وصل سعادة الضمان ! *يرقص بالغرفة*

ESL& Masters
اتوقع معناه تدرس لغه و ماستر

بس بصراحه
صرت مشهور بالملتقى من بعد لخبطة الضمان
وعالبركة

مبرررروك والعقيه عند الجميع

بعد طول انتظار وعناء ووسوسة وهسترة وكل ما يخطر ببال المجنون من جنان .. وصل الضمان اليوم!

المُضحك في الأمر أني شيكت اليوم على المنتدى ووجدت رسالة خاصة من أحد الأعضاء يخبرني فيها بأنه ارسل الايميل وبالغلط كتب رقم الطلب الخاص فيني (يا لهوي!) واللي يضحك أقوى من كذا أن الوزارة ردوا عليه ويقولون أنه تم اصدار الضمان المالي بنجاح ............

ولكن ما أرسلوه له ! -بصيص الأمل يعود-

ولا وصلني شي على الأيميل .. قلت للرجل على الجوال .. أنت أكيد جبت العيد وارسلت برقم طلبي أنا وما أرسلولك الضمان على أيميلك اللي انت ارسلت منه؟! قاللي لا

المهم مالكم بالطويلة .. قفلت عندي الأخلاق وصار الضغط H ورحت انسدحت عالسرير ادور نوم وانا كذاب مغير أفكر وش الحل .. وفجأة! يطنطن الأيفون حقي أن عندي أيميل جديد! .. وهاتك يا جري ... كسرت معاي فنجال شاهي وكاستين بالغلط ... تفاجأت أن الايميل من الوزارة ويقولي (رداً على أيميل سابق أنا ارسلته قبل 6 أيام أطلب الضمان فيه) بأن الضمان المالي تم اصداره مسبقا! ... يا ربي وش أسوي .. بغيت أنفجر .. لكن صدق من قال الصبر مفتاح الفرج .. 30 دقيقة بالضبط ويجيني أيميل ثاني .. من قوة الإحباط ما بغيت أفتح الإيميل .. لكن سميت بالله وتوكلت على الله وفكيته..



طلع الضمان الماليّ!


فتحت الملف وقريت .. طلع مكتوب بعد أسمي الـDEGREE >> اللي هي طبعاً ماستر .. بس كتبوا شي ثاني معاها وقلت في نفسي (أفا لا يكون اعتمدوا المعهد اللي ارسله الرجال بالغلط!)

لذلك أحتاج من الأخوة والأخوات اللي جاهم الضمان يوضحون لي .. هل جاكم مكتوب DEGREE : ESL& Masters

لأني لي فترة أسمع عن معهد ELS أو ELC .. ماني فاكر بالضبط .. وخايف انه يكون المعهد حق خوينا اللي مرسل بالغلط

نوروني الله يرضالي عليكم... وشكراً على حسن المتابعة!

أخ طارق قول لنا وش البيانات اللي كتبتها بالايميل ؟
وهل أرسلت باللغتين عربي/ انقليزي؟

وأنا ارسلت مرة واحدة وماحبيت ازيد المرات عشان مايصير تكدس بعدد الرسائل اللي واصلتهم مني

اولا الف مبروك وعقبالنا يا رب ..

ثانيا كيف اخلي الزفت الايفون يطنطن
البريد ما يجي الا اذا دخلت عليه وسويت تحديث