وش تبي الوزاره يعني لاحول ولاقوة الاباللهً..?
السلام عليكم كلكم واحد واحد
بليزز الي يعرف يرد علي ارسلت للوزاره طلب بتغيير المعهد وردوا علي بذي الرساله
وكالة الوزارة لشؤون الإبتعاث
( برنامج خادم الحرمين الشريفين للآبتعاث الخارجي )
*
*
بإمكانك الحضور إلى مبنى الوزارة*** لشؤون البعثات واحضار صورة من
( بيانات المعهد الجديد* – الضمان المالي ) ليتم اعتماد القبول
*
هل المقصود لازم اراجع الوزاره بس انا مااقدر اسافر او في طريقه ثانيه تكفون محتاره باقي مااراسلت المعهد ولا شي واخاف يتكدس
وارجع ادور معهد من جديد بليزززززززززز الي عنده خبره او صار له مثلي يقول كيف اتصرف ربي يسعدكم ويسهل اموركم ..
رد: وش تبي الوزاره يعني ياحووووول الله؟؟
مادري طيب اتصلي فيهم
مع انهم مايردون :/
رد: وش تبي الوزاره يعني ياحووووول الله؟؟
انا زيك كنت بغير قالولي راجع الوزاره .. وبطلت
رد: وش تبي الوزاره يعني ياحووووول الله؟؟
مااعرف بخصوص تساؤلك
بس ما يجوز تكتبين او تقولين (ياحوووول +لفظ الجلاله) قولي لا حول ولا قوة الا بالله
رد: وش تبي الوزاره يعني ياحووووول الله؟؟
الرساله رد آلي يعني الي يبي يغير المعهد يرد عليه بنفس الرد ... انتي تقدرين تغيرين قبل ما تطلعين لكن المعلومات الي عطيتينا الان غير وافيه
هل تم تواصلك مع معهد معين في امريكا وجاك قبول ولا ما بعد تسوين شي اصلا
بس كل الي اقدر اقوله بامكانك تغيرين بدون ما تروحين الوزاره بس اول ابي اعرف هل انتي الي جبتي القبول ولا مكتب ؟
رد: وش تبي الوزاره يعني ياحووووول الله؟؟
اقتباس:
المشاركة الأصلية كتبت بواسطة دنيآ غريبه
مادري طيب اتصلي فيهم
مع انهم مايردون :/
تصدقين اختي باالفعل كم يوم اتصل مايردوا !! الله يعين بس
رد: وش تبي الوزاره يعني ياحووووول الله؟؟
a.alzahrani
اتوقع اخوي الكل يردون عليهم نفس الرد
Sarah20
اختي اقصد ممكن اراسل المعهد واجيب القبول بدون مااراجع الوزاره وجزاك الله خير جاري تعديل العنوان"
العيون الحزينه
اخوي انت تقصد الرد يجي لكل من عنده رغبه باالتغيير وربي يبشرك باالجنه فهمت من كلامك انو اجيب القبول بدون مااراجع الوزاره وباالنسبه اخوي للقبول انا كلمت مكتب حتى يجيبلي القبول لاني ماعرفت اسجل ولا اسوي شي وقلت اتاكد قبل لااجيب القبول ربي ييسر امور الجميع يارب ""
رد: وش تبي الوزاره يعني لاحول ولاقوة الاباللهً..?
اذا على قبول معهد فهذا سهل التقديم عليه من موقعهم ما يحتاج مكتب
ممكن انتي تسوينه واذا ما تعرفين له حطي اسم المعهد عندي بالخاص وانسخي رابط الصفحه هذي كمان لي بالخاص وراح اشرح طريقة التسجيل وحطها بالصفحه هذي