الأعضاء الإشتراك و التسجيل

الملتقيات
ADs

محتار بين الطب في أوروبا والعلوم الصحية في أمريكا ضروري مرة ........!!!!!!!!!!

محتار بين الطب في أوروبا والعلوم الصحية في أمريكا ضروري مرة ........!!!!!!!!!!


NOTICE

تنبيه: هذا الموضوع قديم. تم طرحه قبل 2210 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فتى عنزة
    فتى عنزة

    مبتعث جديد New Member

    فتى عنزة بولندا

    فتى عنزة , ذكر. مبتعث جديد New Member. من السعودية , مبتعث فى بولندا , تخصصى علمي , بجامعة ماتحددت
    • ماتحددت
    • علمي
    • ذكر
    • الرياض, الرياض
    • السعودية
    • Oct 2011
    المزيدl

    November 27th, 2011, 02:57 AM

    السلام عليكم اقول ياشباب أنا مقدم على الإبتعاث وقبلوني في بلوندا طب -بكالوريوس وودي اروح لأمريكا عشان أختي بتدرس في أمريكا وحاب اسأل عن العلوم الصحية ..كم سنة دراستها؟؟؟وماهي أقسامها ؟؟ وأذا خلصت احصل على البكالوريوس مباشرة؟؟؟ وأقدر أحول لطب بعد إنتهاء الدراسة؟؟ وكم بيصير سنة دراسية؟؟ ويعطيكم العافية معليش كثرت عليكم الأسئلة..مهم جدا أنتظر إجاباتكم
  2. اخوي خذها مني نصيحه خلك ع الطب...

    كل من هب ودب صار يدخل علوم طبيه والدنيا امتلت منه

    مافيه مثل الطب..تضمن مستقبلك بأذن الله..

    الان الجامعات وكليات خاصه كلها علوم طبيه

    واذا ع اختك خلي احد يروح معها غيرك ويرجع عادي ترى الوضع هناك اكثر امان من هنا...انا رحت وشفت...


    انتبه تدخل علوم طبيه فرررررررررررررررررررررررررررق بينها وبين الطب!!

    حتى لو متخرج من امريكا اسمها علوم طبيه
    وترى بولندا تجنن والطبيعه فيها خيااااااااااال واوروبا كلها قريبه منك..

    هذا رايي وانت حر فيه والله يوفقك
    7 "
  3. اسمعني وانا اخوك ,, المسألة تعتمد على طموحك بالأول والأخير ,, يعني هل انت تطمح تصير دكتور ؟ ولا ما عندك مشكلة تصير اخصائي اشعة وتغذية وغيرها ؟

    لأنه لما تروح أمريكا راح تدرس أول شيء علوم طبية ,,, وتاخذ البكالوريوس فيها وبنتيجة عالية ( 3.5 من 4 ) وانت طالع ,, طبعاً اذا تبي تاخذ الطب في أمريكا ,, اذا جبت اقل منها حظوظك بالقبول في كلية طبية أمريكية شبه معدومة ,, وكمان وانا اخوك ,, لازم تسوي لك كم عمل تطوعي خلال سنوات دراستك لأنه الكليات الطبية تبي تشوف منك اخلاص للطب ,, وعزك الله بعدها تختبر اختبار MCAT وتراه ما هوب سهل ,, وتجيب فيه درجة ترفع الراس ,, وتكتب Essay للجامعة تبين اسباب طموحك للطب ,, وتجتاز مقابلة معهم ,, يعني كل هالمتطلبات لازم تكون فيك علشان يكون اسمك ( مرشح ) للكلية الطبية ,, زد عليها اغلب الكليات الطبية تقبل الأمريكان بس ,, واللي يقبل الأجانب يعطي الأولية للأمريكان ,, يعني عام 2001 من بين تقريباً اظن 15 ألف شخص دخل الكليات الطبية في أمريكا كان بينهم 230 أجنبي بس ,, وزي ما انتي عارف بأنه امريكا مقصد الكل ,, فتلقى كل شعب العالم مقدم على كلياتهم الطبية ,,

