بالنسبة للمعاهد المتكدسة

السلام عليكم ورحمة الله وبركاته ،،،

عندي استفسار لو سمحتو عن المعاهد المتكدسة

دحين ولله الحمد كل ما أختار معهد أرجع ألاقيه متكدس ... طبعا دا الشي مفرحني من ناحية إنه إختياراتي كويسة هههههه

السؤال كالتالي /

هل بيرسلو لأحد إنه أوك وروح خد الضمان المالي لإنك انقبلت في واحد من دي المعاهد المتكدسة

ولا لما يشوفو إنه الطلبات كتيرة ع المعهد الفلاني ما بياخدو أحد ويسير الكل مضطر إنه يدور على معهد تاني

يعني ـــ هل هناك أمل إنهم يقولولي الله يحيكي أنقبلتي ؟ ولا يكونو خلاص قبلو فيه العدد المطلوب؟؟؟

وكمان سؤال تاني /

هل أنا حاجلس أستنى إلين ما يعطوني إشارة خضراء إنه دا المعهد فاضي تقدري تراسليه أو إيش المفروض أعمل بالزبط ؟؟

والله يكتب التوفيق واللي فيه الخير للجميع

شوفي في البداية هما قالو ارسلو ع الايميل و احنا نرسل لكم الضمان و بعدين اعتذروا و قالو في الملتقى فماادري انا عن نفسي قلت انتظر للملتقى و اخذ الضمان ع المعهد اللي يصمد للاخير
و لازم تكوني محددة اكتر من معهد عشان لو طلع واحد مقفل يقولو لك التاني متاح و هكذا الى ان ننتهي
ان شاء الله يكون كلامي واضح

يب واضح ما قصرتي
ميرسي يا حلوة
بس عارفة أخترت لهلا خمسة معاهد وكلها ما شاء الله متكدسة
فإن شاء الله البحث جاري

انا مو بس معاهد انا ولايات بكبرها تتقفل خخخخ
والله مدري ايش اخرتها ايش اللي يطلع لنا ماادري

هههههههههه الله يسهلها يا سوسو ، خليك متفاءلة وإن شاء الله خير

ان شاء الله يارب ربنا كريم