أحد تعامل مع مكتب المجموعة الدولية للاستشارات التعليمية؟؟!
السلام عليكم ورحمة الله
اسعد الله اوقاتكم بكل خير حبيت أسال يامعشر المبتعثين والمبتعثات هل احد تعامل مع مكتب المجموعة الدولية للاستشارات التعليمية اللي مكتبهم في سوق الأندلس بالعليا لاني قدمت عندهم قبل اسبوع عند واحد اسمه (راني) وطلبت قبول معهد لغة في امريكا وقالوا التقديم مجاني ولين الحين ماجاني قبول معهد احس انهم ماعندهم سالفة وهل في أحد تعامل مع مكتب يجيب قبولات لغة وعلى حساب الوزارة يعطينا تجربته الله يعطيكم العافية
وشكرا لكم،،،
رد: أحد تعامل مع مكتب المجموعة الدولية للاستشارات التعليمية؟؟!
رد: أحد تعامل مع مكتب المجموعة الدولية للاستشارات التعليمية؟؟!
انا كنت عندهم قبل امس ابي قبول لغة التعامل في المكتب لا باس فيه واحد اول ما تدخلي جالس على الكاونتر ياخذ معلوماتك و كذا وبعدها تخشي المكتب عند واح لبناني اتوقع المهم سالني قال وين تبي القبول قلت في جامعة كولورادو ستيت قال معليش ما نتعامل معها الي فهمته انهةيستفيدون منةبعض الجامعات الي يتعاملوا معها عاد رحت لتجسير و امري لله
رد: أحد تعامل مع مكتب المجموعة الدولية للاستشارات التعليمية؟؟!
انا تعاملت معاهم
عطيتهم اوراقي السبت ابي قبول من elp - pennsylvaina
و وصلني الـ i20 السبت اللي بعده
يعني اخذوا اسبوع فقط
و راني اللي جاب لي القبول
ومجانا بس قال جيبيلنا شيك رسوم المعهد عشان نرسلها للمعهد
و اللحين بخليهم يطلعولي فيزا
رد: أحد تعامل مع مكتب المجموعة الدولية للاستشارات التعليمية؟؟!
اقتباس:
المشاركة الأصلية كتبت بواسطة L.altamimi
انا تعاملت معاهم
عطيتهم اوراقي السبت ابي قبول من elp - pennsylvaina
و وصلني الـ i20 السبت اللي بعده
يعني اخذوا اسبوع فقط
و راني اللي جاب لي القبول
ومجانا بس قال جيبيلنا شيك رسوم المعهد عشان نرسلها للمعهد
و اللحين بخليهم يطلعولي فيزا
أي رسوم ؟ ليكن في علمك معهد ELP التابع لـUniversity of Pennsylvania لا يتقاضي أي رسوم من الطلاب المبتعثين.
رد: أحد تعامل مع مكتب المجموعة الدولية للاستشارات التعليمية؟؟!
اقتباس:
المشاركة الأصلية كتبت بواسطة & الـمـسـتـشــار &
أي رسوم ؟ ليكن في علمك معهد ELP التابع لـUniversity of Pennsylvania لا يتقاضي أي رسوم من الطلاب المبتعثين.
اييي هو نفسه تبع ـ University of Pennsylvania
انا طلبوا مني الضمان و طلبو رسوم 400 دولار
و طلبوا اسوي شيك مصدق و اكتب فيه اسم الجامعة وسويته
و ارسلوه المكتب
وايام الملتقى قالوا لنا انو رسوم المعهدج اللي ندفعها نحتفظ بايصالها تعوضها لنا الملحقية
مو صحيح انهم ما ياخذو من المبتعث
رد: أحد تعامل مع مكتب المجموعة الدولية للاستشارات التعليمية؟؟!
والله شكله مايسوى ذا المكتب
رد: أحد تعامل مع مكتب المجموعة الدولية للاستشارات التعليمية؟؟!
والله انا تعامل معاهم و ما عليهم كويسيين
و اخوي راح مستقبلي و له 38 يوم ما جابوا لهم ولا شئ
و انا عطيت اوراقي اي جيك اسبوع جابوا لي قبول لغة
رد: أحد تعامل مع مكتب المجموعة الدولية للاستشارات التعليمية؟؟!
صحيح تعوض الملحقيه عن الرسوم اللتي تدفع انا دفعة 120 دولار رسوم تعبئة الابلكيشن واعوني وصل وقالي واحد من الشباب اللي يدرس في نفس المعهد اعط هذا الوصل الملحقيه على طول يعوضونك
رد: أحد تعامل مع مكتب المجموعة الدولية للاستشارات التعليمية؟؟!
اقتباس:
المشاركة الأصلية كتبت بواسطة L.altamimi
اييي هو نفسه تبع ـ University of Pennsylvania
انا طلبوا مني الضمان و طلبو رسوم 400 دولار
و طلبوا اسوي شيك مصدق و اكتب فيه اسم الجامعة وسويته
و ارسلوه المكتب
وايام الملتقى قالوا لنا انو رسوم المعهدج اللي ندفعها نحتفظ بايصالها تعوضها لنا الملحقية
مو صحيح انهم ما ياخذو من المبتعث
أي طالب مبتعث يقدم على هذا المعهد - بالتحديد - ويرسل الضمان المالي لا يُطلب منك تسديد أي رسوم. هذه الـ400 دولار يُطالب فيها من يقدم على المعهد وهو على حسابه الخاص.