انا عسكري والبعثة لزوجتي تكمل الماجستير
السلام عليكم ورحمة الله وبركاته وبعد
حبيت استفسر منكم يا اخوان ويا اخوات بخصوص البعثه اللي لزوجتي وانا مرافق لها واعمل عسكري هل استطسع الدراسه بمعهد بالسنه الاولى وهل هو على حسابي الخاص ام على البعثه؟
ثانيا هل استطيع اكمال البكالوريوس هناك على حساب البعثة ام لا ؟
ثالثا هل يكتب لي بالتاشيره اني مرافق ام طالب لاني اخاف ما اقدر ادرس هناك ؟
رابعا البعثة بولاية كولورادو وش افضل معهد هناك وكيف احصل على قبول منه ومن الجامعة ايضا وكيف ظروف المعيشه هناك علما بان اولادي سوف يذهبون معي وهل هي غاليه بالنسبة للحضانه ؟
خامسا الملتقى بكره بالرياض وين مكانه وماهي التذاكر ومن اين احصل عليها والساعه كم اكون هناك ؟
الله لا يهينكم العموم مرابط على الجهاز ولا يفكه الين ما تجاوبون على اسئلتي
ودمتم بود والله يكتب اللي فيه خير لي ولكم ان شاء الله
رد: انا عسكري والبعثة لزوجتي تكمل الماجستير
عزيزي عبدالله
بالنسبه لدراسة اللغه تقدر تدرس مافيه اي مشاكل مدامك مرافق لكن سوف يكون دراستك بار تايم يعني مو دوام كامل وهذا طبعا علي حساب البعثه .
بالنسبه لتاشيره راح تكون F2 لانك مرافق والزجه هي اللي تكون F1 وبامكان تكمل دراسة هناك برضو بعد سنة اللغه
افضل المعاهد هي اللي تكون تبع الجامعه. وهذي بعض المعاهد الممتازه
The English Language Center | University of Denver
Colorado State University-Pueblo > English Language Institute
بالنسبه للمعيشه جيد هناك والاسعار افضل من الولايات الثانيه يعني الماكافأه راح تكفيك وزياده انت وعيالك
ارجوا انها تكون معلومات مفيده واذا محتاج مساعده اناحاضر
رد: انا عسكري والبعثة لزوجتي تكمل الماجستير
السلام عليكم
اذا تبي تداوم زي دوام زوجتك ف المعهد جيب شهادة بنكيه تدل ان في حسابك 70 الف او اكثر.. هذي حركه تقدر تسويها اذا عندك معارف في اي بنك او اذا حد بيحول لك فلوس لين تطلع الشهاده ويرجع يسحبها ماتاخذ اربع وعشرين ساعه
ويكذا تاخذ فيزا اف 1 زي زوجتك احسن لك بعدين
بالنسبه للحضانه اعتقد 600 دولار ع الطفل الواحد كحد اعلى
والملتقى ادخل ع موقع الوزاره وادخل رقم الطلب تبع زوجتك وشوف في موعدكم!!
اتمنى اكون افدتك
رد: انا عسكري والبعثة لزوجتي تكمل الماجستير
الله يفتحها بوجهك يا اختي ومشكوره على المعلومات العائليه واذا فيه شي يخص العائله راح ازعجك ازعاج
اشكرك وشاكر لك مرورك
رد: انا عسكري والبعثة لزوجتي تكمل الماجستير
اخوي الخبير الله لا يهينك على المعلومات لكن لو تتفضل وتعلمني الطريقة من البدايه اكون شاكر ومقدر وابشر بواحد يدعي لك من كولورادو ان شاء حتى بالانجليزي ادعي لك
رد: انا عسكري والبعثة لزوجتي تكمل الماجستير
هناك قسم خآص للمبتعثين والمرافقين العسكر خاص بالأجراءات والأنظمـه وكل ما يتعلـق بهـم،،،قد تستفسيد منه
وفقك الله ويسر أمرك
في أمان الله
رد: انا عسكري والبعثة لزوجتي تكمل الماجستير
الله يعطيك العافية اخوي برستيج وين احصل الموقع الخاص بالعسكر الله لا يهينك ارجوا التوضيح وشكرا
رد: انا عسكري والبعثة لزوجتي تكمل الماجستير
مرحبااا
هذا الموضوع ان شاء الله راح يفيدك كتبه احد الاخوان اليوم :oالله يبارك فيه
http://www.mbt3th.us/vb/forum149/thread322142.html