سؤال يقرقع بتسبدي ايش هو الضمان الماااااااالي افزعو فيه اقتباس خطير بالداخل

هههههههههههههههههههههههههههههههههه
وغربالي صدز تحفرين المصطلحات من القبور
يابعد عيني عينتس لا يهمتس الطبخه بتستوي على نار هااااديه ..توني مترشحه بعد الاعتراض وجالسه ادور على معهد زين وقلت بدال ما ارسل للوزاره طلب ضمان خل اخلي وخيي يروح ويطلبهم احسن
خبرتس الايميلات مايردون عليها وقلت نطلبها وجه لوجه خخخخ
هههههههههههههه يابعد شدوقي هالشدوق " الهوم ستي عايله يالهبله "يعني جالسه ادور على عايله اسكن معها خخخخخخ مو هوم ستي المحل الله يغربل بليستس
هههههههههههههه بلاتس من ترجمتي انا ساعه اكتب ( محاتيتس) واقول لاختي صح تكتب كذا وتضحك علي ههههههههههههههه
اي والله يعزي لحالهم يبون ينكبون حتى بقوقل مايلقون الترجمه
يولي وشسمتس تدربي على نطقه لاتفشلينا خخخخ
االمحيي يابعد حيي وميتي ...
اي خليه ازين تعاليل من زماااان ماقرقت وسولفت خخخخخخ المواضيع واجد وكل شي تبينه موجود خلينا منها وقوليلي صدز معزومه بكرة ؟
تراي احب التعاليل وسعه الصدر خوذيني معتس <<<< العن ام النشبه ههههههههه
الله يخليتس لمن يعز عليتس ويغليتس
وسعتي صدري

ياويلي تسحرت ونشبت الخسه بحلقي مادري طفاقه مادري وشو
ياغبصه قحي قحي وهي تطلع ههههه هذا اكيد احد فاطنلتس بسم الله عليتس

حرثت وقضيت و نبشت كل الاول والتالي ههههههه
انبشيه ولعني جدفو ههههههههههه
حسبي الله على بليسنا نبشنا قبور الاولين وطلعنا هالمصطلحات نتعلل عليها ههههههههههههه

تهقين طبختنا بتستوي ولا تحترق باتسر يقولون لنا اكلن اكلتيه يالرفلا كوليه
لا لا حنا سنعات والطبخه بتضبط ماعليتس ,وبياكلونها ويقولون ياعل ايدينتسن للجنه...
وترى الطيره مو زينه يكفينا شره..
وياعلووووووووووووووه مبروك الترررررررررررررشيخ ياعلوه سعيد ومبارك < ليه هو بيت
وه يابعد عيني هالعين ربي يعطيتس خير البعثه ويكفيتس شرهـ فرصه ماتنعوض تجودي به
الله يبارك فيتس وخليتس ويسعدتس يابعد معاليز قلبي
ولا تذلين علي مجوده به ماتشوفيني كل هالنهار قاضبه هالاب ومقابله هالمنتدى..

خلي اخوتس يدرعم عليهم مثل مادرعمنا بموضوعنا سالفه تجر سالفه شوفي وين وصلنا خخخخخخخ
احسن ماتسوين خلي اخوتس ينجز شغلتس حنا يالحريم ينقال بنا سنع ونبي نسنع نفوسنا لكن مالنا غناااااااه عن الجذعان = عيالنا
ايه والله مالنا غير الجذعان الله يخليهم ماعليتس بس ان شاء الله تتيسر الامور على خير

اوما طلعت الهوم ستي عايله ياااااااااااغبصى < جابت مصطلح جديده احفظيه ههههه <<< ياغبصى تحسبيني مافهمتها
مادري احسبوه مول مثل غرناطه والا صحارى خخخخخخ< تسذابه هع
الله يهداتس ويصلح قماصيعتس ماقلتي بدور لي سكن بدال هالتكليجات تسان فاهمته وهي طايره
ههههههههههههههه يبعد حيي والله العتب على اللي مسويه فيها عندي لغه هع هع هع
حقتس علي الا اخذتس لغرناطه ولا صحارى واعزمتس

الحين وشهي اللي اتدرب على نطقه نوريني ربي ينور دروبتسسسسسسسسس
خويتس متجوده بكتاب تعلم اللغه الانجليزيه بخمس ايام هههههههههههههههههههههه
يولي مو تقولين اسمتس بلشانه بنطقه ؟
عاد اقولتس تدربي عليه بالانقليزي عشان يقولون هالبنت تعرف ترطن اجنبي
بس وشهو هالكتاب اللي بخمس ايام يعلم ؟ اجل ليش البعثه يخلون مده دراسه الغه سنه !! تهقين يتسذبون علينا خخخخ

لا والله باقي مانعزمنا صدز سديراوي عرض علينا عزيمه بس ماتهيأ يجينا ويقولنا رد اهله اخاف اسير عليهم واتفشل يقولون لاجيبتس جيّاب المطر خخخخخ
الله يخلي اهل سدير لسدير ويكثر خيرهم
بس خليتس منه واقلطي عندي حياتس نتعلل ونتعشى وننبش الاولي والتالي ورب البيت انتس درعمتي بقلبي وحبيتس وحبيت سوالفتس
اخخخخخ ياحلولات لو انتي معي بايرلندا ..بس ماش ماتنلحز
ياعل الوناسه دوووووووووووم معنا ومخاويتنا
ياعل ربي لايورينا كدر ونكد لاعلينا ولا على اهلنا ولا على من يعز علينا

وه لبى قلبتس يابعد قلبي
هم قرو واشتكو علينا الوكاد اهم شي سولفنا ووصلنا لنتيجه


طيب سؤؤؤؤؤؤؤؤؤؤؤؤؤؤؤؤؤال الثاني اللي يقرقع بتسبدي وش عنوان الرساله للضمان المالي
وش اكتب لهم

اقولهم انا اشحذكم شحاااااااااذه الضمان المالي
او

طلب الضمان المالي < كذا اصير ذربه وخوش بنت

هههههههههههههههههههههههههههههههههههه
يالبى قلبك..

تدرين انا كنت بسال هالسؤال واستحيت
بس ارسلت لهم اني ترشحت بعد الاعتراض وحابه استلم الضمان
وحطيت اسمي ورقم الطلب ورقم الترشيح واسم الدوله اللى ترشحت لها والمدينه خخخخخخخ ماخليت شي
المهم ماردو علي للحين
بس ماراح انتظرهم بخلي اخوي بكرى ينط فيهم ويطلب الضمان..

عاد انتي سوي نفسي حطي بياناتك وارسليلهم وان شاء الله يردون عليك ..
بس اهم شي ارسلي الصبح عشان يردون انا جربت ارسلهم بالليل ومايردون ومره ارسلت لهم الصبح وردو علي

موفقه حبيبتي