تو وصلت الرياض وجاني اتصال..
السلام عليكم ورحمه الله وبركاته
انا حيــــــــــــــــل محتااره .. المهم ابي رايكم الله بوفقكم كل واحد يدخل يقول اللي بيسوسه اذا هو مكاني
المهم اليوم المغرب مشيت لرياض وصلت حوالي الساعه 11 والساعه 11 ونص جاني اتصال وحده من بنات تقول ادخلي الايميل في موعد مقاابله وامتحان يوم الاحد الصبح على معيده بالجامعه
وشلون والملتقى وتوني واصله الرياض انا بالبرنامج الاول واخاف اسحب على الملتقي مانجح بالامتحان يصير خسرت الاثنين ..!
والحمدلله معدلي عالي والثانيه ع الدفعه بس احس اني ماراح انجح وربي يوفقكم ابي رايكم وش اسوي ..؟
وشكرا
رد: تو وصلت الرياض وجاني اتصال..
الساعة كم يبدأ البرنامج الأول لوسمحتي لأني فيها ولا أدري مت بالضبط
ورأي خليك على البعثة أحسن
رد: تو وصلت الرياض وجاني اتصال..
بالنسبه لي كملي للبعثه وشوفي رد غيري وربي يوفقك ويكتب لك الخير
رد: تو وصلت الرياض وجاني اتصال..
اقتباس:
المشاركة الأصلية كتبت بواسطة منو الطموحه
الساعة كم يبدأ البرنامج الأول لوسمحتي لأني فيها ولا أدري مت بالضبط
ورأي خليك على البعثة أحسن
مرحبا نا الساعه 3 الى 3 ونص العصر ماادري اذا في ناس الصباح والا حقين العصر هم اول من يبدا
رد: تو وصلت الرياض وجاني اتصال..
تقدري تأجلي الملتقى
ارسلي لهم يغيرون موعدك لضروف خاصه
وادخلي الاختبار دام معدلك حلو وفي الدفعه الثانيه لاتستهيني بقدراتك
مافي شئ صعب بعد ماتتوكلي على ربك
بس انتبهي لو دخولك للاختبار هذا يلغي ابتعاثك هنا
اسألي جهات مختصه و احد عنده علم
بس اذا مشكلتك الوحيده الملتقى يقدرو يغيرو موعدك اذا راسلتيهم
رد: تو وصلت الرياض وجاني اتصال..
لاتنسي كمان لو نجحتي
وقبلوك وابتعثتي بعدها عن طريق الجامعه
افضل شئ انك تضمني الوظيفه لو كملتي دراستك
ترجعي السعوديه وانتي مطمنه
والرأي الاول والاخير لك
لاتنسي الاستخاره والدعاء والاستغفار محد عالم
ايش الزمن مخبي لك
رد: تو وصلت الرياض وجاني اتصال..
انا اشوف اجلي موعد الملتقى
واحضري اختبار المعيدة ممكن ربي يوفقك فيها
واذا صرتي معيده اكيد رح تكملين دراستتك
الله يوفقك يارب
رد: تو وصلت الرياض وجاني اتصال..
اقتباس:
المشاركة الأصلية كتبت بواسطة صمتي
بس احس اني ماراح انجح
هنآ المشكلة < قصدي لمآ نكون سلبيين تجآه انفسنآ !
بس شوفي؛ بغض النظر عن كونك حَ تجتآزين الاختبآر + المقآبلة أو لآ،
فَ المهم انو تحددي وش اهتمآمك ..
إذآ انتي حآطه ببآلك انو بعد مآ تخلصي درآسة ـ ب إذن الله ـ
انو ترجعي وتقدمي عَ الجآمعآت < فَ الفرصة قدآمك من هآلحين
وبرضو حَ تكون لك فرصة في الحصول عَ المآستر ..
لكن إذآ كآن تخطيطك بعد اجتيآز مرحلة المآستر
انو توسعي مجآل الفرص الوظيفية اللي ممكن تحصلي عليهآ
فَ كملي مشوآر بعثتك و ربي يكتب لك كل الخير ..
دعآئي لك؛
رد: تو وصلت الرياض وجاني اتصال..
استخيري ولا تتوتري تاعزمي ع امرك وتوكلي ع الله
لان لو رحتي الاختبار ومانجحتي لاسمح الله ماخسرتي شيء << اجلي الملتقى
لكن لو نجحتي مابيضرك الا بحالة ودك تروحين للبعثة راح ياغى ترشيحك بعد تحديث البيانات
الله يوفقك ويسدد خطاك
رد: تو وصلت الرياض وجاني اتصال..
^^^^^^^^
نفس الراااي ،، اجلي الملتقى
ولا احضري اول يومين لاني سمعت ممكن عادي اخر يوم تسحبين تااكدي
الله يوفقك ويكتب لك الي فيه الخيير