كندا/ جامعة ومعهد يورك ضروري ادفع هاالمبلغ؟ افيدوني مشكورين

السلام عليكم ورحمة الله وبركاته
أنا أخترت معهد جامعة يورك YUELI
وأرسلت للوزآره أطلب الضمان من يوم الأربعاء وللحين ماوصل
وشفت طريقة التسجيل بالمعهد ومتطلباته
وتفاجأت إنهم يطلبون 500$ ودائع دراسيه + 180$ رسوم تسجيل
تقريباً 2485 ريال سعودي
المبلغ هذآ أبفهم ليه انا أدفعه؟
والضمان المالي وش دوره؟
لأني بعد أرسلت لتجسير وقالوا إذآ تبين هالمعهد تدفعين 1000$
يعني تقريباً 3650 ريال سعودي
وإذآ ماتبين تدفعين نشوف لك معهد ثاني مجاني
وأرسلوا معاهد تجاريه ولاأبيها :(
اللي سجلوا بمعهد يورك أفيدوني بليز
دفعتوا 500$ + 180$
وكيف طريقة تسجيلكم؟
ووصل لكم القبول أو لا؟
وكل من عنده خلفيه على هاالموضوع افيدوني
علماً إن المعهد طالب الدفع عن طريق فيزآ أوماستر كارد وماعندي
,
نهاية الموضوع أبي هالمعهد ماأبي غيره
لكن شوفوا لي سالفة هالمبالغ :(

وطريقة التسجيل والقبول
وبالتوفيق

انا ماعندي علم بس معاهد الجامعات الكندية تطلب كذا

واصلا المعهد من كلام واحد بالمرحلة السادسة رايح من اسبوعين مكدس ومايفتح الا بعد 4 شهور يعني لاتدفعين الا لمن تسالين المكتب تجسير عن هالكلام

عشان ماتتوهقين ولازم يعطيك العلم الصحيح هههه

طيب المبلغ دا ماتعوضه الوزارة بعدين؟ o:<

تجسير قالوا لي تدفعين 1000$ نجيب لك قبول
3685 ريال ماعندي هاالمبلغ :(
عشان كذآ أبي أعرف اللي سجلوا فيه دفعوا كذآ؟؟؟
أنا أرسلت ايميل للمعهد من يومين وماردوا علي

كل هالمعلومات وماعندي علم
;)
هذي رسوم الابليكيشن وكل معهد يطلب رسوم تسجيل غير والجامعات الكندية معاهدها انا طلبت اوتاوا ونفس السعر 500 دولار
ماله دخل بالضمان
والتعويض اللي لسه ماعندي علم عنه اهم شي فهمتي الفكرة

الأحلام ياعسل فديتك انتي ومعلوماتك :)
رسوم التسجيل عارفتها هي 180$ يعني 656 ريال
هذي بدفعها ماعندي مشكله ;)
إللي أبي أعرف سالفتها الودآئع الدرسيه 500$ 1824 ريال >> وش سنعها ليه؟؟
وبروآية تجسير 3685 ريال يقولون فصلين دراسيين
هذي الودآئع الدرآسيه أدفعها ليه؟
وش هي من لحيه :)

شوفي انا اشوف ان المبلغ زايد 200-250 دولار

اكيد اتعابهم يعني في زيادة شوي غاليه

لوتجمعين الرسوم مع الفيديكس ماتجي 1000 دولار

دامك معهد جامعه بتدفعين 500 دولار

غيرك 350 دولار

التجاري اغلبه ارخص

اختي الامل

انا سجلت بمعهد جامعة فكتوريا و دفعت 1200$

بصراحة كنا متأخرين ... و خفت البعثة تروح على اختي

حنا من المرحلة السادسة ..... و مخلين عندنا ايصالات التحويل من البنك ...و ان شاء الله بنطلب تعويض من الملحقية لما نروح

بصراحة ما اخذنا ضمان من الوزارة

لكن انتي انتظري الضمان ...و سجلي بالضمان بس ...اذا ما نفع اختاري معهد تجاري عشان تخلصين امور الفيزا و قرار الابتعاث بدون ما تدفعين شئ ... و لما تروحي تقدرين تغيرين المعهد ..و اسالي الله التوفيق .....

دعواتكم

الله المستعان
مالهم داعي هم وهاالمبلغ
وتجسير بعد كوم ثاني هم وسعرهم