اقدر اجيب قبول مشروط يوافقو ولا لا ؟؟؟؟؟؟؟

السلام عليكم
كيفكم ياحلووووين واتمنى للجميع التوفيق يارب

انا ودي اقدم على جامعه باوهايو بس منتظر المولود يجيني علشان اضيفه معنا طبعا انا مرافق لزوجتي الغاليه

وحاب اني اكمل وابي اعرف وش الجامعات الي تعادل دبلوم كليه تقنيه تخصص الكترونيات والي اعرفه ان هالتخصص يندرج تحت الهندسه الكهربائيه ووش المطلوب
حتى اقدر اعادل الشهاده من اوراق وكدا يعني علما اني متخرج عام 1425هـ ومعدلي 2,99 من 5 هل فيها مشكله لان تخرجي تقريبا من ست سنوات .
وزوجتي طبعا الي اهي المبتعثه الاساسيه ماستر احياء ولو جبت قبول مشروط بس في تكدس من الوزاره يوافقو ولا اشلوون .

وكمان ابي اعرف كيف اسعار سكن بحكم اني معي عائله وكمان الحضانه ضروريه جدا وهل هي قريبه من الجامعه ولا لا وكيف المواصلات هل في باصات اتوصلك للجامعه..

ياليت اتساعدوني لاني والله متوهق واحس اني ضايع وكمان ودي اتعرف على عائله حتى يكون في تواصل بينا ويعلمونا حتى مانضيع

وفق الله الجميع لكل ما يحبه ويرضاه واتمنى للجميع التوفيق في حياتهم الدراسيه ..