السلام عليكم ورحمة الله وبركاته
ممكن أنا أكون داخلة عرض .. وممكن مكاني مو هنــا
لكن في نص الدوشة دي .. وفي نص هجولــة (الملتقيات - الضمان المالي - القبول - الفيزا)
نقرأ شي يعصّب .. ما يعطوا الضمانات الا في الملتقيات
شالوا وقفلوا ولايات
معاهد متكدسة
نااس تنسى نفسها تسبسب وتلعن (استغفر الله)
أنا من الناس المنكوبة اللي متضررة من حكاية قفلوا فلوريدا
غيري ناس ما عندهم ضمان لسه .. وغيري وغيري
بس حبيت أقــول
وقفوا نص الحمااس دا كلو .. وسبحوا ربكم
خدولكم كده دقيقة وانتو قدام اجهزتكم .. وقولوا
حسبــي الله ونعم الوكيل حسبي الله عليه توكلت وهو رب العرش العرش
يا حي يا قيوم برحمتك أستغيث .. أصلح لي شأني كله ولا تكلني إلى نفسي طرفة عين
خلوا في بالك إنه ترا مو الموظف اللي راح يطلعكم الابتعاث
مو الدكتور ماجد الحربي راح يحط عينه عليكم وينتبه عليكم ويشوف ورا دراستكم وحياتكم
ومو وزير التعليم العالي اللي يقدر يسّهلكم أمور ابتعاثكم وأموركم كلها
إذا ربي قدّر .. مافي شي راح يسير غير قدر ربنا
يا حي يا قيوم برحمتك أستغيث .. أصلح لي شأني كله ولا تكلني إلى نفسي طرفة عين
عسى ربي يزرقكم واحد ولــد حلال .. يمشيلكم أوراقكم
عسى ربي ينزل الشفقة على قلوب الناس الكبيرة ويسهّلولنا الطريق
وحاجة تانية .. أنا عشان خايفة لمن أطلع فلوريدا (لسه الأمل موجود.. وربي ما يخيبلي ظن إن شاء الله) أنسى أذكار الصباحوالمساء والأدكار بشكل عام
أرفقت ملف .. دا راح أطلعه إن شاء الله وراح أجلدوا حراري في مكتبة ..
يسير زي اللوحات الصغيرة .. راح اعلّقها في كل انحاء غرفتي وشقتي إن شاء الله
عسى ربي يسهّلي ويوفقني في دراستي ويهوّن عليا الغربة
http://www.m5zn.com/files-1129110011...vqcko4ma8-.pdf