    وآخر هم بعد كل ذولي هي الملحقية ,, لأنه بعد ما تخلص وتاخذ بكالوريوس علوم طبية ,, يمكن ترفض الملحية بعثتك على الطب بحجة انك بتدرس بكالوريوس مرة ثانية وتعرض عليك ترقية البعثة الى ماجستير علوم طبية ,, والله اعلم

    فإذا شفت حالك تقدر على كل هالأمور ,, توكل على الله وامريكا مناسبة لك ,, أما اذا تبي الطب وتطمح للطب ,, وحلمك هو الطب مو بلد الدراسة ,, فأوروبا ازين لك ,, وبما انك مقبول طب بولندا ( مثلي هع هع ) فخليك عليها طالما تبي الطب ,, وخصوصاً بأنه قبول الطب في بولندا سهل وبرامجهم التدريسية معترف فيها حتى بأمريكا ,, وعن الشهادة فلا تفكر وانا اخوك اعطيك اياها من الحين ,, لو انك جايب شهادة بكالوريوس طب من هارفرد ولا جايبها من جامعة الملك فيصل ,, في الطب أهميتها محدودة بقوة ,, وشبه معدومة ,, المهم في الطب هي الـ Residency ,, أو سنوات الإقامة ( سنوات التخصص - الزمالة ) وهذي عزك لو تخرجت وصار عندك بكالوريوس طب اقدر انصحك ذاك الوقت واقول لك رح امريكا وجب الزمالة من هناك لأنها هذي اللي تهم مو شهادة البكالوريوس ,, والدراسة في بولندا تخليك مؤهل لإختبار USMLE ستيب 1 وستيب 2 أظن ( مش متأكد من ستيب 2 ) وهذا الإختبار اللي بياخذه كل واحد يبي يدرس زمالة بأمريكا ,, اما اذا كنت تفكر بالزمالة بالسعودية برضو ما راح يهتموا لشهادتك كثير بقد ما يهتموا بالإختبار اللي راح تقدمه لك الهيئة السعودية للتخصصات الصحية وعلى نتائج هالإختبار تقدر تدخل بروغرام الزمالة السعودية إن شاء الله ( تعال انا وانت نخش زمالة جراحة اعصاب هع هع )

    والله يوفقك في اختيارك وزي ما قلت لك ,, طموحك هو اللي بيحدد ,, تبي تصير طبيب بولندا أكثر من مناسبة ,, تحس انك تقدر تتغلب على كل صعوبات الدراسة بأمريكا ,, اجل رح أمريكا ,, او انك مستعد تصير اخصائي اشعة وغيرها ,, فتقدر ترضى بـ بكالوريوس العلوم الطبية الأمريكية ,, وبالتوفيق
    7 "
  4. ^
    ^

    يا رجل !! ,,, والله اكره اني أكون بموقفك ,,, بس كمان لازم تفكر بأنه هذي حياتك والقرار اللي بتسويه راح تبني عليه مستقبلك كله من هنا وانت طالع ,, شوف حاول من هنا ومن هناك ربك يفرجها عليك وتشوف محرم لأختك غيرك انت ,, اخوان ثانين أو الوالد ,, حاول والله طالما هذا حلمك وانا اخوك ,, وإن ما صار فلن يصيبنا إلا ما كتب الله لنا ,, والخيرة فيما اختاره لك ربك ,, والعلوم الطبية ( صحيح مش دكتور ) لكنها طيبة والمستقبل الوظيفي لها طيب هنا بالسعودية وعليها طلب كمان ,, وما ابي احطمك لكن اللي اعرفه ,, بأنه صعب بأنك تحول من الطب الى علوم طبية ,,, اظن الوزارة ما تقبل بسهولة التحول من تخصص عالي الى تخصص انزل ,, شف وانا اخوك ,, حاول دبر ,, انشب للوزارة خلهم ينقلون اختك معاك ,, اشرح لهم ظروفك ,, واذا تقدر جب قبول مشروط لأختك في بولندا ,, وربي يفرجها عليك ,, وييسر من امورك ,,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.