للي يبغون احد يجيب لهم الضمان المالي ..
السلام عليكم ..
انا رحت الوزارة وتوني راجع ..
رحت اجيب ضمان مالي لي ولخويي + 6 في المنتدى ..
وعطاني الموظف ورقة اعبيها ( حقت الضمان ) قلت ابغى 7 زيادة .. قلي ليش قلت ابغى اقدم لناس عندهم ظروف وما يقدرون يجيون ..
قلي عندك تفويض !!
قلت لا .. قلي ما اقدر اساعدك .. لازم هم يجون بنفسهم او يكون معك تفويض ..
وانا كانت معاي بطاقة احوال خويي .. قلي ما نقبلها .. لازم تفويض !!
ورحت الموضف الثاني .. ورفضني .. ورحت لثالث .. بعد محافرة وطلبة وافق .. بس قلي ورني بطاقة احوال خوييك !
وعطيته وقدمت لي ولخوي ..
وكان في واحد بجنبي يبغى ياخذ الضمان المالي لاخوة .. رفضوه .. قالو لازم هو يجي بنفسه !!
" اعذروني ولله حاولت اقدم للي طلبوني وما قدرت "
--------------------------
نصيحة يا شباب جدة والمدن الثانية روحو الرياض في اقرب وقت وخذوا الضمان لان فيه معاهد اليوم كثيرة تكدست :/
المعاهد اللي تكدست اليوم ..
American language center at ucla - university of california los angelse extinsion
English language program - Cailfornia state university L A
English language institute - university of california - san diego
هذي تكدست .. روحو الحقو على معاهد زينة ..
ولله يوفق الجميع ..
----------------------------------------------
رد: للي يبغون احد يجيب لهم الضمان المالي ..
طيب انا بنت لو اخلي ابووي يجيب لي الضمان ماراح يعطونه والا وش السالفه
لان بكره راح يروح الرياض
رد: للي يبغون احد يجيب لهم الضمان المالي ..
انا شفت شيبان يطلبون الضمان المالي ..
فاعتقد ان ابو البنت يقدر يروح .. << اعتقد
رد: للي يبغون احد يجيب لهم الضمان المالي ..
طيب اخووي انا سمعت انا الضمان يوفرونه لنا الوزاره
صحيح ولاا انا اروح اجيبه لان قبل يومين ارسلت اسم المعهد
ولسى ماوصلني الضمان..
انتظر الايميل ولاا اروح بنفسسي..
ياليت تفيديني..
رد: للي يبغون احد يجيب لهم الضمان المالي ..
هل لازم الوالد
مايصلح اخوي ????
وايش الاشياء المطلوبه
رد: للي يبغون احد يجيب لهم الضمان المالي ..
ايش الاشياء المطلوبة عشاان ارسلها مع اخويا؟؟
رد: للي يبغون احد يجيب لهم الضمان المالي ..
ولله ما ادري عن البنات ..
بس انا يوم رحت ما طلبوني في شئ ..
بس المعلومات هذي : (الاسم - رقم الهوية - رقم الطلب - الدولة ، الولاية ، المدينة - الجامعة - المعهد )
اخوكي ولا ابوكي ما ادري بس اعتقد عادي .. لاني شفت شباب يطلبوني ضمان للبنات .. بس ما ادري هو زوجها ولا اخوها :(
رد: للي يبغون احد يجيب لهم الضمان المالي ..
ولله الحمد اليوم اختي راحت علشان الضمان اعطوها ورقه عبتها بسكات وقالوا لها ما نقدر نقلك وقت محدد راح نرسل الضمان فيه انتظري وبس
رد: للي يبغون احد يجيب لهم الضمان المالي ..
انا اول ما وصلت البيت لقيت الضمان وصلني ..
رد: للي يبغون احد يجيب لهم الضمان المالي ..
يعطيك العافية بس سوال وين وصلك الضمان فيه عالايميل أو موقع الوزارة لأني رحت لهم الأربعاء الماضي والى الان انتظر
تقبل مروري