان حسناتك ..


وكلت امري لله ..

موضوع مميز يدل على تميز صاحبته .. واختيار موفق للعنوان ^_^.
الله يوفقك ويفرحنا فيك باعلى الشهادات وترجعين لنا بالسلامه رافعه راسك وراس اهلك ووطنك..
وتعيشين حياه فوق ماتتخيلين من روعتها ..
والله يغفر لوالدك ويرحمه برحمته ويجعل مثواه الفردوس الاعلى ومن يحب .. اللهم امين

.^_^. مـوفقين كــلكم يارب

شاكرة لكم جميعا مروركم العطر ,, ودعواتكم تعني لي الكثير
عذرا منكم اني ما اذكر كل واحد بـ الاسم بس كل شخص دخل هـ الموضوع ورد
له مني كل احترام وتقدير وشكر على رقة كلماته


يوجين انا ذكرتها في ردي على احد الاعضاء والله مو فاكرة مين
بس جميع مدن ولاية اوريغون راااااائعة ,,
هدؤ و طبيعة وشعب طيب وحياة سهلة ومريحة
يعني مازلت اقول اني ما ندمت ولا يوم لـ اختياري لهالولاية ,,
انا من فترة وانا ماشية بالشارع مع زوجي ويوقفنا واحد امريكي والله ما اعرفه ولا بحياتي شفته
يقول لنا ترى الاعلام كاذب عندنا وعندكم احنا نعرف ان المسلمين ما يكرهونا واحنا ما نكرههم وكل
اللي نبغاه هوه انا نعيش مع بعض بـ سلام بعيد عن الكذب الاعلامي
ومو بس هـ الحالة انا مرة طاح مني جواز السفر بـ كبره اول ما جيت ولحقني واحد بس عشان يرده لي
فعلا مكان مريح لـ ابعد حد وناس طيبة فوق ما تتخيلوا مشكلتنا بس ان بعض المبتعثين من المراحل السابقة
شوهوا سمعة السعوديين خاصة والمسلمين عامة
هذي الاشكال اللي اصرف لـ الدولة انها تبتعثهم على كوكب زحل بدل ما تخليهم يخالطون البشر

بخصوص الجامعات انا ما اقول لك جامعتها قوية ومش عارف ايش ,, لا عادية
يعني ماهي سيئة بس برضوه مش مميزة جدا وممكن انك تشوفي تصنيف الجامعة اللي بـ يوجين
عن طريق احد المواقع المنتشرة في النت


بس كذا
ابشري بـ زفة من المطار الين بيتك ايش باقي تبغي احسن من كذا استقبال ؟! بس هاه ترى العشاء عليك هع هع هع
( عاد خبرك مبتعثين ومفلسين وكل واحد يقط همه على الثاني بس انتي توك جاية من السعودية يعني عندك خير كركركركركر )


الله يجعل لك ولوالديك مثلها عند الله واحسن
كلامك عن جد منتهى الذوق
ودعاك ريح خاطري بـ شكل مو طبيعي



ممنونه لـ روعتكم جميعا