مساعده بخصوص كتابه خطاب تأجيل البعثة لظروف المحرم الدراسية
السلام عليكم ورحمه الله وبركاته
صباح الخير لااحلى اعضاء كيفكم عساكم تمام
ابي مساعده منكم في كتابه صيغه خطاب ابرسله للوزارة بخصوص تأجيل البعثه لظروف زوجي باقي له الا 25 رمضان القادم ويخلص من دراسته الجامعيه ذهبت لمهم وقالو اكتبي خطاب وارسليه على ايميل المشرفه وعطتني اميله الخاص
بس ياريت تفيدوني بالصيغه وهل انشاء الله يبي يأجلون لي الا رمضان وكم اقصى مده راح يعطوني لو جبنا لهم خطاب من كليه زوجي تفيد انه برمضان ينتهي من الكليه
شاكره ومقدره لكم تعاونكم
رد: مساعده بخصوص كتابه خطاب تأجيل البعثة لظروف المحرم الدراسية
مافيه احد يقدر يساعدني الله يرحم والديكم
رد: مساعده بخصوص كتابه خطاب تأجيل البعثة لظروف المحرم الدراسية
أختي،
أقدر أساعدك في تركيب الخطاب، أما الباقي فوالله ماعندي فكرة يقبلوا وللا لا، بس كفكرة مقترحة ليه ماتكملي أمورك على إنك تسافري بعد إنهاء دراسته (ترى ما أدري يصير وللا لا بس هي فكرة)
عموماً الخطاب الرسمي دايما بيكون.............. عرض وطلب....... بمعنى: إشارة إلى الموضوع الفلاني،،، أبغى الشغلة الفلانية
أما الخطاب الرسمي/الشخصي فيكون برضه عرض، وطلب، واستعطاف............ كأنك تقولين له: صح المعاملة رسمية بس لا تنسى إني غالية عليك
سعادة مدير الإدارة الفلانية (المنصب قبل الاسم دائماً لأن الوظيفة أكبر وأهم من الشخص،)
فلان الفلاني........... وفقه الله
السلام عليكم.......
فإشارة إلى ترشيحكم وزارة التعليم العالي لي (فلانة بنت فلان) رقم الهوية الوطنية (123456) رقم الطلب (0000) رقم الترشح (0000) للانضمام لبرنامج خادم............ في مرحلته السابعة. ((هذا العرض))
أفيد سعادتكم بأن مرافقي (فلان بن فلان) صلة القرابة () مازال يكمل دراسته الجامعية والتي ستنتهي - بمشيئة الله تعالى - في شهر رمضان القادم 1433هـ.
وحيث أني ومرافقي حريصين أشد الحرص على الاستفادة من هذه الفرصة العظيمة في إكمال تعليمنا والنهوض بأنفسينا ووطنا، وإعالة عائلتنا.
عليه أتقدم إلى سعادتكم بإلتماس بالموافقة على تأجيل بعثتي حتى إنهاء مرافقي دراسته كما أوضحت سلفاً، على أن أسارع فور إنهائه لها بإكمال إجراءات إبتعاثي.
وأؤكد لسعادتكم بأني عاقدة العزم والعزيمة على التمسك بالابتعاث ومواصلة تعليمي.
شاكرة لكم مسبقاً تعاونكم الكريم وتعاطفكم العطوف.
ابنتكم
فلانة
التوقيع
التاريخ
والله يوفقكم بما فيه خير لكم وللمسلمين (هذه دعوة من عندي)
رد: مساعده بخصوص كتابه خطاب تأجيل البعثة لظروف المحرم الدراسية
تم مراسلتهم على الايملي وردو علي وقالو عبي النماذج وارسلي لنا خطاب من جهت الكليله حقت زوجك متى سينتهي وراح نرد لك باذن الله
والله خايفه جدا النظام عادي الوحده تاأجل سنه لو وافقو عليه مثلا
رد: مساعده بخصوص كتابه خطاب تأجيل البعثة لظروف المحرم الدراسية
ربي يوفقك
ورآح يوآفقوآ بـ إذن الله لأنوهـ سببك موقنع وهمـ أهم شي المحرمـ
رد: مساعده بخصوص كتابه خطاب تأجيل البعثة لظروف المحرم الدراسية
مشاءالله في رمضان
انا اقررررب شيء يفضالي المحرم الموقر شهر 2 السنة الجايه^^
الله يعييييين
رد: مساعده بخصوص كتابه خطاب تأجيل البعثة لظروف المحرم الدراسية
طيب راح يوافقون لك شهر 2 مب بعيد مره
رد: مساعده بخصوص كتابه خطاب تأجيل البعثة لظروف المحرم الدراسية
السلام عليكم
اخواني انا ابي أجل بعثتي نظراً لظروفي .. لأن حالياً ماعندي اي محرم يقدر يروح معاي هناك ..
وودي انتظر خطوبتي تتم على االاقل .. بس مدري كيف اسوي بالملتقى لما اعرض عليهم اني ابي أأجل الابتعاث .. وش الحل
رد: مساعده بخصوص كتابه خطاب تأجيل البعثة لظروف المحرم الدراسية
لو سمحت اكتب خطاب لصديقتي انها عندها ظروف خاصة
بتااجل بعثتها سنه كاملة
وهي راح تحضر قبول غير مشروط للماستر بدون لغه بعد سنه
ساعدها ممكن الله يوفقك
رد: مساعده بخصوص كتابه خطاب تأجيل البعثة لظروف المحرم الدراسية
البنت مشكلتها المحرم مافيه مافيه وهي عندها لغه وبعد سنه اخوها الصغير بيتخرج من الثانوي وتااخذه وتروح فيه هذي هي السالفه